الحب الحلال

الحب الحلال

الأحد، 5 يوليو 2009

عظيمة يا مـــــــــــصر


بسم الله الرحمن الرحيم

السلام عليكم ورحمة الله وبركاته




عجبتني كلمة من كلام الورق

النور شرق من بين حروفها وبرق

حبيت اشيلها في قلبي

قالت حرام

دا كل قلب دخلت فيه اتحرق

قالوا اسمك ..

قلت فخر

قالوا بيتك ..

قلت قصر

قالوا شكلك

ابن أصل

فين بلادك ..

قلت مصر
÷÷÷÷÷÷÷÷÷÷÷÷÷÷÷÷÷÷÷÷÷÷÷
الحمدلله رجعت من السفر بالسلامة وبالف خيرمع ان مصر مبيتشبعش منها

بس ان شاء الله هسافر تانى قريب نلف نلف ونرجعلها

بس بجد انتم وحشتوني بالاضافة اني بحبكم جدا

وبشكركم من كل قلبى على سؤالكم عنى فى فترة غيابى
وبوعدكم هروح لحد عندكم اشكركم كلكم وبحبكم

المهم

احكليكم على زيارتى لمصر الحبيبه طبعآ وصلت تعبانه ونمت من المشوار وكده
صحيت من النوم على صوت العفاريت نورهان ونداء بنات خالتى

اللى بموت فيهم وبحبهم لدرجة فوق الوصف وبنسا نفسى معاهم قوووى
أتفقنا نعمل جدول لكل الأماكن اللى هنروحها كلنا

وكنت حريصة قووى انى اصور اللحظات دى ووريكم قد أيه مصر جميله قوووى
طبعآ أنا صورت صور كتير قووى بس أنا هعرض ليكم بعضها

والباقى هاحتفظ بيه لنفسى وتكون أجمل ذكرى ليا فى مصر

حديقة الأزهر ..
وهي حديقة رائعة جداً .. ليست بالمعنى الحرفي للحديقة .. وإنما بها بحيرة صناعية وفي وسط البحيرة مطعم .. وبالحديقة مطعم آخر في الناحية الأخرى اسمه مطعم القلعة .. كما يوجد كوفي شوب على أعلى نقطة فيها .. اسمه تريانون كافيه .. منه تستطيعي رؤية القاهرة كلها ، والحديقة قريبة نوعاً ما من القلعة

برج القاهرة
أنا رحته من زمان بس المرة دى من أجمل المرات
طبعآ البرج يتكون من 61 طابق ويطل سطح البرج على القاهرة بأكملها

حيث تستغرق رحلة الصعود الى قمته نحو 54 ثانية

يكون بعدها بإستطاعة الزائر أن يستمتع بمشهد بانورامى فريد للقاهرة

وأهم معالمها السياحية مثل الأهرامات وقلعة صلاح الدين ومنطقة الأزهر

وكمان روحنا وسط البلد ودخلنا سينمات شفت فيلم دكان شحاتة والفرح
وكمان عملت شوبنج وأشتريت لبس جميل قوووى
وكل ده ومش نسينا ناكل الدرة المشوى وأحنا ماشين على كوبرى قصر النيل بليل

والهواء تحفه وشكل النيل مع الاضواء خطير قوووى
وكمان روحنا - سيتي ستارز مول .. وهو أكبر وأفخم مولات القاهرة

أحنا أتصورنا فيه صور كتير قووى بس مش ينفع انزلها لأ نها صورى أنا والبنات وكده
وطبعآ غير الزيارات العائلية لبعض اقاربى بمصر وكانت من أجمل أوقات حياتى
أه وكمان رحت جرند المعادى ده عبارة عن مكان كده زى كوفى شوب

ويطل على النيل تحفة قووى بجد
هى صحيح مصر الجو حر قووىبالنهار بس بليل تحفة

بصراحة رحت أماكن كتير قووى بس والله لسه راجعة

وتعبانة من الطريق

بس قلت أطمنكم عليا

وأسيبكم مع الصور ياحلوين

وعلى فكرة الصور دى أنا اللى مصوراها




الصورة دى من فوق البرج




الصورة دى لسماء مصر الجميلة






























دى صور برج القاهرة






دى صورة مطعم البيت بيتك وكنت أسمع عنه كتير لكن ما كنتش أعرف أنه على
نفس الشارع اللى تقع عليه البواخر النيليه





دى صورة حديقة الحيوان





دى صورة جامعة القاهرة





الصورتين دول من مقهى فندق
سوفتيل الجزيره

وبجد مصر جميلة بناسها وجوها الرائع
وبكدا انتهى البوست المتواضع وتمنيت كثيراً انه يكون افضل من كدا
ولكن اعذروني لظروف إرهاقى وتعبى من السفر لذلك مااعطيت بوستى حقه
وانا اعترف انكم انتو تستاهلون افضل من ذلك بكثير
وانا مااحبيت اسافر وارجع بدون مااضع تقرير حتى لو كان بسيط ومتواضع
قد يستفيد منه البعض ان شاء الله
والسلام عليكم ورحمة الله وبركاتة
تحياتى
الأحــــــ إيناس ــــــزان

هناك 160 تعليقًا:

ريمان يقول...

السلام علييييييييكم


حمد الله ع السلامه

يا جاى من السفررررررررررر


وحشتينا اوى اوى اوووووووووووى


رحله سعيده يا نوسه

يا رب تكونى اتبسطتى

طب فين بقى صورتك؟


يعنى صورتى البرج ومش صورتى نفسك

مالكيش حق بقه

اموااااااااااااااااااااه

ريمان يقول...

على فكره انا اول تعليق والتانى كمان

همس الارواح !! يقول...

اولا حمد الله على سلامتك

وبجد انا مبسوطه جدا انك اتبسطى وانك اتفسحتى يومبن

الصور بقى بصراحه تحفه وتجنن

ومصر جميله جدااااااااااااا

يالا سلام ياقمر

mohamed ghalia يقول...

حمدا لله على سلامتك
نورتى بيتك من جديد

yoyo يقول...

صباحك سكر يا نوسة

حمد لله على سلامتك
نورتى مدونتك من جديد و يارب دايما منورة بوجودك

الصورة حلوة اوى
و فعلا بلدنا جميلة و غالية اوى علينا
مهما غبنا عنها نرجع لها تانى بشوق و حنين
يارب تكونى قضيتى وقت جميل و استمتعتى

حمد لله على سلامتك مرة تانية
دمتى اختى بالف خير وو سعادة
تحياتى
يويو

ضحكات الحياة يقول...

