الحب الحلال

الحب الحلال

الأربعاء، 3 فبراير، 2010

العمـــــر لحظـــــة بتمر بسرعه

ملحوظه نونو :
البلوجر هيس لوحده كده فجأه وقلب صفحة التعليقات
كانت تحت الوقتى بقت فوق سبحان الله يا جودعاااااااااان
معلهش التعليقات أصبحت فوق هذا للعلم والأحاطه
السلام عليكم ورحمةالله وبركاته
أتمنى أن لانكون بحاجه إلى أن نموت كى ننال محبه الأخرين

وأن لايموت من نُحب حتى نعلم حينها حقاً أن لنا قلوباً تُحب
وأن لا نفقد من هو حولنا
لنؤمن بعد رحيله بقيمه وجوده بيننا
فنكون حينهـا أحسسنا ولكن بعد فوات الأوان
ياريت نقرء كلنا الجمله دى كويس
سآمحتك من غير علم

فسآمحنى حتى لو لم تعرفنى
سآمحنى حتى لو أنك تعتقد بأنه ليس هنآك دآعٍ للتسآمح
فقط سآمحنى
بتمنا إن ربنا يهدينا كلنا للخير
ومافيش داعى أن الناس تئذى بعضها
هنستفاد إيه بكل دا
فى رب كريم مطلع علينا كلنا
دا العمر يا ناس لحظه

ياريت نفتكر كلنا لحظة وقوفنا أمام الله للحساب

هنقوله إيه

سامحنا يارب


تحياتى


إبتسامة ملاك


إيناس

هناك 163 تعليقًا:

لولا وزهراء يقول...

البوست تحفه بجد تسلم الايادى يا اينااااااااس

اول تعليق واحتلال بقى

لولا وزهراء يقول...

بصى يا ايناس
فى جمله بتقول خير لك ان تهدى صديقك ورده فى حياته من ان تضع باقه من الزهور على قبره
ياريت كل واحد فينا مش يبخل على الاخرين بكلمه حلوه او لمسه طيبه
ربنا يهدى الجميع
فعلا العمر لحظه

زهراء

لولا وزهراء يقول...

القمر ايناس
-*-*-*-*-*
البوست ده واضح كده ان وراه حاجه بس عن جد كلماته رقيقه وجميله اوى

ياريت كل واحد فينا يعرف انك لما تتكلم مع حد ممكن تكون اخر مره تشوفه فيها او تتكلم معاه فيها يبقى لازم الكلام يكون بطريقه مهذبه وشيك وياريت نراعى شعور الاخرين
دمتى بكل خير وسعاده ياااااااااااارب

لولا

جايدا العزيزي يقول...

ايناس

بوست تحفه


له قيمه ومعانى كثيرة


صرنا نفتقدها


اشكرك

م/محمود فوزى يقول...

ايناس
ازيك
جزاكم الله خيرا على التدوينه الجميله دي
طبعا خلق التسامح ده ممتاز
وبعدين احنا احوج لعفو ربنا
فزي ما احنا نعفو عن الناس فربنا باذن الله هو الفو القدير ولله المثل الاعلى

طبعا مثلا الرسول صلى الله عليه وسلم فى فتح مكه قال للمشركين (اذهبوا فانتم الطلقاء)
وعفا عنهم رغم ايذائهم له وللمسلمين
وكمان لما نعفو عن الناس ممكن نكسب اصدقاء
ده غير الصفاء النفسي

طبعا في ناس ممكن متقدرش قيمه التسامح وتعتبر لما حد يتسامح معاها ان ضعف
ود للاسف موجود

لكن اعمل الخير فى اهله وفى غير اهله
فان صادف اهله فهو اهله
وان صادف غير اهله فانت اهله

ربنا يعفو عنا جميعا
ربنا يكرمك

Tamer Nabil يقول...

ازيك انياس اخبارك اية

كلامك صح واتفق معاكى

ياريت الناس كلها تعرف كدة ومحدش يجرح حد

ربنا يوفقك ويكرمك

مع خالص تحياتى

خواطر شابة يقول...

ربي يهدي الجميع للخير ويهدينا جميعا للي فيه الصلاح
تحياتي عزيزتي

د. ياسر عمر عبد الفتاح يقول...

