هو وهى

السلام عليكم ورحمة الله وبركاته

مدونتى هى أنا بكل انفعالاتى وتفاعلاتى مع أحداث مرت بيا وبناس كتير جدا حواليا

وأنا طبعا بشر ممكن انفعالى أو تفاعلى يزيد شوية فخلوا بالكو طويييييييل عليا

::::::::::::::::::::::::::::::::::::::::::::::::::::

الكلام ده مش كلامى ده كلام إنسانه كنت بحترمها

كتبته ليا على الميل

بس للأسف طلعت عكس كده ربنا يسمحك عشان انا مش عملت فيكى حاجه

وربنا وحده بس اللى شاهد عليا

أقسم بالله ما عملت فيها حاجه خالص

مش هقولك اكتر من كده

وبجد شكرآ ليكى أنتى على ذوقك

لأنى ماأستهلش منك كده

ده كلامها من أول ده

..........: مش ازعاج طبعا

..........: بس عايزه ااقولك شكرا على ذوقك

..........: للاسف انتى طلعت غير الشخصيه اللى انتى بتحاولى

تتقمصيها فى مدونتك ومدونات الناس التانيه

..........: وانا لا عايزه منك لا علاقه مدونة ولا علاقه ايميل وميرسى قوى

××××××××××××××××××××××××××

قبل اى حاجة احب الجملة دى

توصل الى من بعثت ليا هذه

الكلمات

((لو كل كلب عوى ألقمته حجرٌ لأصبح مثقاال الحجر بدينار))

((يخاطبني السفيه بكل قبح ..... فأكره أن أكون له مجيبا يزيد سفاهة فأزيد حلما ..... كعود زاده الإحراق طيبا))