السلام عليكم

حمد لله علي السلامة و عودتك بألف خير لينا و البوست و الصور هايلين

و يا رب تكوني سعيدة دايما

عماد خلاف يقول...

ياسلام على مصر لما تكون مرمية فى حض الحرامية ياسلام لما اطلب منها تكون لية فى كل مرة تقول لا
كفاية انا عماد خلاف عندى مدونة ياربى لا اتنين اتمنى لو تشوفها
http://emadkhalaff.blogspot.com/
التانية بحلم ببكرة

عماد خلاف يقول...

ياسلام على مصر لما تكون مرمية فى حض الحرامية ياسلام لما اطلب منها تكون لية فى كل مرة تقول لا
كفاية انا عماد خلاف عندى مدونة ياربى لا اتنين اتمنى لو تشوفها
http://emadkhalaff.blogspot.com/
التانية بحلم ببكرة

Hesham يقول...

صباح الخير ياايناس بجد بجد بجد كنتى سايبه فراغ كبير وحمدلله على السلامه وعايزين نشاط تدوينى مكثف منك يعوض الفترة اللى فاتت انا شخصيا سعيد جدا بعودتك واتمنى ان تبدئ

beautiful mind يقول...

انووووووووووووووسه

الف حمدلله علي سلامتك

والله المدونه كانت ضالمه وانتي مش هنا

والحمد لله انك اتبسطتي من الزياره

فعلا القاهره جميله جدا

لما بروحها ببقي منبهر بكل حته فيها

بس الحمد لله انك صبرتي ع الحر

عموما يلا بقي ابداي متعينا بمواضيعك

قبل ما امشي
علشان انا مسافر قريب جدا

اسماء واحلام فى وجدانى يقول...

فى الاول حمدلله على سلامتك

انا ليا استفسار صغنن

هو انتى ناوية تغيرى نشاطك وتخلى المدونة استوديو ولا ايه

ماء تشرين يقول...

حمدلله على سلامتك ياجميل اكيد مصر حلوة بااهلها

يارب تكون رحلتك كانت سعيده عليكي

فراشة يقول...

حمدالله على السلامه ايناس
عجبنى قوى كلامك الجميل عن مصر
لانها تستحق الحب ده كله واكتر

ربنا يسعد ايامك وترجعلنا باجمل البوستات

غير معرف يقول...

الف الحمد لله على سلامتك ياقمررر

وحشاني مووووووووووت

ومصر جميييييييلة جدا

ربنا يكتبلي ازورها ولو مرة :)

دمتي بالف خير ياقلبي

وليد يقول...

حمدالله على سلامة حضرتك ويارب كل رحلااتك تكون سعيدة وتكونى مبسوطة فيها وطبعا مصر ام الدنيا فى اماكنها وشعبها واهلها الطيبين المحترمين الى تشوفهم من اول مرة وتحس كانك تعرفهم من زمان وانهم اهلك ومعاشرهم حتى من قبل متعرفهم ربنا يحفظ مصر واهلها ويجعل زياراتك كلها سعادة ونورتى مدونت حضرتك من تانى ومتحرميناش من كتاباتك اى بتعبر عما يدور داخلك دمتى فى حفظ الرحمن

غير معرف يقول...

حمد لله على سلامتك يانوسة
الحمد لله انك انبسطتى وقضيتى وقت كويس
فعلا القاهرة جميلة وانا لم ازورها فى حياتى الا عندما تزوجت ابنتى فيها
وطبعا لم ازور اماكن كثيرة فيها
زيك كده وفرتى عليا المشوار
اصل بصراحة لااحتمل حرها
ويالا حضرى نفسك لزيارة خالتك التانية
فى الاسكندرية
مش عارفة خالتك مين خالتك ام مالك طبعا ياانوس
ربنا يبارك فيكى وتسعدى فى جميع ايامك
قبلاتى واسالك لى الدعاء بالشفاء

Maga يقول...

ايناس حمد الله ع السلامة

حقيقى والله مفتقدينك اوى

رحلة سعيدة ان شاء الله

والحمدة لله انك اتبسطي

ويارب تكرريها مرة تانية وتالتة

ومرسي اوى ع الصور يا ايناس بجد صور حلوة اوى

نورتى مكانك من تاني

assafo anaroze يقول...

انوسسسسسسسسسسسسسسسسسسس الجميلة
كيف الحال و الاحوال اتمنى ان سفرك كا ممتع بجد
من امنياتي اللي بتمناها دائما و لازم اني احققها اني ازور مصر لانها قبل ما تعجبني باثارها و جمالها عجبتني من خلال كتابها و فنانيها
مودتيييييييييييييييييييييي الحالصة يا انوس

الفراغ يقول...

الف جمد لله على سلامتك يا ايناس
نشكرك على زوقك وعلى سلامك لينا بعد رجوعك وانك بتطمنينا عليكى
والصور جميله قوى
بتفكرينا واحنا صغيرين
ربنا يمتعك ويسعدك
وعقبال المره الجايه

عمرو جويلى يقول...

السلام عليكم
الحمد لله إنك رجعتى لنا بالسلامة
ورحلة سعيدة وصور أكثر من رائعة
ونورتى البلوجر كله
ودمتِ بكل الخير

حياتى نغم يقول...

السلام عليكم / حمداً لله على سلامتك يا جميل ، رحله جميله وصور حلوه انتى حتخلينى احب القاهره .
انا زرت الاهرام وقلعة صلاح الدين والأزهر بس لم أحب مثل اسكندريه أجمل بلد بالنسبه لى رغم إن مزاراتها قليله بالنسبه لمصر .
دمتِ سعيده وبخير حال .

romansy يقول...

حمد الله على السلامه
القاهره اكيد بقت اجمل لما زورتيها

وفيه اماكن اجمل واجمل كمان
الازهر والحسين
والحاجات الدنينه اللى بتزود فنا دينا

حمد الله على سلامتك

قلبي مملكه وامي تملكه يقول...

الحمد الله على سلاااامتك ايناس

ويارب تكوني انبسطتي

وبصراحه الصور أكثر من راااائعه

يسلمووووو ايناااااااااس

تقبلي مروري
دمتي بوووود

صمت الحنين يقول...

السلام عليكم ورحمة الله

حمداا لله على سلامتك
حلوه اووووى الصور والاماكن اللى زورتيها

دمتى بكل خير وسعاده

ديالا يقول...

انوسه وحشتينيييييييييييييييييييييي


بجد كنت فارقه معايا جدا

وبجد بقي الف حمد الله علي سلامتك

متغبيش عننا تاني

م/ محمد صالح يقول...