مظبوط
ياريت نطبق الكلام ده في حياتنا
كل نا بنقوله كويس .. لكن مش بنعمله

فيه حكم كده بتبدوا بديهية
لكنها في غاية الروعة والجمال ,, والأهمية

موضوع جميل

Pink Dreams يقول...

ازيك يا نوسه يا قمر

وحشانى مووووووووووووووووووت

Pink Dreams يقول...

بصى احنا فعلا مش بنحس بقيمه الشخص اللى قدامنا الا لما خلاص يفوت الاوان ويضيع مننا

ربنا يهدى الجميع

Tamer Nabil يقول...

ايناس القصة الاخيرة من دماغى زى اى قصة وحكاية بكتبها مش حصلت ليا خالص

انا رديت عليكى هناك اصل وجدتك بتوجهى الكلام بحزن ليا ههههه

مع خالص تحياتى

ريمان يقول...

انووووووووس


ازيك يا حبيتبى

عامله ايه

يا رب تكونى بخير

انا قلقانه اوى اوى عليكى

وبدعيلك ربنا يحفظك حبيبتى

خلى بالك من نفسك اوى

النت عندى وحش اوى مع المدونات بس الاميل شغال الحمد لله

المهم ابقى طمنينى عليكى


البوست جميل اوى وبيحمل قيمه انسانيه عاليه اوى


ربنا يكرمك يا حبيتبى يا رب


وربنا يسامحنا كلنا و يمن عليه بعطفه وفضله وكرمه امين يا رب

تحياتى ليكى يا قمر

اموااااه

إبتسامة ملاك يقول...

لولا وزهراء

ربنا يخليكى يا حبيبتى يارب واهلا بيكى اول تعليق

إبتسامة ملاك يقول...

لولا وزهراء

ربنا يخليكى يا حبيبتى يارب واهلا بيكى اول تعليق

حلمى البعيد يقول...

السلام عليم

إزيك يا إيناس

بجد الظاهر دى موجوده كتير أوى

ومحدش بيحس بقيمة حد إلا لما يضيع منه

ويرجع يندم وللأسف الندم وقتها بيجرح مش بيفيد

لإن الناس بيبصوا لبعيد وبيشوفوا مين يجرحهم ويجروا وراه

أمرهم غريب

لكن لو كل واحد شاف اللي حواليه بقلبه وعقله

هيلاقي أحلي صحبه وأحلي حبيب يكمل معاه حياته

لكن اللى بيعمل غير كده

مش أكتر من إنسان موهوم وبيتجرح كتير

ربنا يخليكى يا حبيبتى كلماتك جميله ومؤثره

تحياتى

إبتسامة ملاك يقول...

لولا وزهراء

حبيبتى الجميله زهراء
نورتى ياقمر
ربنا ما يحرمنيش منك يارب
بجد نورتينى

rony يقول...

هاى يا انوووووووووووووس
يا ملاك عايش بالارض
لو اللى قال الكلام ده هو انتى يبقى
انتى فعلا ملاك عايش بيحلم بالحب والتسامح والخير
اكيد الدنيا هتبقى لها طعم تانى
يا رب يسمع منك ويهدينا جميعا
ونقدر نحب بعض علشان نقدر نسامح بعض
احلى سلام لاحلى ايناس
تحياتى ياقمر

إبتسامة ملاك يقول...

لولا وزهراء

لولا

وحشتنى ياقمر من ناحية البوست هو دا الواقع اللى بنعيشه كل يوك
الناس كلها بتغلط فى حق بعضها وبيئذو بعض
ياريت كلنا نسامح ونكون ناس كويس
ربنا ما يحرمنيش منك يا لولا

إبتسامة ملاك يقول...

جايدا العزيزي

حبيبتى بجد ما تعرفيش قد ايه بحرف بوجودك وبتعليقك
ربنا ما يحرمنيش منك يارب
دمتى بكل خير

إبتسامة ملاك يقول...

م/محمود فوزى

الله عليك بجد هو دا اللى عاوزه اوصله للناس
ربنا يخليك يارب ولا اتحرم من مرورك العطر
دمتى اخ وصديق دائم

إبتسامة ملاك يقول...

Tamer Nabil

أزيك يا تامر

منورنى بجد معاك حق يا ريت الناس كلها تقدر كده وتفهم كده

متشكره ليك

إبتسامة ملاك يقول...