دا ابسط رد على رسالتك

///////////////////////////////////////////////

اتكلم بقى فى المجمل لان ملاحظة الفترة الاخيرة إنه

ليه الناس بقت وحشة

ليه كل واحد عاوز يشوه اي صورة جميله

ليه كل انسان عاوز يدوس على غيره

ليه كل ماتبعد عن الناس الوحشة تلاقيهم في سكتك اكتر واكتر

ليه كل مانبعد عن الشر يقربلنا

ليه كل ما ناخد جنب من الناس اللي بتضايقنا ييجوا ورانا

ليه كده الناس دي ماتعرفش ان فيه حساب وعقاب؟

ماتعرفش ان ربنا قادر يخسف بيهم الارض

مايعرفوش ان الظلم حرام

زمان واحنا صغيرين كان بيقولولنا ان الظلم حرام

ياترى الناس دي محدش قالها الظلم حرام

محدش قالها الكدب والتلفيق حرام

الغيبة والنميمة حرام

الخيانة والخداع حرام

ياترى هما فاكرين نفسهم مين

فاكرين قدراتهم ايه

ده نفس داخل ونفس خارج ممكن ينتهوا في لحظة

ليه بيعملوا كده

حسبي الله ونعم الوكيل في كل من ظلمني

حسبي الله ونعم الوكيل في كل من أذاني

حسبي الله ونعم الوكيل

واعتقد انى ماسعتش وفرضت صداقتى على حد

ولا انا من النوعية دى ولا هقبل دا

وعلشان كدا بقول ياجماعة لو سمحتوا وبعد اذن الجميع

اتمنى صداقتنا بس تكون من خلال التدوين وبس

ومحدش يزعل من كلامى بالله عليكم

الأحــــــــــ إيناس ــــــــــزان

الصدق ولا غير الصدق

السلام عليكم ورحمة الله وبركاته

جالى سؤال من عادل ده تعرفوه بتاع السيما والبلد دى فيها حكومه وعااااااااااااااااا

وهجاوب عليه وأمرى إلى الله ومش تعملها تانى ياعادل أحسنلك بقولك أهوووو

الســـــــــــــــــــــــــــــــــؤال

أذكرى 10 أشياء صادقة فى حياتك ؟

بسم الله

لكل منا نقاط صدق بحياته

أولآ : الرسول عليه الصلاة والسلام

ثانيآ :أمى وأخويا بحبهم قووى للدرجة كبيره وممكن عشانهم اعمل اى حاجه

ثالثآ : الواد عمار عمره 3 سنوات أبن صاحبتى وأنا اللى مربياه وبعتبره ابنى

عايش معايا كل لحظه ومش بيفرقنى أبدآ حتى شغلى بيجى معايا

ومالى عليا كل حياتى بحبه قوووى أطهر وأنقا وأصدق ملاك بحياتى

بموت فى الأطفال وبحب فيهم برائتهم وبضعف قووى قدامهم

ودى صورته ربنا يحميه يارب ويحفظه

ثالثآ : الأخلاص أنا مخلصة قوووى مع كل الناس لدرجة كبيرة

بس للأسف مش بلاقى نفس المبادلة بس بقول الحمد لله

رابعآ : صريحة لأبعد الحدود واللى فى قلبى على لسانى

حتى لو كان الكلام جارح بس مادام حقيقه يكون احسن وافضل

وناس كتير قووى بتزعل من صارحتى دى مش عارفه ليه

ياترى هى الصراحه اليومين دول بقت عيب

خامسآ : التواضع اكره الغرور والتعالى والظلم والتكبر

واكتر حاجة ممكن تخلينى أخرج عن شعورى

إنى اشوف راجل كبير او ست بيتهانو من حد اصغر منهم

أو واحد بيستغل سلطته فى ظلم الناس

ساسآ :الثقة واثقة فى نفسى لأبعد الحدود

لما حد بيعرفنى من اول مرة يقولوا عليا مغرورة بجمالها

لكن اللى بيقرب منى بيعرف إنى متواضعه جدآ وأغلب من الغلب

سابعآ : طيبه قوووى ياناس بس ماليش بخت مع أى حد

حتى مع زميلى مش عارفه ليه هو العيب من مين فينا أنا ولا هما مش عارفه بجد

ثامنآ : دموعى قريبة فى المواقف الشخصية بس مش بحب حد يشوفها

غير القريبين منى بس عشان هم بس اللى هيحسوا بيا

تاسعآ : الأمل بحس ديما ان الحياة فيها امل رغم أى شىء وحش بيحصل

أصل أكيد الليل بيعدى عشان الشمس تشرق و لاأيه ؟

عاشرآ : الحقيقة لو بإيدى أرجع الزمن ماكنتش غيرت أى حاجة من اللى حصلتلى

لأنى واقعيه ودايمآ راضيه بالأمر الواقع مابحبش كلمه ياريتنى كنت عملت

بيقولولى فيكى حنية وطيبة الدنيا كلها سهل أوى إنى أضحك فى عز جروحى

بعشق السفر وبموت فى أى حتة ليها علاقة بالبحر لدرجة إنى بتمنى أعيش فى جزيرة

بتمنى للكل هنا الخير واننا نكون اسرة واحدة بجد نغيير على ديننا ونحب بلدنا

ونزق بعض للخيرونتقى الله فى انفسنا

وفى أى حد نعامله أيآ كان وأى حاجة بنعملها أيآ كانت

ويارب ما أكونش طاولت عليكم

وطبعآ انا هبعت السؤال ده لناس بحبها قووى

ماما الفراغ

ام مالك

ريمان وأسيرالغربه ويويو والبت ميمايا

ثندر ونهر الحب واخويا مصعب صلاح

واختى وردة واختى وروح قلبى جارة القمر

وحبيبة قلبى غروب

اخويا إسافو

وأخويا ناجى ذو الوجه المبتسم

ذكرى رحيل قلم

طائر الليل الحزين

وجوجو

ولا سع افندى وحلم

رضا الكومى و نهاد

وما زالت اتعلم

واختى ليدى

وحبيبتى فتاة حالمة

شمس النهار

ونواره

أيوشه

الفراشه الصغيره

فراشه

سمكة واحدة

واختى حنين

إيمان روحى

وهمس الارواح

أقدم عاصمة فى الحب

والوعد الحق

ضحكات الحياة

حبشتاكات فلسفيه

ماء تشرين

أعشق فى الليل ضوء القمر

فشكوووووووووووووول

ليس فقيرآ من يحب

أبو صهيب الجمعاوى سابقآ

وحياة بلا عنوان

شبه انسانه

ورومنسى

موناليزا

اللؤلؤة

سماء

ديالا

dodoo

THE illusionist

Somaya Kamal El Din

mohamed ghalia

MaNoOoSh

(Joudy)

