الحب الحلال

الحب الحلال

الاثنين، 8 يونيو 2009

بحبك يارب

السلام عليكم ورحمة الله وبركاته
عندما تشعر بالضياع
أبحث جاهدآ عن نفسك
سوف تكتشف إنك موجود
وإنه من المستحيل أن تضيع
وفى قلبك إيمان بالله
ـــــــــــــــــــــــــــــــــــــــــــــــــــــ
ازيكو كلكو
اى مدون او مدونة اتعملت معة
او متعملتش انا كنت مترددة إنى أكتب الكلام دة فى الأول
أنا أتشرفت إنى أتعرفت على ناس كتير
قوووى بالتدوين من أحب الناس لقلبى
بس ســـــــــــامحونى
لأن دى النهايه
سوف تكـــون هذة الصفحة
صفحة لذكرياتنا
صفحة لـ نسترجع بها
كل ما نــريد استــرجاعه
صفحة نسترجع بها ذكــرى
مــوقف .. فـــرح
صفحة تجـــمع ذكرياتنا سويــاً
صفحة الوداع
متزعلوش منى بجد
هكون معاكم بقلبى
وهتوحشووووونى
وفى رساله موجه لشخصين من أحب الناس إلى قلبى
أولآ :
أنتى بجد بحبك قووى وكنت أتمنا نفضل أصحاب لأخر العمر
بس بجد زعلت قووى لما لاقيتك بعيتنى فى لحظة
عامة ربنا يوفقك ويكفينى أعيش على ذكرى حبى ليك
ثانيآ:
أنت أغلى إنسان على قلبى وكنت أتمنا أكمل معاك
بس معلهش دى حكمت ربنايكون الفراق مكتوب ليا وليك
وربنا يشفيك وبدعليك من قلبى لأنى بحترمك قووى
"""""""""""""""""""""""""""""""""""""""""

بحبك يارب
بحبك أوى
ياعالم بحالى
وحنين أوى يارب
يارب بحبك يا شافى ياطبيب المجروحين
بحبك ياعادل يانصير المظلومين
بحبك يارحيم يامسامح المذنبين
بحبك أكتر من أمى وأبويا
بحبك أكتر من أختى وأخويا
يا محنن قلوبنا..وساتر عيوبنا
نغلط وتسامحنا
وتطيب جروحنا
أفضالك علينا كتيره أوى يارب
يارب أكرمتنى ورزقتنى
من قبل أنا ما أطلب أنانصفتنى ونصرتنى
مع أن انا ضعيفة أناسامحتنى وسترتنى
بحبك أوووووى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
لاتنظر إلى صغر المعصيه
.ولكن أنظر لعظمه من عصيت

يارب إذا جردتنى من المال فاترك لى الأمل
وإذا جردتنى من نعمة الصحة فاترك لى نعمة الأيمان
يارب إذا أساءت الى الناس فاعطتنى شجاعة الأعتذار
يارب إذا أساء لى الناس فاعطينى شجاعة العفو

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

دعاء
اللَّهُمَّ بَدِيعَ السَّمَوَاتِ وَالأَرْضِ،
ذَا الْجَلالِ وَالإِكْرَامِ وَالْعِزَّةِ الَّتِي لا تُرَامُ،
نَسْأَلُكَ يَا الله يَا رَحْمَنُ بِجَلالِكَ وَنُورِ وَجْهِكَ أن تهدي هَؤلاءِ الحَافِظَاتِ
، وأَنْ تُلْزِمَ قُلوبَهُنَّ حِفْظَ كِتَابِكَ كَمَا عَلَّمْتهن،
وأن َترْزُقهن تلاوتهُ عَلَى النَّحْوِ الَّذِي يُرْضِيكَ عَنهن،
اللَّهُمَّ بَدِيعَ السَّمَوَاتِ وَالأَرْضِ
، ذَا الْجَلالِ وَالإِكْرَامِ وَالْعِزَّةِ الَّتِي لا تُرَامُ،
نَسْأَلُكَ يَا الله يَا رَحْمَنُ بِجَلالِكَ وَنُورِ وَجْهِكَ أَنْ تُنَوِّرَ بِكِتَابِكَ أَبْصَارَهنَّ،
وَأَنْ تُطْلِقَ بِهِ ألسِنتَهنَّ،
وَأَنْ تغسلَ بِهِ قُلوبَهنَّ،
وَأَنْ تَشْرَحَ بِهِ صُدورَهنَّ،
وَأَنْ تفرّج به هُمومَهنَّ وسَائرَ المسلمينَ والمسلماتِ
وصلى الله على نبينا محمد.

تحياتى
الأحــــــ إيناس ــــــزان














هناك 76 تعليقًا:

عاشقة الأحزان يقول...

السلام عليكم ورحمة الله وبركاته


ياريت محدش يزعل منى

وإدعولى من قلوبكم

ربنا يسعدكم ويفرحكم

ويبعد عنكم الأحزان

فى رعاية الله وحفظه
لا إله إلا الله
سيدنا محمدآ رسول الله




الأحــــــ إيناس ــــــزان

عاشقه الرومانسيه يقول...