Tamer Nabil

هههههههههههههه
ماشى انا شفت ردك هناك

ماشى انا اتخضيت عليك بجد
ربنا يسعدك دمت مبدع كعادتك

إبتسامة ملاك يقول...

خواطر شابه

اللهم امين ربنا تقبل منك يا حبيبتى

تحياتى

7annen يقول...

اسلم ايدك
بوست جميل
احسن حاجه فى الدنيا التسامح

إبتسامة ملاك يقول...

دكتور ياسر عبد الرحمن

ربنا يخليك يارب وبجد مبسوطه ان البوست عجبك
ربنا يهدينا للخير يارب

إبتسامة ملاك يقول...

7annen


ميرسى ليكى ونورتى
تحياتى

إبتسامة ملاك يقول...

ريمان


حبيبتى وحشتينى متخافيش العمر واحد والرب واحد

ربنا يخليكى ليا يارب ويحفظك من كل شر يارب
المهم بس النت يظبط عندك يارب وترجعى تعلقى وتشوفى مدونتك ياقمر

مبسوطه ان البوست عجبك وانتى طبعآ فاهمانى اقصد ايه يا ريمان
ربنا يهدى الجميع ويبعد عننا الناس اللى بتكره بعضها وبتحب تئذى
ربنا يهدى

إبتسامة ملاك يقول...

rony

ربنا يخليكى يارب ويكرمك خير حبيبتى
تسلميلى كلامك كتير اووى عليا
ربنا يديم الخير والوئام بين الناس يارب
دمتى اختى وحبيبتى

مرايتى يقول...

اللهم إنى أشهدك أنى عفوت عمن ظلمنى فى اهلى ومالى وعرضى

بجد بوست أحيكى عليه

فعلا ما بقناش نحس بقيمة الى بنحبهم غير لما بيضيعوا منا

ويارب أى حد غلطت فى حقه يسامحنى

تسلم ايدك يا قمر

إبتسامة ملاك يقول...

Pink Dreams

وحشتينى يا حبيبتى
وانتى اكتر حبيبتى

إبتسامة ملاك يقول...

Pink Dreams

ربنا ما يحرنيش منك يارب
ربنا يهدى الجميع يارب للخير ويكرمك يارب
بلاش تغيبى عننا ياقمر

إبتسامة ملاك يقول...

مرايتى

حبيبتى

ربنا بجد يسامحنا كلنا على اخطائنا ويكرمنا كل الخير يارب

تحياتى لمرورك العطر

إبتسامة ملاك يقول...

حلمى البعيد

ازيك يا حبيبتى
منورانى اووى بجد ربنا يسعدك ويطمنى عليكى
فعلا الانسان ما بيعرفش قيمة اى حاجه حلوه الا لما بترووح منه
ربنا يهدينا ويسمحنا ويغفر لنا يارب

ليس فقيرا من يحب يقول...

ازيك يا انوسه

اخبارك ايه يا جميل

وحشانى يارب تكونى بخير

ياروح قلبى

thunder يقول...

مممممممممممممم
مممممممممممممم
مممممممممممممم
مممممممممممممم
الحرف اللى وقع
صحيح فكرةالبعد
عن اللى بنحبهم
تخوف سواء اصحاب
اقارب وخلافه
بس ميمنعش انه فى بعض الاوقات الواقع يفرض عليكى انك تبعدى ولازم تبعدى علشان قربك من اللىبتحبيهم ممكن بعد فترة فى ااختفاء اى كان موت او رحيل هيسبب الم والم جامد اوى انا معاكى فى دعوة التسامح حتى بدون سابق معرفة وحتى ان تعمد الغير الاساءة بقصد او دون قصد .
كنت عاوز املى البوست تعليقات كتيرة اووووووووووى واعملك فيضان رخامة لكن هسكت احسن قدم الكفرة اللى جات فى دماغى ..

صحيح ملاحظة خبيثة
الواد يانحمده الاشقر داعبيط كدا وشكله سيس هههههههههههههههههه
شكله لسة فى ابتدائى مدرسة جهنم الثانوية بنين


دمتِ فى رعاية وحفظ الله دائما ياااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااارب
وبكل حب و ود

عصـــــــــــام الــــديــن يقول...