shemo

Mr.Hazem

heba

Pink Dreams

وكل اللى هيدخل هياخده

ومحدش يزعل منى لو كنت نسيته

بجد بحبكم قووووى

مع تحياتى

نوسه النوسه كونوسه

وعاااااااااااااااااااااااااااااااااا

دمتم على ألف خير

أنا قاسيه قووووى

السلام عليكم ورحمة الله وبركاااته

فى زمنا ده ممكن تتجرح او سهل انك تتجرح؟

طبعااااااااااااااااااااااااااااااااااااااااااااااا ااااااااا

طيب ممكن تنسى الجرح ده وتبدأ من جديد؟

اكيييييييييييييييييييييييييييييييييييييدطيب

لو اتجرحت تانى برضه هتقدر تكمل؟

إن شاء الله هفتح صفحة جديدة مع نفسى ومع اللى حواليا

طيب لو مفيش حد حواليك؟

كفاية عليا ربنا ونفسى

طيب لو نفسك خلاص بح؟

كفاية عليا ربنا هو الوحيد اللى قادر انه يرجعهالى وانا واثقةفى ربنا

طيب لو خسرت احساسك ينفع يرجع تانى؟

ممكن او احتمال بس معتقدش انه هيبقى زى الاول

يعنى اكيد هيبقى فيه نسبة برود

طيب وانهى هيكون نسبته اكتر احساسك ولا البرود؟

البرود طبعا...

ده كان حوارى مع نفسى دلوقتى كتبته وانا برد على موضوع

بس اللى خلانى اعمله موضوع

انى كتبته من غير ما احس كتبته من غير ما اكون متعمدة

.................................................. .

نفسى اقول لنفسى اسفه اوى اسفه بجد

اسفة لأنى ظلمتك

اسفة لأنى جرحتك

اسفة انى محافظتش عليكى

اسفة لأنى حاولت اغيرك و اغير حياتك للاحسن بس للاسف فشلت

اسفة لكل حاجة وعلى كل حاجة

واسفة لان اسفى مش هيفيدك لأنى بقيت عديمة الإحساس

فا مش هقدر اساعدك ولا اخاف عليكى

بقلمى إيناس

تحياتى

خبر هاااااااااااااااااااام ليكم

السلام عليكم ورحمة الله وبركاته

يا جماعه انا عايزة اقول لكم على خبر جميل قووى هيفرحنا كلنا

طبعآ قمت انا نوسه النوسه كونوسه وسمو الأميرة ريمان بعمل مدونة جديدة

أسمها هاكونا مطاطا

وده اللينك بتاعه

http://hakonahr.blogspot.com/

ياريت تشوفها ورئيك طبعآ يهمنا

منتظرين مشركتكم معانا بسرررررررررررررعه

هاكونا مطاطا أنسى الهم معانا وركز فى البطاطا

هق هق هق هق هق هق

ههههههههههههههههههههههههههه

ياريت تضيفوااللينك عندكم وصدقونى مش هتندمووووووو

منتظرين مشركتكم الجاده لينا

مع تحياتنا

ريمان ونوسه

رحلة مع التهيس

السلام عليكم ورحمة الله وبركاته
احم احم احم احم
أجمل مدونين طبعآ دى مدونتى وأنا حره فيها أعمل اللى يعجبنى

حسيت كده إنى مهيسه شويتين قلت أفرحكم معايا

ويلا كلنا نهيس مع بعض شويه
’’’’’’’’’’’’’’’’’’’’’’’’’’’’’’’’’’’’’’’’’’’’

الســلام والتحية

على أصحـاب الدمــاغ المأســاوية

عــشاق السبــانخ والعنب والمهلبيــة
وكمااااااااااان الملوخيه عشان متزعلش
هع هع هع هع هع هع هع هع

ومش معنى العنوان رحلة تهيس
انها من الصباح للمساء بس يعنى إيه اللى يروح ميرجعش لاء

