قول اللى فى نفسك

السلام عليكم ورحمة الله وبركاته

يسعد ايامكم يااااااااااااااااااااارب

-------------........-------------

كلنا منحنا الله الكثير من النعم
نحن نغرق فى نعم الله ولكن الإنسان بطبيعته طماع

أو طموح أو يتمنى ما ليس بيده لكنا بالتأكيد

نفتقد شئ . . أو أشياءربما نفتقد وجود شخص مّا فى حياتنا

أو نفتقد حاله نفسيه ما نعيشها . . أو نفتقد مكان نتواجد به

نفتقد بيت بمواصفات معينه ربما تفقد حنان الأم . . أو محبة الأب

ربما نفتقد إبن . . أو إبنه . . أو زوج . . أو زوجه

أو أخ . . أو أخت . . أو صديق . . او صديقه

ربما نفتقد أستاذ . . أو طبيب . . أو ربما تفتقد وطن

أذكر ما تفتقده وتتمنى وجوده فى حياتك بكل صراحه

-------------........-------------

انا أفتقد أشياء وهى

الأول هو إخلاص الصديقات الوحده منهم
عمله نفسها حبيبه وهتموت عليك وهى سوسه ولا تسوى أى شىء

ومنهم بعض المدونات اللى بجد كنت فاكرهم
ملايكه من بعيد بس لما قربت ليهم
لقيتهم بيحبو يشمتوا فيك
مش لايق عليهم دور البراءة
أسفه بجد إنى عرفتكم وهى غلطه ومش هتتكرر تانى
ربنا يسمحكو
************

الثانى الحب الحقيقى اللى بقا وهم
وكله بيضحك على كله
وبيمثلو أدوار مش لايقه عليهم
ووعود وأحلام وبيحلف إنك له
يا سلام لما يقولك بحبك

مش هيفرق بينى وبينك غير الموت
وحاجات كتير اوووى
إياكى تورى صورتك لحد مش عاوز حد يشوفك غيرى
ماتصحبيش بنات أصلهم بيغيرو منك
أنتى بتاعتى ومحدش هياخدك منى
أنا جايلك عشان أتقدم ليكى
مافيش حاجه تقدر تفرقنى عنك
تحت شعار وهم أسمه الحب
الأسبوع دا هاكون عندك عشان أتقدملك
وأكلم أهلك
ودا وشك يختفى ولا كأن حصل حاجه
وهو بيدور على ضحية تانيه يكمل معاها التمثليه الدنيئة بتاعته
يا شيخ روح أنت وهو منكو لله
هو قادر على كل شىء
إفعل يابن أدام ماشئت
كما تدين تدان
وبجد ربنا مش بيفوت أبدآ
مش مهم يحصلك حاجه فى دنيتك
بس فى قبرك هتتحاسب على كل دا
هى بنات الناس بقت لعبه فى إيديكو
راعو أنكم عندكم أخوات بنات
وكله سلف ودين
وحسبى الله ونعمه الوكيل
أنت يارب منتقم جبار
طبعآ هتستغربو من كلامى
أتحدى أى بنت إنها ما تكونش مرت بنفس التجربه دى

وهو مش عيب ولا حرام
الصح إننا نتعلم من اخطائنا
وبصراحه أنا نفسى أتعلمت كتير أوووى
بعد اللى شفته من ناس ولا تسوى أى شىء
ربنا يبعدنا عن شرهم
ويورينى فيهم يوم
جاتكم القرف

أتمنى المشاركه
أتكلموا متخافوش من حاجه
يلا فضفضوا معايا يمكن ترتاحو ا مثلى
تحياتى
إبتسامة ملاك
إيناس