ايناس الرقيقه
ياسلام لو كل واحد طلب السماح من الاخرين وكل واحد فينا سامح اخوه
انا عن نفسى مسامحك بس على ايه ؟ المهم انا مسامحك
وربنا يهدينا السماح ديما
جميله الفكره ياايناس
تحياتى

ليس فقيرا من يحب يقول...

وبعدين عندك حق فى كلامك

العمر فعلا قصير قوى ومش

مستاهله ابداحد يزعل من حد

او يكره حد او حتى يبقى شايل حاجه

وحشه لحد واللى بيعمل كده هو الخسران

صدقينى

ربنا يسعد قلبك يارب دايما

ويريح بالك

اموووووووووووووواه

Sharm يقول...

شكرا ايناس على البوست الجميل

كلمات من نور يقول...

كلامك جميل يا إيناس ...بنحتاج كل ليلة قبل نومنا نسأل ربنا سبحانه وتعالى إنه يسامحنا ويغفر لنا غلطنا في حقه وحقوق الآخرين ..و أحلى الدعاء هو:

اللهم إني اتخذت عندك عهدا لن تخلفنيه ..فإنما أنا بشر ..فاي المؤمنين آذيته ، شتمته ، لعنته ، جلدته ، فاجعلها له صلاة وزكاة وقربة ، تقربه بها إليك يوم القيامة ، اللهم واغفر لي ما كان مني ....آمين

NAANOS يقول...

السلا م عليكم

المداونةجميلة جداااااااااا
و يارب قبل ما نموت نكون بنحب بعض ونسامح بعضينا
انا شايفاكى جزينة فى كلماتك
كونى متفائلة الدنيا كلها مش وحشة
وشكرا وربنا يوفقك
اختك

نانوس

انا ودماغي يقول...

بجد بوست جميل أوى و بسيط اوى
فعلا كتير مننا بيكتشف قيمة اللى كان معاه بس ما راح و مش جاى تانى


تحيانى يا إيناس على البوست ده و يا رب ما نتعرض لموقف كدة

مي يقول...

ربنا يهدينا ويسامحنا ان نسينا او أخطائنا
وحشتينى يا انوس يارب تكونى بخير دايما
ربنا يكرمك ويوفقك يا انوستى

قسوة الحياه يقول...

والله يا ايناس كلام منطقى وصح جدا

لكن مش كل الناس بيعملو الصح

ودايما مش بنحس بقيمه الشىء غير بعد فوات الاوان

بوست من دهب بجد

تحياتى ليكى يا قمر


جـــوجـــو

عاشقه الاحزان

ذكري رحيل قلم يقول...

السلام عليكم
فعلا دعوة للتسامح
انا مسمحاكي

ذكري رحيل قلم يقول...

كلامك جميل يا ريت فعلا كلنا نقدر نسامح بسبب ومن غير سبب

علي فكرة مش عايزة بكرة تغيري كلامك
وان غيرتيه افتكري
ان التسامح اعظم صفة في الكون لا يملكها الا من يقدر ويعفو


تحياتي

إبتسامة ملاك يقول...

ليس فقيرا من يحب


رانيا حبيبتى بالحضضضضضضضضضضضضضضضضن
وحشانى ياقمرى اوووووووووووووووى

إبتسامة ملاك يقول...

ليس فقيرا من يحب

ربنا يكرمك يا رانيا ويوفقك يارب
مبسوطه من كلامك اوووووووووووووووووى

تحياتى ليكى حبيبتى

إبتسامة ملاك يقول...

thunder

ههههههههههههههههه

مممممممممممممم
مممممممممممممممم

ممممممممممممممممممم
ممممممممممممممممممممم

اى خدعه يا عمونا
طبعآ انت شرفتنى بجد وتعليقك دا بيسعدنى يا سباعى
يازعيم الكافره ههههههههه
اقطع دراعى ان ماكان الواد الاشقر دا من طرفك وانت اللى مسلطه عليا
انا عارفه انك خريج اجرام
نياهااااااااااااااااا

ههههههههههههههههههههه

ربنا يستر ويعديها على الف خير يارب
واللى يجيبه ربنا كويس

طبعآ انت عملت اللى عليك وعداك العيب وازح
ربنا يكرمك خير يارب ويطمنا عليك
ومتشكره لمرورك الاجمل
تحياتى
نحمده

إبتسامة ملاك يقول...