انوسه
رايحه فين؟
لا بلاش بعد بالله عليكى
لانى باكرهه
اى حد بحبه ببعد عنه
احنا اخوات وبنخفف عن بعض
خليكى جنبنا
واحنا على طول هنفضل جنبك
يعلم ربى انى بحبك
فكرى تانى
خدى اجازه شويه وارجعى
بس بلاش يكون قرار نهائى

ارجوووووووووووووكى

ماء تشرين يقول...

ربنا يسعد قلبك يارب

يارب

يارب

يارب

Sweet Violet يقول...

!!!!!!!!!!!!!
مش فاهمة

طيب ليه ؟؟

ممكن تاخدى فترة تراجعى فيها حساباتك

لكن مش تبعدى عن الناس اللى بتحبك بدون اى اغراض

ارجو انك فعلا تعيدى النظر فى الموضوع و ترجعى تانى

ربنا يهديك للصواب ويرزقك الإخلاص ويفرج كربك اللهم امين

منتظراكِ

حنين القلب يقول...

لا يا ايناس
كده غلط
انك تبعدى عننا ده غلط
انك تقفلى مدونتك ده غلط
مش علشان واحده صاحبنك باعتك او زعلتى معاها تقومى تقفلى مدونتك وتقولى انا هبعد وكفايه عليه كده

التدوين مش واحد او واحده
التدوين عالم زى ما فيه الكويس فيه الوحش

وانا برفض انسحابك من هذا العالم
لانك بجد معنى جميل جدا
وانسانه طيبه بجد

ايناس خدى اجازة
ابعدى شويه
بس مش تقولى انها نهايه او وداع

انا هرجع تانى
علشان اشوف كلمه واحده
رجعت
ماشى
هتوحشينى لحد ما ترجعى
لا اله الا الله

ghorBty يقول...

السلام عليكم

بجد يا ايناس كلامك جميل اوي واتعرفت عليك اكتر من خلال اجابة التاج وحسيت اد ايه انت انسانه رقيقه وقلب كبير ربنا يكرمك يارب ويسعدك ويعوض عليك بالخير ..

ياريت مهما شوفتي من اي حد ما تتضيقيش ولا تبعدي عن شئ انت بتحبيه ما تخليش حد ياثر علي حياتك مهما كان يعني ليه هم يجرحوا ويعيشوا عادي وانت حياتك توقف بالعكس
الضربه اللي ما تموتكيش تقويك وثقي ان ربك كبير ومطلع واكيد هيعوض عليك وهيرضيك ان شاء الله

فياريت ما تبعديش عن شئ جزء منك وبتحبيه علشان حد انت ابعدي في حاله واحده لو القرار نابع من جواك

ربنا معاك وفوق الكل

دمت بكل خير ...

انا متوقفه عن الردود بس حبيت اقولك الكلمتين دول لاني بعزك وبحترمك جدا ومش حابه انك تبعدي عنا ...

ايناس لا تجعلي تصرفات البشر من حولك تغيير مسار انت رسماه لنفسك يعني هتسجني نفسك وانت الضحيه ؟

ريمان يقول...

يعنى ازعل انا ولا اطق ولا اعمل ايه بالظبط؟


فى ايه بس مالك


انا مش فاهمه اى حااااااااااااااجه

Lady E يقول...

انوس حتى موبايلك مقفول

يارب يكون القرار ده مؤقت

انا قلقانه عليكي اوووووووووووي

Maga يقول...

وبعدين يعني يا ايناس انتا مش عايزة ليه تخرجي من الحالة اللى حاطة نفسك فيها دي
احنا ليه بنستعجل الوداع والفراق ماهو هيجي يوم ونفارق ليه منعش للحظة دي
قدري قيمة الحياه يا ايناس حطي في بالك انك ممكن بكتاباتك تغيري فكر او اراء او تأثري فى حد بالايجاب ليه بعد ماحسستينا من غير مانشوفك انك منننا وعايشة معانا بسهولة تقولي باي مابقاش فى ايدك يا سارة ولا من حقك طيب فين حقنا عليكي ازاى بتقولى بحبكوا وانتى بسهولة بتبعينا كدة
ايناس بليز خدي راحة كدة شوية وابعدي عن النت كله يومين بس هتلاقي انك مالكيش غيرنا واحنا مالناش غيرك
وهنستناكي يا ستي ولا شكلك كدة عايزالك كام يوم فى اليكس انسي طبعا

beautiful mind يقول...

لم اتمالك دموعي وانا اقرا اخر كلماتك
لا ادري ما السبب
لماذا الرحيل يا ايناس
عرفتك منذ اول لقاء معك علي صفحات هذه المدونه بالفتاه الحزينه ولم ادري ما سبب كل هذا الحزن ايضا

لن اقول لك وداعا
طالما هناك حياة فلن يكون هنا وداع
ايناس ان شاء الله هترجعي وانا متاكد من كدا
وربنا يصبرك ويقويك وتعودي باجمل حال ان شاء الله

طـــائر الليــــل الحـــــزين يقول...