التذكره هنا ذهاب وإيهاب
أخدين بالكم من من إيهاب

ما علينا أهلآ بيكم الشبــاب المفرفشة والمنعنشه

وبولاق وشبراا وأبو العلا وجنوب أفريقيا

وأحلى تحيه للوحده العربيه
وسمعنى سلام أودعك
ترررمرم ترررمرم

يسعدنى أن أقدم لكم مفأجاه الموسم والعرض الذى طال إنتظاره

حوالى خمستاشر ساعة وربع كباب وكفته وسلاطات ومحاشى

واللى جاي اكتر من اللى ماشى

يسعدنى ويسعد أحمد ومحمد وسعد وإبراهيم وتامر

وكمان عادل ومنى وعدلات وإنشراح اللى بتقول اللى راح راح

ومين دولا معرفهمش طبعآ

يسعدنا أن نقدم لكم

((هبلولـــــــــــــــي ))

دواعى الأ شتراك فى هذا الموضوع :

لو حاسس إنك جعان وإن التكييف مش بيطلع هوا والرز باللبن بيخلص ...

والموز جى على التفاح

ولما تحس إنك نفسك تتكلم بصوت عالى أوووووووى

وخايف لحد يقول عليك إنك أهبل

أو لقدر الله مجنووووووووووووووووووووون

لو حسيت بكل دا أدخل هنا وأتكلم فى هبلولى

شروط الأشتراك فى هذا الموضوع :

أن لا يقل سنك عن سنتين ولا يزيد عن التسعينأت

تكون من محبى مشاهده أفلام الأطفال والخيال العلمى والأدبى

والدبلومات بحميع أنواعها خصوصآ محشى الكرنب

أهم شئ انك تكون بتاكل عنب كتيرررررررر

موانع الأستعمال :

لا يستخدم هذا الموضوع لمرضى القلب أو السكر أو المخللات

أ ثاره الجانبيه

الشعور المؤقت بالهيافه والنسيان المؤقت لمشاكل الحياه

ملحوظه :

يتم حفظ هذا الموضوع فى درجه حرارة الفطير المشلتت

ويرج جيدآ قبل الأستعمال

وتقوم بتدليك الجزء المصاب بعد نزع الشجر والحشائش من فوقه

أنتـــــــــــظرونا

سنمـــــوت بعد قليل

هييييييييييييييييييييييييييييييييييييييييييييييييييه

ذهب الليل طلع الفجر و الحشاش كركرررررررر

ذهب الليل طلع الفجر و الحشاش كركرررررررر

شاف الجوزة قالتله عمرررقالها شدى

ماما قالتله سيب الجوزة و خليها فى حالها ساب

مدرسته و رمى كرسته و راح شد نفاسها

راحت الجوزة ملهلبه زورو لما شرب منها

و آدى جزاء اللى ميديش ماما نفس منها

ندر عليا لاجيلكم و اولع فحمة من فحمة

لحد القرش و نص ما يخلص و نحشش لحمة

ميمى مسطول و سعاد مسطولة و مشمش مصاحبهم

و كوكو بكرة هيبقى ظابط و يطلع عينهم

حد فاهم حاجة فى الليلة دى ؟؟؟

يلا سلام بقى

وأسفه على الأزعـــــــــاج

وأبقوا قبلونى فى الحلقه الجايه

أنوسه النوسه كونوسه

شغااااااااااااااااااااااااال

كيف أحزن وأنت ربى

السلام عليكم ورحمة الله وبركاته

أحبتى فى الله الحمد لله انا بقيت كويسه بفضل وجودكم بحياتى

بجد ربنا ما يحرمنى منكم ونفضل كده أسرة وحدة إإن شاء الله تعالى

اهل الفضل والوفاء كثير كثير

وهم بالطبع لا ينتظرون منى الشكر لأنهم بالفعل اهل الشكر والفضل

ولكن من لايشكر الناس ليس اهلا لحب الناس

وأسأل الله ان يكون كل ما قدمتموه فى ميزان حسناتكم

وان يكون الجزاء من الله سبخانه وتعالى الفردوس الاعلى

نظير وقفتكم بجانبى ومشاركتكم الجادة لى فى محنتى

ولا حرمنى ربى اللقاء بكم فى الدنيا والاخرة

"""""""""""""""""""""""""""""""