عصام الدين

اهلا بالغالى
انا مان مسمحاك بس على ايه
ههههههههههههههه
ربنا يطمن قلبك يارب ويكرمك خير اخى
تحياتى

إبتسامة ملاك يقول...

Sharm

متشكره لحضرتك اخى الفاضل

إبتسامة ملاك يقول...

كلمات من نور

ربنا يجزيكى عنا كل الخير
وبتمنالك السعاده من كل قلبى حبيبتى

إبتسامة ملاك يقول...

NAANOS

اهلا بيكى حببتى
بجد نورتينى جامد
ميرسى ليكى مرورك العطر لمدونتى

إبتسامة ملاك يقول...

أنا ودماغى

حمدالله على السلامه حبيبتى
ويارب تكونى بخير

متشكره على كلامك الجميل
دمتى بكل خير

إبتسامة ملاك يقول...

مى

حياتى وانتى كمان وحشتينى جامد
ربنا يهدينا جمعيآ للخير

إبتسامة ملاك يقول...

قسوة الحياة

حبيبتى ازيك منوره الدنيا كلها
ربنا يطمنى عليكى يارب واشوفك على كل خير

ميرسى ليكى كلامك عاجبنى

إبتسامة ملاك يقول...

ذكرى رحيل قلم

وانا كمان مسمحاكى حبيبتى

إبتسامة ملاك يقول...

ذكرى رحيل قلم

لاء حبيبتى مش تخافى عليا
انا اكبر وحده بالدنيا دى ممكن اسامح
ربنا يبعد عننا الناسس اللى بتئذى
تحياتى

موناليزا يقول...

صح يا نوسة
ماهو محدش بيعرف قيمة اللى فى ايده غير لما بتروح منه

مـجـنـووون يقول...

دائما مبدعه كعادتك

عندك حق مش هنسفاد حاجه

ولازم نحب الناس ونسعدهم ونسمحهم

يا عالم ايه الي يحصل بعد كده

النهارده موجود بكرة ممكن متكنش موجود

تقبلي مروري
مجنووون

shemo يقول...

السلام عليكم......
انوستى حبيبتى
ازييييييك
وحشتنينى يا انوسة مووووووووووت

فعلا والله حنستفاد ايه لما نئذى بعض
وحنقول ايه لربنا لما نقف قدامه يوم الحساب
ربنا يهدينى ياررررررررب
جميعا
تسلم ايدك يا قمرى

امووووااااااه

دومتى بخير
فى رعاية الله
shemo

الشاعر الفنان أحمد فتحى فؤاد يقول...

إيناس الملاك
التسامح هو الخطوة الأولي للصفاء النفسي و الذهني
السماح هو بوابة السلام و الأمل
بوست رائع يا ايناس كالعاده
جزاك الله كل خير
تسلمي دايما بالف خير وود وسلام
وتسامح

عالم الحب يقول...

مرحباً:)
فعلاً كلامكي عين العقل أخت إبتسامة
فالحياة والعمر في هذه الدنيا تكون لمرةٍ واحدة فقط فلا ننسى أننا لن نستطيع إعادة هذا العمر وكل يوم يمر منا (ولا تدري ماذا تكسب غداً وما تدري نفسٌ بأي أرضٍ تموت) لذلك فلنعفو وليعفوا عنا أي شخصٍ قد أزعجناه أو ضايقناه
العفو والتسامح صفتان يرقيان بالانسان الى أعلى مراتب الايمان
سلمت يمناكي على هذا الموضوع الرائع
نتطلع إلى الأجمل والأرقى
تقبلي مروري المتواضع
عالم الحب

نهر الحب يقول...

انوسة
ممكن نسامح يا ايناس
لكن اللي ظلمنا ولا حتي حيقدر ده
ساعات اللي ظلمنا وكانه بيرمي تراب علي قلوبنا وبتفضل غامقة من ناحيته

اتمني اقدر اسامح اي حد ظلمني اتمني

Nostor Azzuro يقول...

بوست هايل بس مين بيفكر اصلا يا ايناس

شكل المدونة الجديد تحفة وكمان غيرتى اسمها

ومبرووووووووووووووووووك لمصر

Mr.Hazem يقول...