اهلا بيكي في مصر وعلى فكرة مصر مش بس اماكن جميلة وبس لكن دى طيبة اهل وكرم ومحبة ودفء وحنان مهما دورتي في اي مكان فى العالم مش هتلقى لها مثيل ومره تانيه مصر منورة بيكي

adel يقول...

انتي يابنتي صدقيني دخلت بس المدونة مكنتش بتفتح و افتكرتك قفلتيها اصلا :(

adel يقول...

وانا اساسا كاتب اسمك في التاج

فشكووول يقول...

ايناس النوسه كونوسه
الحمد لله على السلامه
آهوا يومين تتفسحى فيهم
بجد يا ايناس القاهره جميله جدا
ولها عبق وسحر يأخذ بالالباب
وليلها ليل بلا نجوم لان النجوم على ارضها كثيره
ويا سلام لو رحتى الازهر والحسين
ويا حبذا لو رحتى قهوة الفيشاوى اللى عند الحسين
ويا ترى زرتى خان الخليلي
وما طلعتيش القلعه ليه وزرتى المتحف الحربى وشفتى قعدت محمد على اللى قاعد فى المجلس ومعاه الحاشيه
فيه المتحف المصرى
ويا سلام لو خدتيها صياعه من اول حديقة الازبكيه على شارع فؤاد ثم تدخلى شارع سليمان باشا لحد ما تروحى ميدان سليمان باشا وتحودى على جروبى وتاكلى جيلاتى فيه
القاهره جميله ... جميله كنت زمان آخدها من شرقها لغربها مشيا علىالاقدام وما اشبعش ابدا
ويا سلام كان فيه زمان سينما اسمها ايزيس فى السيده فى اول شارع خيرت كانت افلام انجليزى عرض مستمر واكنت اشترى 2 كيلوا يوسفندى وشوية عيش فينوا وادخل طول النهار واغمس العيش الفينو باليوستفدى ... كانت ايام يا انوس
تحياتى

Sweet Violet يقول...

حمدلله على السلامة ياقمر
نورتى بلوجر من جديد
^_^

حازم ربيع يقول...

حلوة الصور دى
يارب تكون رحلتك فى القاهرة حلوة
ويارب عودتك للعالم التدوينى
تكون عودة وية
-------------------------
سعيد دايما بمرورى فى مدونتك
------------------------------
مع تحياتى / حازم ربيع

عربي نيوز يقول...

السلام عليكم

أخيتي ايناس ..

أهلا بعودتك من جديد وحمدا لله على سلامتك وان شاء الله تكوني انبسطتي في مصر

أخيتي..
ما أجملها مصر ام الدنيا وما اجمل ذلك الشعب المعطاء..

ليس من الغريب تلك الصور الجميلة عن مصر الحبيبة ...

دمت في رعاية الرحمن

Dr Ahmed Said@Black Armor يقول...

اول زيارة ومش الاخيرة ان شاء الله
بجد البوست ده مسنى قوى يمكن لانى فى الغربة
والسنة دى مش نازل اجازة
بجد قلبتى على المواجع
دمتى بخير

Nostor Azzuro يقول...

ezayek
7amdella 3la esalama

nowarty el net tany

قلب امراه يقول...

انوووسه القمر
وحشتينا بجد وحمد الله على سلامتك ومبسوطه ان رجعتيلنا اخيرا ونورتي مدونتك من تاني
بجد افتقدتك ومنت بمر دايما اشوف رجعتي والا لا
المهم مبسوطه انك غيرتي جو وانبسطي يا رب دايما
وشوقتيني انزل مصر وازور كل الاماكن الي قلتي عليها
انا بعشق مصر وبحب اهلها جدا وبقالي اصحاب كتير فيها
وانشا الله حازوها قريب جدا
ونشوف كل الناس المحترمه والجدعه وفعلا هي مصر حلوه بناسها يا رب يحفظها من كل شر
وحشتيني يا اغلى انوسه
ومتغبيش تاني
وربنا يسعدك ويخليك لينا
باي

Lady E يقول...

الحمد لله على سلامتك يا قمرايا وانا بجد بعشق القاهرة
الصور بجد جميلة جدا والاجمل رجوعك للتدوين

ضحكات الحياة يقول...

السلام عليكم

اولا حمد لله على السلامة

ثانيا ايه كل ده
ده انت يا باشا لفيت جامد اليومين اللى فاتوا دول
و باين ان الرحلة كانت بالنسبة ليكى سعيدة اهو كله بيبان فى الفنجان و البوست ههههههههه
بس اكيد فسحة عسل يا رب تبقى رحلتك طول عمرك سعيدة على طول

ذكرى رحيل قلم يقول...

السلام عليكم
حمدلله علي السلامة يا قمر وحشتيني قوي بصرحة وحشتني كلماتك الرقيقة
انا سعيدة بفرحتك بينة في عنيكي والحمد لله انك استمتعتي بالقاهرة ان شاء اله ترحيها المرة القادمة مع زوج صالح يرزقك بيه ربنا
اللهم امييييييييييييييين
قولي امين عشان الدعوة تتحقق
سلام

ذكرى رحيل قلم يقول...

السلام عليكم
حمدلله علي السلامة يا قمر وحشتيني قوي بصرحة وحشتني كلماتك الرقيقة
انا سعيدة بفرحتك بينة في عنيكي والحمد لله انك استمتعتي بالقاهرة ان شاء اله ترحيها المرة القادمة مع زوج صالح يرزقك بيه ربنا
اللهم امييييييييييييييين
قولي امين عشان الدعوة تتحقق
سلام

لاسع افندى يقول...

حمدالله على السلامه ونورتى البلوجر كله


تحياتى

عاشقه الرومانسيه يقول...

حمد الله على السلامه ياانوسه
امال لما تيجى اسكندريه هتعملى ايه
ده انتى هتتجننى يابنتي
اسكندريه ساااااااااحره
وخصوصا فى الشتا
اسئلى اهلها اعلم بيها
وخدى بالنصيحه
وتعالى شوفى الجمال فى الشتا بقى
هو ده السحر بجد

عايش... ولكن !!!! يقول...

معقوله
احنا ولاد بلد واحده ومزورتكيش تقريبا قبل كده
طيب عموما حمدلله ع السلامه
وبجد شكرا ع الصور الجامده دى
شكلهم كانوا ايام لطاف
تحياتى

دعاء العطار يقول...

حمد الله ع السلامه ياقمرايه

وبجد وحشششششششششتينى فى فترة غيابك وكمان فى فترة غيابى

وزعلت ان لما رجعت لقيتك كاتبه بوست انك مسافره

المهم انك رجعتلنا بالسلامه

" واحلى بلاد الدنيا بلادى "

شبه إنسانه .....( سهوره ) يقول...