يوجد لى صديق مقرب جدآ إتجه الى عالم التدوين ومحتاج تشجيع منكم

وأتمنى أن لا أكون قد أثقلت عليكم شكرآ لكم

وده اللينك بتاع مدونته

http://sad-silant.blogspot.com/
××××××××××××××××××××××××××××××

نيجى بقا للبوست ياحلوين

بداية

الشكر لك يارب على نعمة الصحة والعافية وتاجها العقل

الشكر لك يا ارحم الراحمين على كل ما أنا فيه وما أنا عليه

فكل ما يحل بى هو من فضلك وخير من عندك يا الله سبحانك

كيف أحزنُ وأنتَ ربي

كيف احزن و همى له رب أنت هو

إن أصابنى جعلت لى فى التقوى منه مخرجآ

(و من يتق الله يجعل له مخرجا و يرزقه من حيث لا يحتسب)

كيف احزن وانا ان مرضت عندك شفائى و صحتى و قوتى

( اللهم انت الشافى لا شفاء الا شفاؤك شفاء لا يغادر سقما )

كيف احزن و ان ضاقت بى الدنيا بما رحبت ..فاليك ملجئى و راحتى

جعلت لى فى عتمة الاسحار دعوة لا ترد

فسهام الليل لا تخطئ

كيف احزن و انت ارحم بى من أمى و أرأف بحالى من نفسى

حليم .. رحيم ..عفو .. كريم

كيف احزن و ان ضاق رزقى و شح

جعلت لى فى صلاة الفجر وفرته و فى الأستغفار بركته

كيف احزن و لى رب ان شكرته على نعمه زادنى

و ان ظلمت نفسى اشتاق لسماع صوتى و انتظر عودتى

(إن شكرتم لأزيدنكم)

كيف احزن و قد حرمت الظلم ربى على نفسك

فلا حبيب الا تقيك..و لا بعيد عنك الا ناديته

و لا وحيد الا انت مؤنسه

كيف احزن و انت ربى .. الواحد.. الاحد .. الصمد..

عندما نحزن او نتعب او نكره..او تضيق بنا الدنيا.