مرحبا يا عيني
كيفك ان شاءا لله تمام
اشتقتلكم كتيييير والله
طبعاً اول شي كل كلماتي ما بتوفيكم حقكم لأنكم بجد تستحقون كل الحب والاحترام
انا سعيد جداً انك بتفوتي على طول على مدونتي , ودائماً حروفك وكلماتك بيكون الها معنى غير

صراحه انا مكسوف جداً لاني ما بتابع مدونتك متل ما انتي متابعة مدونتي ,,
بس شو اعمل الكهربا مش مساعداني اني افوت واجي لعندكم
بليز ما تقطعيني وما تفكري اني ناسيكم بالعكس والله دائماً ببالي وخايف اني اخسركم
وبتمنى انه نبقى على تواصل واكيد ما بعد الظلام الا النور وحتماً راح نرجعلك ونغلبك زي زمان هههههه
ربي ما يحرمني منكم


طبعاً انا مش تارك مدونتي بحاول اكتب ولما تيجي الكهربا بسرعه بنزل الموضوع ويادوب بخلص بترجع تقطع وهكذا

بحبببببببببكم
سلامووووو

جايدا العزيزي يقول...

ههههههههههه


ايه اللى بيحصل دة يا ايناس


كل حاجه بتحتج


وبترفض وضعها



اشمعنا هى يعنى ما لهاش نفس



خليها تعلا شويه


بس تعرفى كدة احسن


نعلق وبعدين نشوف الموضوع ايه


ههههههههههه


انا طبعا بهزر


لانى قريت الموضوع ورديت قبل كدة


بس كنت بطمن عليكى


دمت دائما فى تقدم حبيبتى



تحياتى

شيماء جمال(شيمو القمر) يقول...

حبيبة قلبى أنوس

ايه الكلام الحكم الجامد ده

فعلا أعظم صفة ممكن يتصف بها انسان هى التسامح
ولو توفرت فففى الناس ما كانش بقى فيه حاجة اسمها حقد وغل وكره

أحييك على حروفك الجامدة ده

تحياتى
شيمو القمر

ঔღঔ نـــوارة ঔღঔ يقول...

ازززيك ياقمررررر

دايما كلامك في الصميم

بجد بوووست تحفة كالعادة

التسامح كلمة جميلة تعنى معنى جميل

انا مسامحة الجمييييييع :)

مع اني مش بزعل من حد غالبا :]

ميرررررررسي ياحبيبتي على دعوة التسامح

ربنا ميحرمنيش منك ياقمر

اموووووووواه

اقدم عاصمه فى الحب يقول...

السلام عليكم

دايما بتكتبى اللى انا عاوز اقرأه ودايما بستمتع فى كل مره بدخل هنا
مش عارف بحس انى بدخل مجال غريب فيه الراحه يمكن علشان انتى صادقه اوى فى كتاباتك ...؟!
.
على فكره انتى بتكتبى ذكرياتك هنا وأكيد أكيد هتفرحى لما تكبرى وتبقى تيتا وتشوفى اللى انتى كتبتيه هنا من بوستات انا بتشرف بيها كتير لمجرد مرورى من عليها
فخور اننا اصدقاء :)

إمرأه من ثلج يقول...

التسامح كلمة اصبحت صعبة المنال اسألنى دايما كلماتك رائعة ارجو منك طلب انك تسعدينى فى الاعلان عن مدونتى ييييييييييييييييييييياريت ياأنوش

انت تسال والكمبيوتر يجيب يقول...

سررنابالمرور ولذلك نوجه لك هذه الدعوه
نحن اول برنامج أذاعى عن النت والمدونات ويذاع يوميا عدا الجمعه التاسعه وعشر دقائق صباحا على موجات الأذاعه الرئيسيه لمصر
نحن نطرح موضوعات الحلقات قبل اذاعتها فى مدونتنا لبعلق عليها اصحاب المدونات او غيرهم من الزائرين
ونذيع هذه الموضوعات مع التعليقات ومقتطفات من مدونات اصحابها اذا رغبوا
وبذلك نجمع لأول مره بين الأعلام التقليدى والنت
مدونتنا
http://netonradio.blogspot.com

حياتى نغم يقول...