بجد انا زعلت قوى لما قريت اللى كتبتيه
فى البوست
كل اللى هقدر اقولهولك انى هفتقدك جداااا
على الرغم من انى معرفتى بيكى مش بقالها كتير
وبرده اسمحيلى اقدملك نصيحة
بلاش تخدى قرار بسرعة كده عشان اى حاجة او اى موقف حصل معاكى
استنى لما تهدى وتكونى قادرة تفكرى
وبعدين اللى حواليكى ممكن يسعدوكى انك تكونى احسن واقوى من كده
اتمنى انى اسمع انك رجعتى تانى للتدوين
بجد انا بحزن كل ام اشوف ان فى حد من المحببين لقلبى ساب التدوين
ترجعى بالسلامة

غروب يقول...

بت انتى مش قصه

مش هتسيبي التدوين صح؟؟؟؟؟؟؟؟؟؟؟؟؟؟؟

بحـــر الدموع يقول...

السلام عليكم


أخيتي ايناس..

لم كل هذا الذي يحصل.؟!
ما الذي يزعجك في حياتك حتى تتركي اسرتك هنا تنشغل بك،
قولي لنا ربما احدنا يساعد ولو بالقليل فيخفف قليلاً من جرحك وألمك
كوني قوية وواجهي المستحيل بعزيمتك وارادتك..
لا تتركي الصخور تسد طريق حياتك

كوني بخير دائماً ..

مصعب صلاح يقول...

السلام عليكم

لا والله احنا مش زعلانين ولا حاجة

تقبلي مروري

اسماء واحلام فى وجدانى يقول...

اللهم لا سهل الا ما جعلته سهلا

وانت تجعل الحزن ان شئت سهلا

ليه كده يا ايناس

والله انا زعلان منك اوى

وزعلان عليكى اكتر واكتر

اعشق فى الليل ضوء القمر يقول...

لا لا لا
انا بحتج و بضع كلماتى
صرخات على قمم الجبال
تحملها رياح زاحفه على
أمواج هائجه تخلع
جزور الأشجار و النخيل

بجد ما ينفع
متنسيش ليكى أخ فى التدوين إسمه
أعشق فى الليل ضوء القمر مينفعش تسيبيه و تمشى كده

فشكووول يقول...

يا ايناس انا كل ما اروح مدونه الاقيهم نازلين حب وغرقانين فى الحب
انا لسه ما قريتش حاروح اقرأ وبعدين ارجع تانى اقول اللى فى نفسى

فشكووول يقول...

أااااه .. انا قريت ويا خساره وياريت ما قريت
ايه انت ناويه على ايه
طب اقول لك كلام حلو يمكن يخليك ترجعى عن اللى فى دماغك
يا نوسه النوسه كونوسه انت ننوسه ونعنوشه وبسبوسه
طب بقى يعنى اعمل ايه عشان ترجعى عن اللى فى دماغك
بس اذا كنت مصممه اتمنى لك كل السعاده والهناء والنجاح فى الحياه
ما بالنا نتعارف ونتحاب فى الله ثم نفترق ثانيه ومن الممكن اللقاء فى اى وقت واى مكان دون ان نعرف بعضنا البعض
هل علاقات التدوين قاسيه الى هذا الحد
وبالتوفيق يا بنيتى

أحمد عمر يقول...

السلام عليكم و رحمة الله و بركاته

لعلها اول مشاركه لى هنا لكن اتصور ان موضوعك موجه لافراد بعنهم و لذا لم استطيع كفايه فهمه لكن اتمنى يارب يكون ما يكون زى ما فهمت ترك للتدوين


بوركتى و بارك الله حياتك :)

سمكه واحده يقول...

ده ينفع يعني بجد؟
في ايه بس مالك
طب احنا بنكلم ونفضفض ولما حد بيفرح بيكتب ولما بيزعل بردو بيكتب وبنهزر وبنزور بعض ومدونه ترسم بسمه علي شفيفنا
ومدونه بنتعاطف معاها وبنبقي لكلنا مع بعض روح وحده وبزعل علي زعل بعض وبنفرح لفرح بعض
اتعملنا حجات كتير وشعرنا بحجات كتير مكناش حسين بيها
انا بجد مش عشان حاجه انا بقلك بلاش كده
لما تضيقي اقعدي بعيد شويه لوحدك متكتبيش لكن ارجعي تاني دي حاجه شخصيه بتعتك انتي تكتبي فيها اللي بتحسيه وتلاقي حد يشاركك
من راي ده غلط
وبجد عشان انا بحبك ياريت تفكري كويس

ربنا يسعدك يارب ويبعد عنك اي حزن

MaNoOoSh يقول...

ربنا يحققلك املك يا ايناس

بس بردو متسيبيش المدونة

mizohart2010 يقول...