ألف حمد لله على سلامتك يا قمر

وبجد نورتى كالعادة

وانتى مسافرة انا قريت مدونتك كلها

بس انا زعلانه منك انك مقولتيش جايه

امته كنت استنيت فى المطار

حمد لله على السلامة

تقبل تحياتى

سهوره

ســـــــهــــــــــر يقول...

حمد الله على السلامه

Unknown يقول...

هلااااااااا
والله الك وحشة كتير , واشتقنالك واشتقنا لقلمك وابداعك
وحتى مرورك وتواجدك بمدونتي
بجد الف لحمد لله عالسلامة , وباين انه رحلتك كانت حلوة :) , الحمد لله وان شاء الله ياربي بتزوري فلسطين وأكيد هادا شئ يشرفنا ويسعدنا :)
ارق تحية

عمرو يقول...

الحمد لله على سلامتك و اٍن شاء الله أجازه سعيده ..
ليا بس بعد اٍذنك تصحيح صغنون قد كدهوه و هو اٍن اٍرتفاع برج الجزيره مش 16 طابق و لكن 61 طابق :)
تقبلى تحياتى و تقديرى و الحمد لله أطمئنينا عليكى ..

ذو الوجه المبتسم يقول...

السلام عليكم
الاول حمد لله على السلامة
ثانيا كده مينفعش
تروحي تتفسحى وتسبينى هنا قاعد لوحدى
بجد مينفعش الكلام ده
وكمان الاماكن اللى رحتيها تجنن
انا زعلان منك
اعملى حسابك المرة اللى جاية تاخدينى معاكى
هههههههههههههههه
اخوكى الكبير بقي
ولازم تفسحيه

نورتى المدونة بتعتك
وان شاء الله نشوفك دايما سعيدة ومبسوطة

تحياتى لك

اعشق فى الليل ضوء القمر يقول...

السلام عليكم

عودا احمد
اخبارك ايه يا انوسه
جميله مصر حظك بقى لو كنت بصيتى لفوق بالليل وشوفتى القمر روعه مينفعش يتوصف
ساعتها بس كنت هتعرفى انا بعشق ليه ضوء القمر

القاهره جميله و ساحره بالليل ممكن تسهرى فى شوارعها بالصحبه الكويسه للصبح

على فكره انا جاوبت على تاج بس حظك مكنتيش موجوده
أتمنى تشوفيه قبل ما انزل البوست الجديد النهارده
جميل رجوع يا نوسه

وردة يقول...

انوسه
حمد الله علي سلامتك ياقمر
نورتينا من جديد
ومرسي ياقمر انك طمنتيني عليكي
ربنا يكرمك دايما
ويارب كده كل مرة تكوني مبسوطة
اي نعم انا متحيزة جدااا لاسكندرية ومش بشوف اجمل منها
بس اكيد القاهرة بعيونك الجميلة حلوة وزي الفل
"علشان خاطرك بس"
ههههههههه
مستنين الجدي بتاعك بسرعة جداااااااااا
ربنا يوفقك
سلام

ميرو انتكة يقول...

وحشتيييييييييييييييييييييينى جدا ازيك اخبارك يا حببيتى يا رب دايما تكونى بخير

الف حمد الله على سلامتك


سلامة سلامة يا قمر

ميرو انتكة يقول...

انا كنت فى رحلة قريب قوى للقاهرة وفعلا فيه اماكن فى مصر تحفه وحلوة جدا زى حديقة الازهر فعلا والله مش كنت عايزة امشى منها فيها مناظر تحفه بجد جدا جدا جدا


تحياتى

اسماء واحلام فى وجدانى يقول...

فى ناس قاله انهم تعبانين انا جاى اطمن عليهم واسال عليهم واعرف ليه غيابهم وهما فين دلوقتى وعاملين ايه
قالوا انهم جاين تانى وفات يومين ويظهر انهم نسيوا والقطط ابتدت تقلق عليهم مع ان قلق القطط جاى منى ليهم
يعنى انتى قلتى هما عشرة ايام بس وطبعا تخطيتى العشرة بكتير وللاسف رجعتى تعبانة ربنا يشفيكى يا رب بس مش معنى كده انك تكسلى لالالالالالا علشان نوبة نشاط من بتوع زمان ولا انتى ايه رايك
نخليها نوبة احتلال
شوفى لو ما ظهرتى النهاردة هتكونى محتلة مع طلوع فجر يوم الاربعاء اللى هو بكرة يعنى

ربنا يطمنا عليكى دايما يا ايناس

Unknown يقول...

حمد الله على السلامة

وفعلا الصورة بميت كلمة

صور رائعة لقاهرة المعز

ويبقى التواصل

فتاه حالمه يقول...

عووووووووووووو
وحشتيني وحشتيني خالص مالص بالص
عامله ايه يا قلبي
حمد لله علي السلامه يا قمر
مبسوطه ليكي والله انك اتبسطتي اوي كدا عندنا
ما شاء الله عليكي يا قمرتي رحتي اماكن حلوة
وطلعتي ما شاء الله موهوبه تصوير يا نوسه
المرة الجايه تخرجيني معاكي بقي مش ليا دعوه
نورتي هنا تاني
امواااااااااااااااااااة كبيرة
سلام يا قمرايه

من غير عنـــوان يقول...

نورتي مصر
وحمجا لله على سلامتك

ومستيينم كمان وكمان

ده البيت بيتك


أمنياتي

ليس فقيرا من يحب يقول...

السلام عليكم


الف حمد الله على السلامه
اول مرة ازور المدونه بس بصراحه لقيتها





مش حلوة بس دى رائعه

اتمنى تزورينى ونتواصل

ومازلتُ أتعلم يقول...

حمد الله على سلامتك ياجميل
ويارب تكونى مبسوطة على طووووووووووول
بجد بجد محتاجة أنا كمان أسافر شوية
شوية كتيييييييييييييييييير

مافيش حاجة بتريحنى قد السفر
بس ظروف هتمنعنى السنة ديه
الحمد لله على أى حال

وحشتينى جداً جداً
والف شكر على سؤاللك
انا خلاص كفارة وخلصت
ههههههههه

دعواتك للنتيجة بقى
هههههههههههههه

تحياتى ياقمر

aidy يقول...

وحشتيييييييييييييينى يا ايناس اوى

انا بقيت كويسة قولت اطمنك عليا

بجد الصور حلوة اوى يا انوس

هتخلينى اروح البرج مخصوص عشان اصور مصر من فوقه

ههههههههههههههههههههههه


وحشتينى اوى

احمد عبد السلام يقول...