السلام عليكم ورحمة الله وبركاته

عندك حق كلماتك جميله ياننوس ومدونتك لسه جميله زيك .

ربنا يسمع منك وتبقى الناس فى تسامح وحب وود .

دمتِ بحب وود وتسامح وجزاكِ الله خيراً على تعليقك الطيب .

تحياتى .

مصعب صلاح يقول...

السلام عليكم
أستاذة ايناس فاض الشوق وغلبني فنزحت لاقرا تدويناتك
حلوة الدخلة صح
أولا أنا معاكي تماما مش عارف ليه احنا بنقدس الموتى بشكل غريب
ثانيا سؤال ايه سبب تغيير اسم المدونة ؟ وتغيير الاسم الشخصي ؟
يالا بون سوار bon soir

الشاعر الفنان أحمد فتحى فؤاد يقول...

فين التعليق بتاعى اللى علقته النهارده الصبح؟

عموما لو ماوصلش
أنا باحييكى بشده على البوست الرائع ده
و تانى هقول إن التسامح هو البوابة إلى الصفاء الذهنى و النفسى

جزاك الله كل خير

ملحوظة : و الله علقت قبل كده
سامحينى على التأخير

لاسع افندى يقول...

الصوره جميله جدا


تحياتى

Hossam يقول...

لا لا لا بجد وحشتينىىىىىىىىىىىىىىىى
بجد اشتقتلك كتيييييييييييييييير
بجد يا
أيناس من اكتر الاشخاص اللى كنت داخل وبفكر انى هبعتلهم تعليق
الموضوع تحفة كالعادة ومختصر فى المفيد
وبجد وشحتينى اوى
تحياتى

mohamed ghalia يقول...

جميلة أوى دعوة التسامح دى يا إيناس
ربنا يسعدك دايما

بياع كلام يقول...

السلام عليكم
أنا جييييييييييييييييييت
ازيك يا ايناس
مش هقدر أعتذر عن غيابي
لأن أى عذر مش مقبول عن تأخيرى عنك
وغيابى

البوست رااااااااااااااااااااائع
تسلم ايدك
لى رجعه ان شاء الله
دمت بود

مدحت

TWEETY يقول...

ازيك ياابلة ايناس
انا مبسوطة انى زرت المدونة
مبقتيش تزورينى زى الاول ليه
انت كويسة

القدر و انا يقول...

نوسة
مش عارفة البوست فاتنى ازاى
ربنا يجعلنا من اهل السماح
فمن لا يستطيع السماح لا يستطيع ان يحيى
ولكن شرط ان لا ندعى احد يستغلنا
حبى وتحياتى

الهاشمي يقول...

مدونة متميزة ومقال صادق بارك الله فيكي

dodoo يقول...

البوست حلو اووووى يانوسه ربنا يجازيكى خير يارب على المبادره الجميله دى

لاننا فعلاااا مش بنشعر بقيمة الحاجه اللى فى ايدينا الا لما تبقى خلاص ضاعت وبعدها نندم

يعنى دايما بنلحق نفسنا فى الوقت الضايع

وحشششششششششششتينى اووووووى ياقمر

مدحت محمد يقول...

فى حاجات ممكن الواحد يسامح فيها وحاجات لا

بيبقى غصب عنه مش قادر يسامح

ده اولا

رغم ان ربنا قال

(( فاذا الذى بينك وبينه عداوة كأنه ولى حميم ))

بس بطبع الانسان مش كل انسان يقدر يسامح
ومش كل مشكلة ما يقدر الواحد يسامح فيها خاصة لو اتكررت

تحياتى

Rosie يقول...

أخيرا رجعت أعلق تانى و عند أنوسة...معلش على الغيبة ..بس خلاص الحمد لله خلصت و هاحاول أواظب بأه إنى أقرا حاجات الناس كلها...
أولا سلامة البلوجر من التهييس
ثانيا..السطرين اللى فى الأول دول بيوجعوا أوى...و الدعوة للتسامح دى جميلة.....

abo-omar elmasry يقول...

عزيزتى : كلامك حلو اوى ومعبر فعلا وبنلاقى كلنا بننسى فعلا نحب ونعبر عن حبنا لبعض وبتيجى الدنيا وتفكرنا بس أحيانا متأخر... شكرا على كلامك لأنه دخل القلب وخلنا نفكر تانى فى التعبير عن مشاعرنا فى كل لحظة بنعيشها مع حبايبنا

فشكووول يقول...

