شكر + الظلم

السلام عليكم ورحمة الله وبركاته

اجمل تحياتي مقرونة باطيب الامنيات لكم..

.بداية اعتذر لكم عن هذا الغياب القسري.

.والذي كان سببه جرح في القلب لا يمكن ان يندمل

المهم رجعت ليكم تانى

وأتقدم

بإسم معاني الإنسانية التي مازالت تشع هنا

...أشكر تلك الأرواح السامية التي وقفت معي

...لكم مني كل الاحترام والتقدير ...

أشكر جميع الأصدقاء ...

الذين كانت كلماتهم وتعاونهم كالبلسم الشافي

ـــــــــــــــــــــــــــــــــــــــــــــــــــــــــــــــــــــــــ

MiMaya
http://mimaya-mimi.blogspot.com/

أختى وحبيبتى ربنا ما يحرمنيش منك أبدآ بجد أنبل مخلوقه صادفتها بحياتى

أسماء وأحلام فى وجدانى

http://elham-me2.blogspot.com/

أحمد الغالى حمدالله على السلامه وبجد وحشتنا كتير نورت عالم التدوين

جارة القمر

http://sadnessisland.blogspot.com/

أشكرك من كل قلبى على موقفك النبيل ومشاعرك الرقيقه ويارب نفضل اسرة واحدة لأخر العمر

ويارب يشفى الولده الحبيبه اللهم أمين

وردة

http://warda3omry.blogspot.com/

أشكرك من كل قلبى على مشاعرك الرقيقه وسعيدة جدآ برجوعك حبيبتى دائمآ متألقة

ريماااااااااااااااااااااااااان

http://malaekya.blogspot.com/

ربنا يخليكى يا ملاكى

""""""""""""""""""""""""""""

الحمد لله فترة وعدتت وأتعلمت منها كتير قوووى ولاذم الأنسان منا يتعلم عشان يعرف يعيش

المهم رجعت ليكم بموضوع يارب كلنا نستفيد منه وبالأخص أى إنسان ظالم ياريت يفوق

من الوهم اللى عايش فيه ويبطل تجريح فى خلق الله

الظلم!

بسم الله الرحمن الرحيم

والصلاة والسلام على أشرف الأنبياء والمرسلين

سيدنا محمد النبي الامي الامين

عليه وعلى اله افضل صلاة واتم تسليم

قال تعالى :

{يَا أَيُّهَا الَّذِينَ آمَنُوا إِن جَاءكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْماً بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ }

الحجرات6صدق الله العظيم

هنتكلم النهاردة عن (الظلم)وما أداراك معنى كلمة الظلم!!!

لا يشعر بها الا من اتظلم حقاااوهى كلمة لها صدى يؤثر فى اعماق النفوس

(حسبى الله ونعم الوكيل فى كل مفـــتـــرى وكل ظاااااالم)

العبارة دى كلنا بنقولها لما نكون مظلومين ومش قادرين ناخد حقنا بدراعنا

فنتوجه الى ربنا سبحانه وتعالى لانه عالم باللى جوانا ومطلع علينا

عاوزين دلوقت كل واحد منايفتكر موقف ظلم حصل له ويحس وقتها هو كان حاسس بأيه؟

اد ايه الظلم ده حاجة صعبة جدااااواصعب ما فيه دموع المظلوم

ياااااااااااااااااااه تخيل لما تظلم انسان قلبه ابيض ميعرفش الحقد ولا الانانية ولا الطمع ولا الجشع

تخيل لما انت تخلى الانسان ده ينام وعنيه مليانة دمووووووووع

انت

مش حاسس اد ايه الانسان ده بيتعذب ده كل دمعة بتنزل بيكون لها تأثير كبير

كل دمعة بتنزل من عينه بتقول(حسبى الله ونعم الوكيل فى كل مفـــتـــرى وكل ظاااااالم)

شوف بقى كام دمعة بتنزل من العين كتييييييييير مش كده؟

لما يضيع منك حقك قدام عنيك وانت واقف مش قادر تعمل حاجة

بتحس ان جواك نار بتغلى مش قادر تطفيها

لما تصرخ من جواك ومش لاقى حد يسمعك

بتحس ان صوتك مبقاش ليه اى لازمة

لما تبكى ومتلاقيش حد يمسح لك دموع الا ايدك

بتحس بالندم والحزن والاسى ليه كده؟؟؟؟؟؟

هو ليه فى ناس بتظلم ناس تانيه من غير ما تسمع حتى منها ايه اللى حصل

ليه مفيش فرصة للدفاع عن النفس!

ده ربنا بيقول

{يَا أَيُّهَا الَّذِينَ آمَنُوا إِن جَاءكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْماً بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ }طيب ليه أنت

تظلم انسان عمره فى حياته ما اذاك؟

ومجرد انك تسمع كلمة من شخص تانى تروح تتهم الانسان ده وتوجه له الغلط والخطأ

ليه مفكرتش لحظة تقف وتسأل نفسك ياترى الكلام اللى وصلنى عن الانسان ده صح ولا غلط؟

صدق ولا باطل؟حرام ولا حلال؟ ليه بتتسرع وتصدر الحكم قبل ما تفكر؟؟؟

ده حتى بيقولك( قلب الاحمق وراء لسانه ولسان العاقل وراء قلبه)

ناس كتير ممكن متعرفش معنى الجملة دى عشان كده هشرحها

اولا معنى كلمة قلب يعنى عقل

معنى العبارة كلها بقى ان الانسان الغبى بيتكلم قبل ما يفكر يعنى لسانه بيسبق عقله

اما الانسان الذكى فهو اللى بيفكر بعقله الاول وبعدين يتكلم بلسانه

ربنا عطانا عقل كلنا عشان نفكر بيهده

حتى الفرق بين الانسان والحيوان هو العقل يبقى ليه احنا نتسرع فى اتخاذ قرارتنا

ونظلم ناس على كلام ناس ملهوش اى اساس

ازاى تنام وانت حاسس انك ظلمت انسان

ازاى عينك تغمض وانت شايف دموعه محوطاك فى كل مكان

ازاى تقدر تحلم وانت سامع صرخة انسان مظلوم

بتقول(حسبى الله ونعم الوكيل فى كل مفـــتـــرى وكل ظاااااالم)

ده ربنا امر بالعدل وحرم الظلم ده

حتى من اسماء الله الحسنى (الحكم -العدل)خد بالك!!!

دعوة المظلوم دى بتوصل لسابع سماعارف يعنى ايه سابع سما؟؟

يعنى ربنا بيسمع دعوة المظلوم وياويله الظالم بقى

ربنا يمهل ولا يهمل

ولك يوم يا ظااااااااالم

أحبتى

[ أحــذر .. لا تنخدع ]

لا تنخدع بجمال الوجوه وزينة الملابس

الكثير من الاقنعة صارت على الوجوه هذا الزمان

التمس ما فى داخل القلب ..

هو اصدق ما فى الانسان

ولا يغرك جمال الوجه أبحث عن جمال الروح

بقرب الروح الطيبة تختفى الجروح

وأخيرآ

كمـ أنا أحبكمـ ..

وكمـ أود أن لا أغضبكمـ ..

ولكن لا أعلمـ لما أعاملكمـ بهذا الشكل ..

لا تلومونـي فمشاعري مشتته .

.وأفكاري مشوشه .

.حياتـي تتغير جذرياًً..

فلا تعتبُوا علـي ..

وأعلموا أننـي لابد فـي يوماً أن أرجع كما كنت ،،

مع تحياتى

عاشقة الأحزان

إيناس

إدعولى