السلام عليكم
ازيك يا ايناس موضوعك جميل اوى
بس تفتكرى فى حب صدق دلوقتى
فى لسه ناس حبه حقيقى
احنا اتعودنا على الخوف نمشى كويس عشان محدش يزعل مننا
منعصيش ربنا عشان منرحش النار مين فينا زاى الانبياء و الصحابه بيصبر على البلاء و يقول الحمد لله بنفس راضيه
الحمد لله على كل شىء حد فينا بيقولها وهو مقتنع و راضى حد فينا يقدر يمنع نفسه انه يزعل و يقول ليه يارب اشمعنا انا جميل اوى اننا نعرف نحب بجد و اسما انواع الحب حب الله حب خالى من المصلحه او نفق الدنيا

ادم المصرى يقول...

لا تعليق

لا تعليق
لا تعليق
لا تعليق

اللؤلؤة يقول...

عاشقة الفراق
اللام عليكم
لماذا الفراق ولماذا الآن . هل أاء لك أحد
لقد عهدناك أختاً لنا
قوية العزيمة صلبة الإرادة شديدة التحدى
لحياة مادية قاسية لا تعترف بالعواطف ولا الرومانسية
لمــــــــــــــــــاذا
يا عاشقة الفراق

عمرو يقول...

ربنا معاكى و يخفف عنك و يهديكى للطريق الصحيح ..
أتمنى لك كل توفيق و سعاده ..
تقبلى تحياتى و تقديرى ..

مروة يقول...

اتوس حبيبتى

مالك فيكى ايه

طب افتحى تليفونك اطمن عليكى يا ايناس والله العظيم انا بكيت قووى وانا بقرء كلامك ليه بس تبعدى وتعملى فى نفسك كده

انا مش هعرف اجى اليومين دول وقلقانه عليكى قووى
طب افتحى التليفون
عشان خاطرى
وبلاش تقفلى المدونه وتسيبها بجد انا بطمن عليكى منها يا انوسه
حرام عليكى
والله بجد حرام والله بجد حرام

مافيش حد يستاهل انك تزعلى وتعملى كده بنفسك

بالله عليكى ارجعى بقا وكلمينى عشان اطمن او افتحى الفون يا ايناس

ماشى

منتظرررررررررررررررررررررررررراكى ياعمرى كله

والله
بحبك قووى يا ايناس

ادعيلى اخلص امتحانات وانا اجيلك واكون جنبك على طول وهعرف اخفف عنك ياعمرى

سلام
ومنتظره عودتك
مروه

شقاوة يقول...

ايناس

ياريت لو زعلانه من حد


بلاش تقفلى المدونه بتاعتك

دى احاسيسيك ومشاعرك انتى اكتبى اللى بيعجبك ومش يهمك حد تانى


منتظر بوست جديد

وبلاش زعل بجد مافيش حد يستاهل

تحياتى

هيثم

حلـم،، يقول...

مافي حدا زعلان منك..ومافي حدا فينا ما بدعيلك..ومافي حدا ما بتمنالك الفرح واهنا..ومافي حدا زي بحب الخير كلي يكون الك..اللة يبعد عنك الاحزان ويبعث في قلبلك الافراح..ويسخرلك الحلال وابن الحلال ليمنحك الودة والدلال..لانك تستاهلين ياعاشقة الانسان..اللة..وداع الاحزان..اللة يكرمك يا ايناس وينعم عليك بالرضي ويفض عليك بالرزق الحلال..ودمتي عاشقة باسقة غضة طرية مشاعرك كالربيع..وتفوحي فينا بشذي اللوز في نيسان وعلي صدرك وسما شرفتي بة لان ذنبك انكي تعشقين انسان اتمني ان يكون علي حضنك منة اجمل انسان..ومش حلم زي حقيقة نورتينا ايناس يابكرة ياعطر الناي وطيب المودة والاحساس ودمتي خارطة القلوب الرحيمة..انا حلم..

قلب ارهقته الاحلام يقول...

ايه يا أنوسة ده ؟؟؟؟؟؟؟؟

ف ايه ايه ال حصل بس ؟؟

مينفعش تمشي كده :(


انا حاسه ان انا مش فاهمه حاجة خالص

ياريت تفهمينا فيه ايه علشان انا شايفه ان مفيش اي سبب

ممكن يخليكي تسيبي حاجه بتحبيها بالسهوله دي

ومستنيين ردودك

اختك غادة

حكاية لا تنتهي يقول...

صديقتي العزيزه ان كان م حقي اقتناص صداقتك صحيح انني فقدت تلك الصداقه قبل بدايتها لو كان ما فهمته صحيحا

ولكنني سابقي اعتز بها ومن يدري ربما يوم ما احكي لاحفادي عنها .....