حمد اللة على السلامة

انشاء اللةتكونى سعدتى برحلتك

وجميلة جدا مجموعة الصور دى

قاهرة المعز ستظل دائما شامخة

جنّي يقول...

السلام عليكم

ازيك يا انوسة حمدا لله على السلامة نورتي قاهرة المعز ..

الصور جميلة ..

حمدا لله على الوصول ..

Hossam يقول...

Hello
بجد حمدالله عل السلامة نورتى القاهرة
القاهرة فعلا تستحق انها تتزار وتلفى فيها ومكذبش اللى قال انها ام الدنيا
اخدتى بالى انك بتحبى اخوكى اوى ربنا يخليكوا لبعض
تحياتى لكى واتمنى نكون اصدقاء

Nana يقول...

حمد الله علي السلامة يا جميلة ويارب تكوني اتبسطي بجد في مصر

dodo يقول...

السلام عليكم
طبعا حمد الله على السلامه وفعلا مصر جميله بالنهار وفى الزحمه وجميله باليل ونسيمها وغير ده وده جميله بناسها

♥نبع الغرام♥♪≈ يقول...

ريمان

الله يسلمك وبجد ربنا مايحرمنيش منك ابدآ

وميرسى ليكى قووى على سؤالك عنى بالتليفون

ويارب يفضل الود بينا على طووووول

وطبعآ الصور انا بعتها ليكى على الميل

عشان تعرفى بس انى مش حرماكى من حاجه

بحبك قووى

انوسه

♥نبع الغرام♥♪≈ يقول...

ريماااااااااان

حبيبتى

انتى دائمآ فى المقدمه

بحبك قووى

♥نبع الغرام♥♪≈ يقول...

همس الارواح


حبيبتى

بجد نورتينى ومتشكره قووى ليكى

ويبقا التواصل

تحياتى
انوسه

♥نبع الغرام♥♪≈ يقول...

mohamed ghalia

متشكره قووى ليك

وربنا يسلمك من كل شر
تحياتى
انوسه

♥نبع الغرام♥♪≈ يقول...

yoyo

صباحك عسل ابيض على عيونك ياجميل

ربنا ما يحرمنيش منك ابدآ

وان شاء الله يبقا التواصل بينا الى الابد

تحياتى
انوسه

♥نبع الغرام♥♪≈ يقول...

ضحكات الحياة

ربنا يخليك يارب ولا اتحرم من كلامك الجميل ليا

وبجد اشكرك من كل قلبى
ويبقا التواصل

تحياتى

♥نبع الغرام♥♪≈ يقول...

عماد خلاف

اتشرفت قووى بمرورك

وان شاء الله يبقا التواصل

تحياتى

♥نبع الغرام♥♪≈ يقول...

Hesham

اهلا بالغالى

متشكره قووى ليك يا هشام
وبجد انت انسان جميل قووى

تحياتى

♥نبع الغرام♥♪≈ يقول...

beautiful mind

اهلا بالقمر

بس ممكن اعرف يعنى مسافر فين وايه نوع السفر

ياريت تعرفنى

وربنا يسعدك يارب

تحياتى

♥نبع الغرام♥♪≈ يقول...

أسماء وأحلام فى وجدانى


ازيك يا احمد

هههههههههه
هقولك ممكن فى يوم تلاقيها استوديو مافيش مشكله

هههههههههه

♥نبع الغرام♥♪≈ يقول...

ماء تشرين

الله يسلمك وميرسى ليكى حبيبتى

دمتى بكل خير
تحياتى

♥نبع الغرام♥♪≈ يقول...

فراشه

الله يسلمك ياحبيبتى

اخبارك ايه وحشتينى مووووووت

ربنا ما يحرمنيش منك
تحياتى
انوسه

♥نبع الغرام♥♪≈ يقول...

نواره

حبيبتى تنورى مصر فى اوقت بجد وهتلاقينى منتظراكى

ميرسى ليكى والله يسلمك
تحياتى

♥نبع الغرام♥♪≈ يقول...

وليد الاسلام

متشكره ليك يا وليد وبجد انت انسان جميل
وجزاك الله كل الخير

تحياتى

♥نبع الغرام♥♪≈ يقول...

Maga


احمد


وانت كمان كنت مفتقداك قووى وحمدالله على سلامتك

ويارب منور الدنيا كلها

تحياتى
انوسه

♥نبع الغرام♥♪≈ يقول...

أم مالك

امى الحبيبه الغاليه ربنا يشفيكى يارب ويعفيكى وتفضلى منوره الدنيا كلها كده

وبجد انا بحبك قووى
يارب يديم الود بينا

تحياتى
انوسه

♥نبع الغرام♥♪≈ يقول...

assafo anaroze


اهلا بالقمر وبجد وحشتنى قووى

ربنا يخليك ولا اتحرم منك ابدآ

ومايحرمنيش من كلامك الجميل ويارب نفضل اصدقاء على طوووول

تحياتى

♥نبع الغرام♥♪≈ يقول...

dodo



وانتى كمان وحشتينى قووى

ربنا ما يحرمنيش منك يارب

♥نبع الغرام♥♪≈ يقول...

Nana

حبيبتى الغاليه بجد نورتينى قووى
وطبعآ مبسوطه ويارب يدوم الود

تحياتى

♥نبع الغرام♥♪≈ يقول...

الفراغ

حبيبتى يارب يخليكى ليا ولا يحرمنى منك ابدآ

تسلميلى من كل شر

تحياتى

♥نبع الغرام♥♪≈ يقول...

سهر

حبيبتى الله يسلمك
تحياتى

♥نبع الغرام♥♪≈ يقول...

اللؤلؤة

الله يسلمك ومتشكره قووى ليك

تحياتى
انووسه

♥نبع الغرام♥♪≈ يقول...

حياتى نغم

الله يسلمك يارب ويخليكى
وبجد مصر تحفه وجميله قووى وياريت تزوريها

تحياتى

♥نبع الغرام♥♪≈ يقول...

romansy

ربنا يخليك يارب وومتحرمش منك ابدآ

تحياتى لك

♥نبع الغرام♥♪≈ يقول...

قلبي مملكه وأمي تملكه

حبيبتى ربنا يخليكى وبجد نورتينى ويبقا التواصل بينا دوما

انوسه

♥نبع الغرام♥♪≈ يقول...

صمت الحنين


ربنا يخليكى يارب ولا اتحرم من سؤالك عنى

ويبقا التواصل

انوسه

♥نبع الغرام♥♪≈ يقول...