نلف و ندور نفكر و نفكر لمن نذهب لمن نشكو

من يعيننا من يفرج عنا و ننسى من بيده كل شيئ

الشفاء و الرزق و السعادة و الراحة و كل شيء

فكروا قليلا كل شيء نبحث عن أى شيئ عند أى أحد

و لا نبحث عند من يملك كل شىء تفريج الهموم بركة الارزاق

فك الكربات بيده الأمر كله

و هو على كل شىء قدير

نشاهد و نقرأ مشاكل الناس نفسياتهم

اكتئاب .. رهاب .. وسوسة.. خوف.. قلق دائم

و ننسى كلمات الرحمن الشافية

التي تنزل بنا السكينة و الطمأنينة

فتسرى عبرنا برودة في القلب و تعطينا لذة لا تعادلها لذة

و لا تشبه أى لذة

فهل لمبتغى الراحةأن يجدها فى غير موضعها

و هل للأنسان أن يبتغى الفرج من غير مصدره

لا و الله..فمن يبحث عن السعادة عند الناس فلن يجدها

و من يبحث عن الراحة في المال فلن يجدها

و من يبحث عن الملك في الظلم فهو بالتاكيد لن يجده

لن يعطى الله انسان شيئآ يبتغيه متجاوزه عند غيره

يا رب كيف ابحث عن حاجتي و هي عندك

و كيف احزن و انت ربى

اللهم ياربي يارحيم

أرحمنا رحمه تغنينا عن رحمة من سواك

لا إله إلا أنت سبحانك إنى كنت من الظالمين

لا إله إلا أنت سبحانك إنى كنت من الظالمين

لا إله إلا أنت سبحانك إنى كنت من الظالمين
مع تحياتى

الأحـــــــــ إيناس ـــــــــزان

همسات أحزانى أنا

السلام عليكم ورحمة الله وبركاته

ممكن أفضفض معاكم شوية

ياريت محدش يزعل منى وإتحملونى شويه

أنا عارفه إنى تعبتكم معايا بأحزانى

‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘

لا أعلم ما الذى دهانى اليوم

عادة أمسك قلمى وأفتح دفترى

أغرق فيه وسط ضحكات الأمس ودموع اليوم

أقلب صفحاتى صفحه تلوى الأخرى

لا أرى ماخطته يداى

تارة أجد صفحه أوحت بالسعاده

وتاره أجد أسئلة متبوعة بإستفهام لم ولن أجد لها جوابآ يومآ

وتارة وللأسف أجد حزن يليه حزن يليه حزن يليه حزن بل ختمت بالحزن

رغم كل أحزاني الا اني كنت احاول انهاء حروفي ومشاعرى بأمل تتبعه سعاده

ولكن اليووم اليووووم اليووووم

تغير كل شى كنت دومآ أتظاهر بأن كل شىء على مايرام

وبأنى بخير كان همى أن يرانى من حولى

كما أنا الفتاه المتفائله بحياتها المرحه مع من حوولى

لم يعلم أحد بأنى كنت أشتعل وأختفى مع كل لحظه تزيد

كنت دومآ أكره حياتى لم أحب العيش فيها لحظة

بل كنت دومآ اقول لما لا يوجد من يفهمنى؟؟

لما لايوجد من يشعر بما بداخلى؟؟

اظهرت شخصيه لاتمد لي باي صله

وأخفيت شخصيتى كان الكل يتأثر بكلامى وحرووفى

والكل يرانى مثالآ

قد لايهتم البعض لما أكتبه وقد يتعجب البعض منى وقد لايصدق البعض مااقوله

أه..... أه ..... أه ......أه ......أه

لااعلم من أين أبدء ؟؟

فأيامى ولحظاتى كلها أحزان

أحزانى أمتلئت فاض قلبى منها لايوجد مكانآ لحزنآ جديدآ

ليتنى أستطيع التخلص منها فأنا أعلم بأن احزانى لن ولن تتوقف يومآ

ااااابدأ بصديقة أهديت لها حياتى وجازتنى بالجفا ؟؟

أم أبدأ عن أقارب عيشت وسطهم غريبة وللأ سف هم سبب جروحى ودموعى؟؟

أو عن أبى الجاحد بحقى وبعيدآ عنى رغم إحتياجى له؟؟

أو عن أنى بنت وحيدة لأمى التى أتمنا من ربنا يكون يومى قبل يومها ؟؟

بحبك قوووى ياماما

أم أتكلم عن فقدانى للحنان اللى بجد محتاجه قوووى ؟؟

أم أتكلم عن أحلامى التى لم ولن تتحقق يومآ؟؟

أه أه أه

كان أكبر جرح لى من أقرب قريب لى

لا أستطيع سرده لكم لكنه سيبقى ذكره مؤلمه حزينة جارحة للأبد

كل ما أتذكره تذرف عيونى الدموووع وتزيد جراحى

حزنى اليوم هو سبب كتابتى لهذه الحرووف

لأنى كما قلت أحاول البوح بأحزان كى أستقبل حزن أخر فهكذا تتداوى أحزانى

انتظر حزنآ أخرلكى أنسى أو أاتجاهل حزنآ قديمآ

مهما تكلمت لن أفى مما بداخلى شيئآ

لم أعد أستطيع التركيز تشتت مشاعرى وتاهت حروفى وبدئت أغرق فى بحر خيالى

أكاد لا أرى شيئآ

دموعى ملئت عيناى وحرووفى أنتهت

يا من قرأت أحزان قلبى

لا تحزن اليوم على معاناتى

كتب على أن ألتقى وأافارق

كتب على أن أضحك والنار تشتعل بداخلى

كتب على أن أعانى حتى الموت

ولا يبقا لى سوى كلمة وحدة

حسبى الله ونعمة الوكيل

وأنت يارب منتقم جبار

الأحــــــــ إيناس ــــــــزان

أنا قولت

السلام عليكم ورحمة الله وبركاته

"""""""""""""""""""""""""""