احيانا نحن نقرر التوقف بلاسبب يذكر او ربما لاسباب قاتله ولكن صدقيني ليس هذا هو الحل فدون قصد منا نعود
انا مثلا قد عدت من جديد بوجه اخر لن انكر ولكنني قد عدت وجه اخر وحلم اخر ونظرة اكثر تطورا في الحياه

من حقك ان تختلف مع الحياه ومن حقك ان تقرر التوقف ولكن ما دمت تجد نفسك مع الله فستعود

وفقك الله ورد اليك سكون نفسك وسعادتها

م/ محمد صالح يقول...

على فين انت على فكره متقدريش تبعدى انت بتحبى الناس والكل بيحبك واللى بيحب الناس ميقدرش يبعد عنهم مستنيكى ويارب يارب تكونى ديما فى افضل حال

ومازلتُ أتعلم يقول...

ربنا يكرمك ياحبيبة قلبى
ويوفقك ديما للخير
وبحبك مووت ياقمر
لانك شخصية رقيقة ومحترمة
وبجد
مش متخيلة التدوين من غير روحك الجميلة ديه

بدعيللك بجد ربنا يوفقك ويكرمك
ءامين

همس الاحباب يقول...

انا مش فاهم حاجة بصراحة
ده بوست وداع ورحيل
ولا ايه بالظبط

همس الاحباب يقول...

ربنا يوفقك لما يحبه ويرضاه
وتمنياتى لكى بالسعادة دوما
ممكن نسمح باجازة قصيره اه
اما رحيل وغياب اعتقد صعب
ربنا يطمنا عليكى دايما
تحياتى لحضرتك

kimo يقول...

وعليكم السلام

**************
قلم رائع
بارك الله فيك
ونفع بك
وهداكي وهداني وجميع المسلمين الي طريقه
خدي نخله
سبحان الله وبحمده سبحان الله العظيم

وليد الاسلام _هويتى اسلامية ومدونون من اجل فلسطين يقول...

ايه الكلام الكبير ده نش ممكن بصراحة مشغول شوى بس حرجع تانى علشان اتكلم

لاسع افندى يقول...

انا مش فاهم حاجه بس عموما بنتمنالك التوفيق دايما وربنا معاكى

تحياتى

فتاه حالمه يقول...

ارجعي يا هاميسسسسسسسسسسسسسسسسسس
مش هترجعي بقي بدل ما افجرك بقي
ارجعي الي اخيتا تون
بحبك يا هاميس
قصدي يا ايناس
ارجعي بقي

عابر سبيل (عبدالرحمن محمود) يقول...

مش حقول غير ان احنا منتظرين البوست اللى جاى

gogo!sf يقول...

يا بنتى فى ايه مالك


اولا بعد الكلام الجميله اللى اتمنتيه من رب العالمين

استحاله حد يزعل منك

انتى بتطلبى انك تسامحى وتتسامحى

اذا لم اُقدر فلم تُقدر

تحياتى

عاشقه الاحزان

جوجو

د. ياسر عمر عبد الفتاح يقول...

ده بجد ده ولا إيه
يعني إيه النهاية؟
ياريت حضرتك تفكري تاني في القرار ده
مفيش حاجة تستدعي لكده

ياريت فعلاً تعيدي التفكير

الفراغ يقول...

مش قادره اتكلم
وانا حاسه انك خدتى القرار ..وانتهى الموضوع
واشكرك انك قلتلنا
كان نفسى يكون لينا دور فى الغاء هذا القرار
ولكن لكِ حبى,وتمنياتى بالسعاده

وتمنياتى بعوده قريبه
اختك الفراغ

وردة يقول...

ايناس
مالك في ايه
انا طبعا معرفش ايه اللي حصل
بس كنتي رجعتي وحسيت ان الدنيا رجعت تاني معاكي
ايناس متخديش قرار وقت زعل او جرح
انت قوية ارجعي تاني يابنتي كلنا معاكي
اي نعم الغدر بيوجع بس البعد بيوجع اكتر
الوحدة بتقتل
ايناس ريحي وارجعي تاني
في انتظارك ياايناس
اوكي
سلام

dr aly khamis يقول...

السلام عليكم و رحمة الله و بركاته
أوووووووووول تعليييييييييييييق
فى المدونة الجميلة اللى هتكمل لأعوام كثيرة قادمة بإذن الله
ماذا حدث لهذا يا أخت إيناس ؟؟؟؟
إيه اللى يخليكى تبطلى؟؟؟
إن شاء الله يكون قرار انفعالى بس و ترجعى فيه بعد الهدوء و التفكير!!
بارك الله فيك
فى انتظار جديدك بإذن الله
تقبلى تحياتى

حنين القلب يقول...

انووووووووووووووووس
عامله ايه؟؟
يا رب تكونى احسن
وتكونى فكرتى كويس

وتكونى رجعتى بالسلامه

وحشتينى

aidy يقول...

ايناس انتى اكيد مش عايزة تبعدى عننا

خليكى بجد

انا مش عارفة اتكلم دلوقتى انا الموضوع بجد صدمنى

بس انا مش عايزاكى تمشى

خدى يومين راحة بجد

وهستناكى ترجعى تانى

هستنى مشاركة منك عندى

يلا بقى متتأخريش

عاشق الاحزان يقول...