ديالا

حبيبتى بجد انتى جميله قووى وحشتينى انتى كمان قووى يارب

يارب يدوم الود بينا

تحياتى انوسه

♥نبع الغرام♥♪≈ يقول...

ليس فقيرآ من يحب

رانيا حبيبتى اسعدنى مرورك ومتشكره قووى ليكى على مرورك ويبقا التواصل

تحياتى

♥نبع الغرام♥♪≈ يقول...

فشكوووووووووووووووول

وانت كمان والله وحشتنى قووى ربنا يخليك ليا وما يحرمنيش منك يا قمر وبجد مصر جميله
وكلامك عنها خلانى احبها اكتر واكتر

تسلملى من كل شر

تحياتى انوسه

♥نبع الغرام♥♪≈ يقول...

م/ محمد صالح

اهلا بالغالى ربنا يخليك يارب وان شاء نروحها تانى وتالت واربع دى مصر ام الدنيا تحياتى
انوسه

♥نبع الغرام♥♪≈ يقول...

adel

امممممممممممم

مش هقفلها ولو قفلتها هقول يعنى كل اللى علقوا ما قالوش كده ليه

♥نبع الغرام♥♪≈ يقول...

adel

عامة ياقمر مش اقدر ازعل منك

وانت صديقى العزيز

ويبقا الود بينا

اما من ناحية التاج انا جاوبت عليه قبل كده

وممكن تشوفه فى البوستات القديمه

تحياتى لك ياقمر

♥نبع الغرام♥♪≈ يقول...

Sweet Violet

حبيبتى ياسكره تسلمليلى يارب

ومنوره الدنيا بيكى انتى

بحبك قووى
انوسه

♥نبع الغرام♥♪≈ يقول...

روح الفدا

اهلا بيك ياحازم
وبجد نورتنى وان شاء الله يبقا التواصل بينا على طوووول

تحياتى
انوسه

♥نبع الغرام♥♪≈ يقول...

بحر الدموع

ربنا يكرمك يارب وتسلم من كل شر

تحياتى
انوس

♥نبع الغرام♥♪≈ يقول...

Dr.A.S. black armor

نورتنى ويبقا التواصل

وان شاء الله ترجع بلدك بألف سلامه

تحياتى

انوسه

♥نبع الغرام♥♪≈ يقول...

Nostor Azzuro

ربنا يخليك النت منور بيك انت ياقمر

تحياتى

♥نبع الغرام♥♪≈ يقول...

reem

حبيبة قلبى

وانتى كمان وحشتينى قوووى

وان شاء الله مصر تنور بيكى حبيبتى

تسلميلى من كل شر

تحياتى
انوسه

♥نبع الغرام♥♪≈ يقول...

بقايا انسانه

سهوره الجميله نورتينى ياقمرايا ويارب تنورينى كده على طول ومتشكره قووى على سؤالك عنى

تحياتى
انوسه

♥نبع الغرام♥♪≈ يقول...

Lady E

حبيبتى وانتى كمان وحشتينى قووى

والدنيا منوره بيكى انتى

تحياتى

♥نبع الغرام♥♪≈ يقول...

فتاة حالمة


حبيبتى الغاليه والله العظيم وحشتينى قووى وربنا وحده اللى يعلم انتى ايه بالنسبه ليا

يارب نفضل اخوات كده على طول ومافيش حاجه تفرق بينا

بحبك قوووى
انوسه

♥نبع الغرام♥♪≈ يقول...

عاشقة الرومانسيه


دودو حبيبتى ربنا يكرمك يارب ويحقق ليكى كل اللى تتمنياه لانك انسانه جميله قووى وتستهلى كل خير

ربنا يسعدك
انوسه

♥نبع الغرام♥♪≈ يقول...

ذكرى رحيل قلم



ربنا يخليك يارب

اللهم امين ربنا يتقبل منك يارب

تحياتى

♥نبع الغرام♥♪≈ يقول...

احمد عبد السلام

الحمد لله طبعآ انبسطت والحمد لله

متشكره قووى لسؤالك عنى
تحياتى
انوسه

♥نبع الغرام♥♪≈ يقول...

Hossam

طبعآ يشرفنى صداقتك والتواصل الدائم ومتشكره قووى ليك على سؤالك عنى وبجد نورتنى

تحياتى

♥نبع الغرام♥♪≈ يقول...

aidy

نهاد

وحشتنى قووى والحمد لله انك بخير واطمنت عليك

ربنا ما يحرمنيش منك يارب

انوسه

♥نبع الغرام♥♪≈ يقول...

جنى

الله يسلمك ياقمر
وربنا ما يحرمنيش منك يارب ويبقا التواصل

انوسه

♥نبع الغرام♥♪≈ يقول...

ومازالت اتعلم

وحشتنى قووى ياحياتى وربنا ما يحرمنيش منك ابدآ يارب

وان شاء الله الظروف تتحسن وتسافرى وتستمتعى
وكمان النتيجه تكون تمام وهى دى الفرحه الكبيره

بحبك قووى
انوسه

♥نبع الغرام♥♪≈ يقول...

عمرو

ربنا يخليك ومتشكره على التصحيح بس انا عارفه انها 61 بس غلطه كتبايه
ههههههههههه
تحياتى لحضرتك

انوسه

♥نبع الغرام♥♪≈ يقول...

من غير عنوان

البنا الجميل

ربنا يخليك يارب
وتسلم
ليا من كل شر

تحياتى

♥نبع الغرام♥♪≈ يقول...

معتز شاهين

ربنا يخليك ومتشكره قووى ليك
ويارب يبقا التواصل

تحياتى

♥نبع الغرام♥♪≈ يقول...

اسماء واحلام فى وجدانى


احم احم

هههههههههههه
ايه ياعم الاحتلال ده

طبعآ يشرفينى انك تكون موجود عندى انت وقططك الجميله وبجد انا بحترمك قووى ويارب نفضل كويسين كده مع بعض ويبعد عننا اى شر

تحياتى ليك

انوسه

♥نبع الغرام♥♪≈ يقول...

لاسع أفندى

الله يسلمك يا قمر
ومتشكره قووى ليك والدنيا منوره بيك انت

تحياتى
انوسه

♥نبع الغرام♥♪≈ يقول...

عايش ولكن

نورتنى ياقمر وطبعآ يشرفنى لبن بلدى يكون متواجد عندى على طول
ويبقا الود بينا

تحياتى
انوسه

♥نبع الغرام♥♪≈ يقول...

Mr.Hazem

اهلا بيك ياقمر

ربنا يخليك يارب ومتشكره قووى على سؤالك عنى وان شاء الله يبقا الود بينا والتواصل

تحياتى

انوسه

♥نبع الغرام♥♪≈ يقول...