أنا اليومين اللى فاتوا من ساعة ما جيت من مصر أنا أه كنت مبسوطه قووى وفرحانه

بس لما جيت حصلى موقف غريب قووى وعمرى ما هنساه مهما حصل

وهيفضل نقطة سوادء بحياتى عمرها ما هتتغير

مهما حصل ولا هغفر له

طبعآ انا مش هقول غير حسبى والله ونعمه الوكيل

وبجد ندمانه إنى فى يوم صدقتك وعرفتك

وكمان عاوزة أقولك انت ياترى ضميرك مرتاح

وهقولك كمان مبروك عليك كسبت الرهان

وأنا خسرت نفسى وكل حاجه

بجد ربنا يسمحك وأنا عمرى ما هسمحك

"""""""""""""""""""""""""""""""""""

شكرا لك سيدي فلقد كسبت الرهان...

حطمت قلبي والفؤادجعلتني اشتعل نيران...

جعلتني اتوق للحرية منك

جعلتني اعشق النسيان..

شكرا لك سيدي قد كسبت الرهان...

خسرت حبا لم يعرف له مثيلٌ انسان..

.خسرت عمرا كان لك

خسرت يامن كنت حبيبي

خسرت الانسان..

فشكرا لك سيدي...

لقد كسبت الرهان...

÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷

عجبتنى قووى كلمات أغنيه بحبها قووى من شريط مصطفى كامل الجديد

أسمها أنا قولت بتعبر عن حالتى

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

أنا قولت ان انت صفحة من حياتى قلبتها

ايام بلعنها كل م بفتكر يوم منها

ايام بندم عليها يا ريتنى عمرى م عيشتها

انا هفضل اقول كرهت بأعلى حس واعلى صوت

انا بينى وبينك انت اتقطعت كل الخيوط

انسى انى ارجع واسامحك مستحيل

ده أنا لو هموت

وأنا مين علمنى اكون قادر ومين قوانى غيرك

انا منك شوفت قسوة م شوفتهاش من حد غيرك

ايوة اتعلمت منك ايوة كتر الف خيرك

انسى الايام دى ترجع

ذكرياتى معاك بتوجع

مهما تبكى ومهما تدمع كل شىء بيننا انتهى

انسى القلب الحنين قلبى جرحه م كانش هين

من سنين وانا مش مبين الف دمعة مسحتها

يا سلام على الدنيا ديا

رجعتلى وندمان عليا

دوق و جرب م المرار ومن القسية و حسها

انا كنت زمان بقول علشان حبيبى اتحملك

كل م تبعدنى عنك كنت برجع احنلك

مجنون مين ده اللى كان يقول واحشنى اشتقتلك

ولا ذكرى معاك فاكرها

م لكش عندى ذكريات ده انا بندم على الثوانى وعلى الدقايق والساعات

واهى غلطة وادينى اهو اتعلمت من كل اللى فات

وانا هنسى فى يوم م جيتلك

قولت رافض دنيتك

ده انا كنت فى عز ضعفى قابلت ضعفى بقوتك

لو كنت صحيح حبيبك قولى ايه اللى مسكتك
..............

مع تحياتى

الأحــــــ إيناس ــــــزان

عظيمة يا مـــــــــــصر

بسم الله الرحمن الرحيم

السلام عليكم ورحمة الله وبركاته

عجبتني كلمة من كلام الورق

النور شرق من بين حروفها وبرق

حبيت اشيلها في قلبي

قالت حرام

دا كل قلب دخلت فيه اتحرق

قالوا اسمك ..

قلت فخر

قالوا بيتك ..

قلت قصر

قالوا شكلك

ابن أصل

فين بلادك ..