السلام عليكم ورحمة الله وبركاته

يااااااااااااااااااااه

ايه اللى حصل

مالك يا انوسه ايه حصل مش فاهم

بجد لما قريت الموضوع اتصدمت قووى


وكمان قافله تليفونك فيك ايه فهمينى

والتدوين ماله ومال الزعل من ناس مش بتقدرك

بجد انا عملت اصلا الموضوع ده عشانك انتى ومش بعلق الا عندك انتى بس

ولاذم تنسحبى من القرار ده

لو كنتى تعبانه ابعدى وارتاحى شويه

بس لاذم تكتبى وتعبرى عن كل اللى جواكى فاهمه
منتظرك

وافتحى تليفونك بجد عاوزك فى موضوع مهم جدآ
واما هنزلك من مصر يا بنت عمتى

الولاد نفسهم يشوفوكى ويطمنو عليك وبسيألونى عنك يا غاليه

منتظرك
سيمووووووووووووووو
حبيبك الغالى يا انوسه

نور العيون يقول...

السلام عليكم

انوووووووسه

بصى دى اول مره اشارك معاكى وعملت حساب مخصوص عشان ادخل وقولك انا بحبك قووى

وياريت ماتسبيش التدوين بعد ما شفت حب الناس دى كلها ليكى فاهمه

مش هتسبيه خالص يانوسه

انا اختك الصغيره بقولك اهو وهتسمعى كلامى وحياة ايامنا الحلوه بمصر يا ننوس
منتظراكى ترجعى للناس اللى بتحبك دى

بحبك قووى ياقمرايه
واحن انسانه بالدنيا كلها
اختك
نور العيون

نيداء يقول...

السلام عليكم


نيداء من اختك نيداء

انوسه الجميله الطيبه الحنونه

والله عملت حساب انا واختى نور مخصوص لما عرفنا انك هتسيبى التدوين

وبنقولك لاء مش بمزاجك انك تسيبى الناس دى كلها اللى بتحبك عارفه يعنى ايه بيحبوك

مش كل حاجه تزعلى منها كده
بلاش بقا كبرى دماغك وعيشى حياتك يابنتى

طب تعالى عندنا يومين غيرى جو وبعدين انزلى اكتبى ومش تعبرى اى حد فاهمه يابت انتى

والله انا كان نفسى ادخلك من زمان
بس ظروف امتحانات الكليه وانتى فاهمه بقا
المهم اخدت الاجازه ومعتش ورايا غيرك انتى بس ياعمر
منتظراك
اختك اللى بتحبك قووى


نيـــــــــــــــــداء

نور العيون يقول...

بحبك قووى يانوسه


ارجعى عشان خطرى


منتظراكى

نور العيون

مروة يقول...

انوسه


حبيبتى


هترجعى وانا متأكده

ارجعى للناس اللى بتحبك حرام عليكى كده

منتظراكى
وافتحى تليفونك بقا
سلام
مروه

شقاوة يقول...

ارجعى


منتظر منك الرجوع

ঔღঔ نـــوارة ঔღঔ يقول...

ليييييييه كدا بس

والله زعلتيني جداااا

مش معنى انه حد خانك او زعلك تسيبي الناس الي بتحبك وبتعزك

يارررريت تهدي وتفكري كويس

واذا مصرة على رايك مليش الا اقوووولك

ربنا يوفقك ويسعدك ياررررب

وابقي زوريني على الاقل وطمنيني عليكي

بحبك قوووووووووووي

جارة القمر يقول...

وحشتيييييييييييييييييييييييييييني


يلا بأة مستنية ايه فين جديدك

عايزة بوست قوي يكسر الدنيا

بــــــــــــــــــــــحـــــــــــبـــــــــك

اعشق فى الليل ضوء القمر يقول...

مش ينفع كده
ده مش صح
انا مش عارف سبب المشكله أيه
أو بمعنى أضق انا مش مستوعب بالظبط لكن
إللى إنت بتعمليه مش صح

الأمير يقول...

بسم الله ...

الواحد مش عارف يقول ايه والله

بجد والله العظيم اتمنى لكِ كل السعاده والخير

بس لازم ترجعى
غيابك يعنى غياب اشياء كثيره من هذا العالم

والله انا مش عاوز اتكلم اكتر من كده

بس والله
عندى امل

ربنا يوفقك
وعلى امل
ننتظر العوده

تحياتى

الاميــــــــر

أمل الحياة يقول...

ايناااااااااااس بجد بلاش تسيبينا
حبيبتى ماتبقيش ضعيفة زو ماتخليش حد يخليكى تسيبى حاجة انتى حباها عشانه
و الله مافى حد يستاهل
حبيبة قلبى بجد احنا عايزينك معانا

احمد عبد السلام يقول...