ذو الوجه المبتسم

ناجى الجميل
اخبارك ايه بجد انت جميل قووى ويشرفنى تواجدك معى الدائم ربنا يديم الود يارب

تحياتى
انوسه

♥نبع الغرام♥♪≈ يقول...

أعشق فى الليل ضوء القمر

اهلا بالناس الجميله

ربنا يخليك يارب ومتشكره قووى ليك على سؤالك عنى ويارب يديم الود بينا على طووووول

تحياتى

♥نبع الغرام♥♪≈ يقول...

وردة


الجميله القمرايه وردة

وحشتينى قوووى
وربنا بجد ما يحرمنيش منك ابدآ يا حبيبتى

تسلميلى

تحياتى
انوسه

♥نبع الغرام♥♪≈ يقول...

ميرو انتكه

وانتى كمان وحشتنى قوووى

ربنا ما يحرمنيش منك ابدآ

انوسه

♥نبع الغرام♥♪≈ يقول...

ميرو انتكه

اه والله عندك حق مصر تحفه قووى وجميله وماكنتش عاوزه اجاى بس ظروف شغلى بقا اعمل ايه
تحياتى

الازهرى يقول...

صحيح فعلا مصر اجمل مكان نتواجد فيه

ومهما بالف وادور واسافر
برضه وبسرعة احن من تانى لها

لكن الحقيقة مع انى فى القاهرة من سنين

فى اماكن من دى عمرى ما رحتها
والتصوير فعلا جميل ومتميز

تحياتى دوما

(حلـم) يقول...

سيدتي الجميلة الرائعة..اعتز وافخر بيكي وكم كنت سعيد وانا ارى الفرح يلون الكلمات بمشاعر البراءة والرقه التي تحملها رائعتنا ايناس وسعيدا بعودة بالسلامة للوالده والاهل وللمنصوره الجميلة بحسناوتها ورجالها الف الحمدللة علي السلامه اتمني دوام السعاده في عيناكي التي تحمل حضارة المحروسه وعزها وانوثتها وسطوتها وشدتها ايضا دمتي رائعة في الاثير والاحساس والمشاعر معذره انشغلت في الاوانه الاخيره وانا اعتذر للجميع

♥نبع الغرام♥♪≈ يقول...

الازهرى

اهلا بيك صديق جديد للمدونه ومتشكره قووى لحضرتك وان شاء الله يبقا التواصل دومآ

تحياتى لحضرتك

♥نبع الغرام♥♪≈ يقول...

حلم

السلام عليكم ياقمر
ايه بس الكلام الكبير ده كله بجد انا مش استاهل كل ده

ربنا يبارك فيك ويعزك ويكرمك ونورت مكانك من تانى وبلا تغيب علينا كده
تحياتى لحضرتك

انوسه

thunder يقول...

عووووووووودة حميدةةةةةة وابن حميدو كمان
ممممممممم كل دا اتفرجتى عليها من حقك يابنتى تزوغى مننا
يابختك وعلى فكرة دا حقد طبقى عااااااا
اصل اللى محروم من الفسح هو اللى هيقدر الحقد دا يا بختكككككككككككككك ودا قر تانى عالى الجودة عااااااااااااا
يعنى رجع تحنسينا لن اترجع عن فكرة الحقد اطلاقا
.
اولا سعيد بجد وربنا جدا برجوعك وربنا يديم وجودك ثانيا اتمنى فعلا انك تكونى استمتعتى جدا بوقت هناك وكسرتى حالة الحزن اللى كنت فيها
ثالثا تكونى جديدتى نشاطك وترجعى بى بوستات كتيرة يارب
اختى العزيزة جدا دمت ِ يارب بكل حب و ود وفى رعاية وحفظ الله دائمااااا

اســ الغربه ـــير يقول...

حمدالله على سلامتك يانوسه اكيد كانت رحله جميله
والصور حلوه اوى ومدونتك لذيذه اكتر تحياتى اسير الغربه

شموع يقول...

الأخت الفاضلة
السلام عليكم
رحلة موفقة وحمد لله على سلامتك ونورتى البلوجر كله وصور أكثر من رائعة وبالفعل القاهرة تعتبر متحف مفتوح لكل الزائرين مرحبا بهم وبالفعل عظيمة يا مصر
تقبلِ تقديرى وإحترامى

!!! عارفة ... مش عارف ليه يقول...

حمد لله على السلامة

إحساسك بالرحلة اتنقل لي

وحسيت بالسعادة هتنط من البوست

وإنك فعلا قضيتي وقت لطيف

وده باين اوووي في كل حرف كتبتيه

وإن شاء الله دايما رحلاتك كلها تبقى جميلة

وولكم باااااك :)


وليد

الفراشة الصغيرة يقول...

حمد الله عالسلامه

يانوسه يا جميله

اخص عليكى كده تخدى ولاد خلاتك وأنا لا

طيب لما تيجى اسكندري عندى

مش هخدك معايا

هه

شقاوة يقول...

حمدالله على السلامه يا انوسه

نورتى البيت رغم انى كنت مرتاح منك

وكنت محتل الجهاز
بس هقول ايه ربنا على القوووى

هههههههههههه

هيثم

مروة يقول...

نورتى الدنيا كلها يا انوسه

وياريت تدعليى محتاره مش عارفه اعمل ايه فى الموضوع اللى كلمتك فيه وتعبت من التفكير

تعبت قووى يا انوسه وبجد محتاجه ليكى قووى

مروه

عاشقة النسيان يقول...

انوسه

حمدالله على السلامه

ومتزعليش منى انا عارف انى مقصر معاكى بس غصب عنى ظروف شغلى وكده والاولاد زى ما كنت شايفه ان شاء الله تتعوض المره الجايا يا حبيبتى

المهم خلى بالك من نفسك

وهبقا اكلمك على التليفون

بحبك قووى

سيمو سلامه

تحياتى

نور العيون يقول...

0انووووووووووس

احنا من غيرك ولا حاجه والله من ساعة ما مشيتى واحنا مش بنخرج ومحبوسين

وكل شويه نتفرج على الصور اللى اتصورناه مع بعض

ياريت تسيبك من عندك وتعالى عيشى معانا على طووول

احنا بنحبك قوووى
والله العظيم انا مزاجى زى الزفت من غيرك والله

طمنينى عليكى
بحبك قووى يا انوسه
نور

♥♥ شذا ♥ الروح ♥♥ يقول...