قلت مصر

÷÷÷÷÷÷÷÷÷÷÷÷÷÷÷÷÷÷÷÷÷÷÷
الحمدلله رجعت من السفر بالسلامة وبالف خيرمع ان مصر مبيتشبعش منها

بس ان شاء الله هسافر تانى قريب نلف نلف ونرجعلها

بس بجد انتم وحشتوني بالاضافة اني بحبكم جدا

وبشكركم من كل قلبى على سؤالكم عنى فى فترة غيابى
وبوعدكم هروح لحد عندكم اشكركم كلكم وبحبكم

المهم

احكليكم على زيارتى لمصر الحبيبه طبعآ وصلت تعبانه ونمت من المشوار وكده
صحيت من النوم على صوت العفاريت نورهان ونداء بنات خالتى

اللى بموت فيهم وبحبهم لدرجة فوق الوصف وبنسا نفسى معاهم قوووى
أتفقنا نعمل جدول لكل الأماكن اللى هنروحها كلنا

وكنت حريصة قووى انى اصور اللحظات دى ووريكم قد أيه مصر جميله قوووى
طبعآ أنا صورت صور كتير قووى بس أنا هعرض ليكم بعضها

والباقى هاحتفظ بيه لنفسى وتكون أجمل ذكرى ليا فى مصر

حديقة الأزهر ..
وهي حديقة رائعة جداً .. ليست بالمعنى الحرفي للحديقة .. وإنما بها بحيرة صناعية وفي وسط البحيرة مطعم .. وبالحديقة مطعم آخر في الناحية الأخرى اسمه مطعم القلعة .. كما يوجد كوفي شوب على أعلى نقطة فيها .. اسمه تريانون كافيه .. منه تستطيعي رؤية القاهرة كلها ، والحديقة قريبة نوعاً ما من القلعة

برج القاهرة
أنا رحته من زمان بس المرة دى من أجمل المرات
طبعآ البرج يتكون من 61 طابق ويطل سطح البرج على القاهرة بأكملها

حيث تستغرق رحلة الصعود الى قمته نحو 54 ثانية

يكون بعدها بإستطاعة الزائر أن يستمتع بمشهد بانورامى فريد للقاهرة

وأهم معالمها السياحية مثل الأهرامات وقلعة صلاح الدين ومنطقة الأزهر

وكمان روحنا وسط البلد ودخلنا سينمات شفت فيلم دكان شحاتة والفرح
وكمان عملت شوبنج وأشتريت لبس جميل قوووى
وكل ده ومش نسينا ناكل الدرة المشوى وأحنا ماشين على كوبرى قصر النيل بليل

والهواء تحفه وشكل النيل مع الاضواء خطير قوووى
وكمان روحنا - سيتي ستارز مول .. وهو أكبر وأفخم مولات القاهرة

أحنا أتصورنا فيه صور كتير قووى بس مش ينفع انزلها لأ نها صورى أنا والبنات وكده
وطبعآ غير الزيارات العائلية لبعض اقاربى بمصر وكانت من أجمل أوقات حياتى
أه وكمان رحت جرند المعادى ده عبارة عن مكان كده زى كوفى شوب

ويطل على النيل تحفة قووى بجد
هى صحيح مصر الجو حر قووىبالنهار بس بليل تحفة

بصراحة رحت أماكن كتير قووى بس والله لسه راجعة

وتعبانة من الطريق

بس قلت أطمنكم عليا

وأسيبكم مع الصور ياحلوين

وعلى فكرة الصور دى أنا اللى مصوراها

الصورة دى من فوق البرج

الصورة دى لسماء مصر الجميلة

دى صور برج القاهرة

دى صورة مطعم البيت بيتك وكنت أسمع عنه كتير لكن ما كنتش أعرف أنه على

نفس الشارع اللى تقع عليه البواخر النيليه

دى صورة حديقة الحيوان

دى صورة جامعة القاهرة

الصورتين دول من مقهى فندق
سوفتيل الجزيره

وبجد مصر جميلة بناسها وجوها الرائع

وبكدا انتهى البوست المتواضع وتمنيت كثيراً انه يكون افضل من كدا

ولكن اعذروني لظروف إرهاقى وتعبى من السفر لذلك مااعطيت بوستى حقه

وانا اعترف انكم انتو تستاهلون افضل من ذلك بكثير

وانا مااحبيت اسافر وارجع بدون مااضع تقرير حتى لو كان بسيط ومتواضع

قد يستفيد منه البعض ان شاء الله

والسلام عليكم ورحمة الله وبركاتة

تحياتى

الأحــــــ إيناس ــــــزان