مالك يا ايناس
مش حسأل عن سبب الحزن
لكن اية سبب البعد
طبعا بندعيلك من كل قلوبنا
ان يسعدك ربنا ويديم عليكى السعادة
لكن يهمنا ان تكونى معنا
نفرحللك وتفرحيلنا
نواسيكى وتواسينا
المهم تكونى معانا
وفقك اللة
وبارك فيكى
وجعل ايامك كلها سعادة

صمت الحنين يقول...

ربنا يكرمك ياااااااااارب
ويتقبل دعائك ان شاء الله
ويبعد عنك الاحزان
ويسعدك ويفك كربك
ويعوضك خير ان شاء الله

دمتى بكل خير

Soul.o0o.Whisper يقول...

أنوووووووسة

صحيح أنا جاية متأخرة

بس بصراحة إتفاجئت بكلامك

دا انتى يادوب لسه راجعة لنا من مدة صغيرة


ربنا يخفف عنك يارب يا قمر

و طمنينا عليكى

معتز شاهين - باحث تربوي يقول...

أكيد مش ده الحل

مينفعش
ده
اسمه

هـ ر و ب

7annen يقول...

ازيك يا نوسه انا اول مره ادخل المدونه بتعتك بس هى جميله اوى ورومانسيه بس بيغلب عليها الحزن

اسمحيلى اتابعها انتى بجد رااااااااائعه

حنين

thunder يقول...

ردى عليا يا ايناس فى اية انا مش اخوكى ولا اية لو سمحتى تطمنينى عليكى بجد وربنا قلقان جدا
وتانى فكرى فى قارك دا لانه من الاساس غلط ايوا ليكى الحق ترتاحى شوية لكن متبعديش ووحياة ربنا مافى اى شئ فى الكون يستاهل ظافرك ولا حزنك فاهمة الدنيا كدا والشاطر اللى يتعلم من النهاردا لبكرة وياخد الدنيا سلم يطلع بكل يوم درجة فاهمة مش عاوزك توقفى وانسى ومش اختى اللى خسرت والله المفروض انتى اتعلمتى واضافتى على التجربة مش هى اللى اثرت فيكى فاهمنى علشان خاطرى لو ليا مكانه عند اختى تطمنينى اولا وترجعى بالله عليكى تانى لو سمحتى
حتى لو هتسيبى عندى تعليق فى المدونة

احساس لسه حى يقول...

عزيزتى

وعليكم السلام ورحمة الله وبركاته

محدش يقدر يبعد عن شئ يسعده ومحدش يستغنى عن شئ بيحبه

وبدل التدوين مدكيش السعادة اللى تخليكى تتمسكى بيه

والمدونيين مدوكيش الحب اللى يخليكى ما تبعديش عنهم ابدا

يبقا ابعدى عن التدوين وشوفى هتكونى اسعد من غيره

اسعد انك متفضفضيش فيه

اسعد انك ما تسمعيش اراء الناس ليكى

لو اسعد خليكى بعيدة

لو حسيتى بشئ ناقصك ارجعيله وارجعلنا

جربى وميهمكيش

ربنا يسعدك

سلااام

هانى سعيد يقول...

ايناس انتى بتسطعبطى على فكرة مشعارف اقولك ايه ليه تانى بقيتى انهزامية وسلبية انا ماصدقت انك خرجتى برا المود دا ليه ترجعى تانى كدة مهما كانت الاسباب
على فكرة انتى عايزة شوية ترتيب لافكارك وتحديد للحاجات اللى بتحبيها والحاجات التانية وتعرفى ايه فيهم اغلى عندك وايه هو الشىء اللى بيخليكى متمسة بيه لاخر لحظة لان فى عند كل انسان شىء او حاجة بتخليه متمسك بالحياة مهما كانت صعبة وقاسية ياريتك تحددى الشىء دا فى حياتك وبعدين انتى عايزة الضرب لانك خرجتينى من المود اللى كنت فيه برسالتك دى انا كنت عامل حسابى مش هرد على اى ايميل مهما كانت اهميته او اى تعليق من اى كان قبل اخر الشهر بس انتى عملتيلى قلبان بجد انتى غلط والله مادام بتقولى بتحبى الشىء دا او التدوين عموما ليه تسيبيه؟ وبعدين ان كان على خيانة صديقة او قصة حب فاشلة او اى ان كان فوالله الحياة مليانة هموم ومشاكل ونماذج حلوة كتير زى ما فيها كمان النماذج البايخة قوى دى رغم كترتها وتاثيرها الشديد احيانا علينا خاصة فى بداية الصدمة لكن عمرها ما هتبقى دى النهايه
مش عايز اطول عليكى هنا ابقى كلمينى على الايميل يا ايناس
وان شالله نتقابل على خير

reem يقول...