انوووووووووووووووس

عندى امل كبير انك هتيجى تانى زى ما وعدتنينى

بجد احنا نايمين من ساعة ما مشيتى ومش بنخرج
وعايشين على ذكره الكام يوم دول

احنا بنحبك قوووى

ربنا ما يحرمنيش منك لبدآ
وعمرنا ما هننسا اجمل ايام حياتنا مع بعض

والصر تحفه قووى ادعيلى البركه فى موبايلى ههههههههههههههه

بحبك مووت
نداء

Rosie يقول...

حمد الله على السلامة...كويس أنك اتبسطى فى مصر..بس أنا مفهمتش انت مصرية و لا لأ..عامة حمد لله على السلامة مرة تامية؟..و حلو اوى الحب اللى بتتكلمى بيه عن مصر..

موناليزا يقول...

حمدالله على السلامة ياجميلة
ومبسوط بعرضك للموضوع وارفاق الصور ويارب عقبال كل مرة وترجعى مبسوطة دايما:)

همس الارواح !! يقول...

حبيبتى انوسه والله يشرفنى كتير انك تضفينى عندك وانا بعد اذنك ضفتك لان يشرفنى جدا وجودك فى مدونتى البسيطه

بجد نورتينى والله
اختك هبه

غير معرف يقول...

إنتي من المنصورة يا إيناس:)

وأنا كمان من المنصورة:)

كنا رحنا يوم,أنا وواحدة صاحبتي,في مشوار:)

وكنت فرحانة بكل ده:)

ربنا يوفقك:)

إيمان:)

aMr saYed يقول...

حمد لله على سلامتك وبجد صور جميلة وعلى فكرة انتي رحتي افضل مكان ليا بستمتع فيه بوقتي جدا جدا وهو حديقة الازهر بس خدتي بالك من كم المأذن الي شوفتيها من هناك وطلعتي فوق اصلا وشوفتي كم جمال الورد بجد حاجة جميلة جدا وللعلم بالشئ فقط ان حديقة الازهر ديه كان مقلب زبالة و مربى للخنازير

تحياتي ويا ريتك تنورينا تاني

♥نبع الغرام♥♪≈ يقول...

شقاوة

هيثوم شكرآ ليك ياخفه

انا اساس الاحتلال مش انت

ههههههههههههه
سلاموز

♥نبع الغرام♥♪≈ يقول...

مروه

حبيبتى ربنا معاكى ولو فى نصيب صديقنى هيحصل بس انتى عليكى وعلى الاستخاره كتير ومش تيأسى

ربنا يكتب ليكى الخير
وبجد محمد انسان كويس وانا من الناس اللى بحترمه قووى ربنا يرجعه بالسلامه ويحقق ليكم كل الخير
يلا بقا عاوزين فرح الوحده تعبت من الحزن والقرف يامروه
بحبك قووى

♥نبع الغرام♥♪≈ يقول...

عاشق الاحزان

سلامه الغالى
ربنا يخليك وبجد يكفينى انى شفتك انتومراتك والاولاد الحمد لله بالدنيا كلها عندى

وكمان عمرى ما هنسا فسحت المقطم من اجمل ايام حياتى

والله العظيم وانا بحبك كمان يا ابن عمتى
ربنا يديم الود والاخوه بينا

انوسه

♥نبع الغرام♥♪≈ يقول...

نداء

معلهش غصب عنى وظروف شغلى وكده

ان شاء الله تعالى بعد رمضان هكون معاكم

سلامى طنط كتير
بحبكم قوووى
انوسه

♥نبع الغرام♥♪≈ يقول...

نور العيون

حبيبتى ربنا يخليك ليا معلهش وانا وعدتكم وبجد عمرى ما هنساكم ابدآ

يارب ما يفرق بينا

انوسه

♥نبع الغرام♥♪≈ يقول...

aMr tA3LaB

ربنا يخليك

وبجد نورتنى ويارب يبقا التواصل بينا

تحياتى

♥نبع الغرام♥♪≈ يقول...

عارفه مش عارف ليه

ربنا يخليك يا وليد وبجد بتنورنى كل مره بكلامك الجميل قووى

ربنا يسعدك يارب
تحيباتى

انوسه

♥نبع الغرام♥♪≈ يقول...

thunder

ههههههههههههه

يا ياض بطل نق على اختك

عيب عليك بدل ما تفرح ليا تعمل كده ربنا يسمحك


عاااااااااااااااااااااااا

عامة ربنا ما يحرمنيش من سؤالك عنى
ويارب يديم الود بينا

انوسه

♥نبع الغرام♥♪≈ يقول...

اسير الغربه

حماده مشمش

ربنا يخليك ياقمر وشرفت بيك لتانى مره بمدونتى المتواضعه

تحياتى لك
انوسه

♥نبع الغرام♥♪≈ يقول...

شموع

نورتنى واخبار حضرتك ايه غبت كده فجأة
ابق طمنا عليك

وربنا يخليك يارب
تحياتى

♥نبع الغرام♥♪≈ يقول...

الفراشة الصغيره

اخبارك ايه حبيبتى
ربنا يخليكى يارب ومتحرمش منك ابدآ

انوسه

♥نبع الغرام♥♪≈ يقول...

samamasr

نورتينى بأول زيارة وياريت متكنش الاخيره

الله يسلمك
ويبقا الود بينا
انوسه

♥نبع الغرام♥♪≈ يقول...

Rosie

الله عليكى يا قمرايا
ربنا يخليكى ليا يارب ولا اتحرم منك

كلامك جميل قووى

بس انا مصريه وبحب مصر قووى

بس انا مش من مصر نفسها انا من الدقهليه

تحياتى ليكى

♥نبع الغرام♥♪≈ يقول...

موناليزا


الله يسلمك
وربنا ما يحرمنيش من ودك ليا يارب

بحبك كتير قووى

انوسه

♥نبع الغرام♥♪≈ يقول...

همس الارواح

هبه الجميله

بجد يشرفنى ويسعدنى قوووى يا حبيبتى ومنتظراكى معايا على طووووووووووووووول

بحبك قوووى

انوسه

محمد سعد القويري يقول...

الأخت الفاضلة :: إيناس ::

يبدو بأن رقم تعليقي 159

ولكن عسى صوتي يصل

ما شاء الله

مدونة جميلة ومبدعة

وبالنسبة

لمصر

فمصر أم الدنيا

ويكفيهم فخرًا مواقفهم المشرفة في أكثر من محفل ..

تحياتي

♥نبع الغرام♥♪≈ يقول...

محمد سعد القويرى

اهلا بيك وبجد نورتنى
وشرفت بيك قووى وان شاء الله يبقا الود والتواصل بيننا

تحياتى
انوس