عاشقة الاحزان
اول حاجه ربنا يسعدك ويختارلك الاحسن دايما ولا اله الا الله محمد رسول الله
مفيش حد ممكن يلجالوا الواحد غير ربنا لانه القادر على حماية الانسان ودعمه ومنحه الامان والقوه
تاني حاجه انا افتقدتك كتير بالفتره الاخيره قلت اجازه وصيف والناس كلها بتسافر فكانت مفاجاه ليا اشوف البوست ده
مهما كانت نفسيتك ومهما حدث يا ريت متوقفيش عن الكتابه في المدونه لانه بالكلام والتعبير نقدر نخفف عن نفسنا
وبعلاقاتنا الي بنكتشفها من خلال التدوين اكيد في ناس كتير كويسين واصدقاء حقيقين ممكن يسهل من عبء الحياه علينا
بالاخر ده قرارك وكلنا بنحترمك ونحترمه
واتمنى من كل قلبي تلاقي السكينه والهدوء باختيارك وبتقربك من رب العباد
ربنا معاكي

ايوشة يقول...

طيب معنى الكلام ده ايه انا لسه شايفة البوست دلوقتى وزعلت جدا ليه ياانوسة مش قولنا مش هتسيبينا تانى اتمنى تكون مرحلة وتعدى بسرعة باذن الله ولما ترجعى هتلاقينا بردو لسه مستنينيك ومش هنسامحك ابدا على انك تبعدى عننا كده واذا كان فى موقف حصل ضايقك يبقى كل حاجة ليها حل لو فكرنا حل هنوصل لحل ربنا يبعد عنك اى حزن يارب

نور العيون يقول...

انووووووووووووووووووووووس


حبيبتى الغاليه


ارجعى بقا بالله عليكى

وحشتينى قووى يا اجما ايناس بالدنيا كلها

ربنا لا يحرمنا منك

نور العيون

نيداء يقول...

ايناس حبيبتى


ارجعى للناس اللى بتحبك قووى

بجد مافيش حاجه تستاهل بعادك

انتى تزعلى وتتعبى وهما فرحنين من غيرك

ده اسمه هروب

خليكى مره قووويه بقا

مش هنسيبك لحد ما ترجعى لينا تانى

يوم ماندخل ونعلق تسيبنا

ده غلط
ده غلط
ارجوووووكى عيدى حسابتك تانى

ومنتظرينك قريب قووى

نيداء

7annen يقول...

انتى جميله يا ايناس وربنا يسعدك ويفرحك يا قمر

حنين

جارة القمر يقول...

ايناس حبيبتي

بكرة عيد ميلادي 15-6

عايزة هدية عيد ميلادي بوست جامد يكسر الدنيا

أنا مش حقولك أد ايه انتي وحشتيني

بس لازم تعرفي انا ما نسيتش حبك وحنانك ولا لحظة

ايناس امي لازم تعمل عملية وعمليتها خطيرة شوية

عشان كدة اتأجللت لشهر 8 بنستنى الطرق تفتح يمكن اقدر اسفرها

عفكرة انا لو نزلت مصر حنزل عندي

ولا نتي بخيلة مش حتستقبليني

ايناس عشان خاطري احنا مش ناقصين حزن ونكد اللي فينا مكفينا

عارفة حزعل منك لو مالقيتش بكرة بوست هدية عيد ميلادي وحخاصمك بجد وقتها

وحقسى على قلبي

ايناس انا محتاجة ليكي

ماعرفش ايه سر اني بحبك اوي كدة


بليز خليكي معي

بحبك

جارة القمر يقول...

لاااااااااااااااااااا

مبروووووووووووووووووووك علينا رجوووووووعك بالسلااااااااااااااااامة


بحبك

بموت فيكي

لالا


انت انا

يخرب بيت عقلك وحشتيني


حمدلله عسلامتك

ايوشة يقول...

الف مبرووووووووك علينا رجوعك ياقمر فرحت جدا لما عرفت انك رجعتى لينا تانى
انتى اكيد بتختبرى غلاوتك عندنا

Hesham يقول...

عزيزتى الجميلة انوس
اولا انا لااستطيع ان اتحمل انك تكونى زعلانه منى لانك بجد من خيرة اصدقائى ولكن وصدقينى والله فعلا الشغل مخلى الواحد مش قادر يعمل اى حاجة تانيه بس والله انا بعت ليكى امبارح تعليق صغير مش عارف ان كنتى قرأتيه ولا لسه
بس كمان انا وضعت اخيرا بعد معانه كبيره مع المدونه قائمة بمدونات اصدقائى وتبين احدث الإصدارات عندهم يعنى حكون اون لاين معاكوا كمان ان شاء الله تقبلى تحياتى واعتذارى مرة ثانية

عاشقة الأحزان يقول...

السلام عليكم


احبتى ربنا ما يحرمنيش منكم ابدآ يا ارق واجمل حاجه بحياتى

وان شاء الله يبقا الود والتواصل بيننا
بحبكم قووى

ايناس

همس يقول...

ايناس كلامك وجعنى اوى وحساه اوى وحس بظلم اقرب حبيب بس صدقينى من اخت مجربه هتنسى تعرفى انا بقى لى ساعه ونص بقرا فى مدونتك ومش زهقانه لانى حساه انا حبيتك بحد