السلام عليكم ايناس
الموضوع سهل خالص .. الواحد يسامح كل اللى بيسيئ له

انا الحمد لله مسامح كل الناس وخصوصا انت .. مسامحك .. على ايه .. من غير على حاجه .. مسامحك وخلاص ..
تحياتى

sun of free dom يقول...

ميا ميا كلامطك صح الصح
ربنا يوفقك

نداء يقول...

انوستى

وحشتينى يا حبيبتى يارب تكونى بخير وربنا يطمنى عليكى يارب
معلهش متأخره عليكى غصب عنى النت فاصل من فتره
اخباركم ايه وماما وهيثم بخير يارب يكونو بخير حبيبتى ويطمنى عليكى يارب
***************

بوست جميله يا انوسه بس محدش عاد بيعمل كده البركه قلت حتى فى الحب كله بيضحك على كله يا نوسا ربنا يقرب كل اتنين بيحبوا بعض ومش يفترقو يارب
والتسامح جميل يا ريتنا كلنا نسامح
دمتى حبيبتى
بحبك اووووووووووووووووووووى
خلى بالك من نفسك وبلاش تقفلى الفون كتير
امووووووووووووووووووووواه
نداء

نور العيون يقول...

نوسه النوسه كونوسه
ممممم
مساء الجمال على احلى عيون رومانسيه على ارض الواقع
بالحضضضضضضضضضضن ياقلبى
اموووووووووووووووووواة

الله عليكى وعلى بوستاتك الجميله الهادفه زى قلبك اللى زى حتة السكر الابيض
ربنا يجعلنا كلنا مسامحين
وربنا يتولانا برحمته الواسعه
وطبعآ لاذم كلنا نحافظ على اللى فى ايدينا عشان لو ضاع مننا هنندم بس بعد ايه بعد فوات الاوان
الله يكرمك يارب
ويجعل كل ما كتبتى بميزان حسانتك يارب
تحياتى ياللى وحشانى اووووووووووووووووى
نورهان

إبتسامة ملاك يقول...

موناليزا

معاكى حق حبيبتى
نورتينى يا مونى

إبتسامة ملاك يقول...

مجنوووووووووون

اهلا بيك نورت مدونتى ومتشكره ليك على مشاركتك الجميله
وربنا يديم الود بينا يارب

إبتسامة ملاك يقول...

شيمو

حبيبتى وحشتينى يا قمر
ربنا ما يحرمنيش منك يارب
وربنا يهدى الجميع
دمتى اختى وحبيبتى

إبتسامة ملاك يقول...

الشاعر الفنان احمد فتحى

اهلا بأرق شاعر بالدنيا كلها
متشكره ليك مرورك الطيب والعطر لمدونتى
وبيعجبنى أووى رئيك
دمت بكل خير

إبتسامة ملاك يقول...

نهر الحب

ان شاء الله ربنا يقويكى وتقدرى تسامحى اى حد يزعلك لان ربنا بيسامح يبقا احنا مش هنسامح حبيبتى
ربنا يسعدك يارب

إبتسامة ملاك يقول...

عالم الحب
متشكره ليك اووى على كلامك الرقيق
يا اجمل عالم حب فى الدنيا
ويبقا التواصل

إبتسامة ملاك يقول...

Nostor Azzuro

اهلا بالجميل
ميرسى ليك ياقمر
ربنا يكرمك
نورتنى

إبتسامة ملاك يقول...

نداء

انا كويسه ياقمر
ربنا ما يحرمنيش منك يارب ويطمنى عليكى كله تمام والبيت كويس
ومتشكره على سؤالك عنى حبيبتى

إبتسامة ملاك يقول...

نداء

انا كويسه ياقمر
ربنا ما يحرمنيش منك يارب ويطمنى عليكى كله تمام والبيت كويس
ومتشكره على سؤالك عنى حبيبتى

إبتسامة ملاك يقول...

نور العيون

نورهان حبيبتى
ازيك ياقلبى ربنا ما يحرمنيش منك ومتشكره ليكى اووى انتى واختك نداء احنا كلنا بخير مش تقلقوا علينا
سلامى للجميع عندكم

وكلامك حلو زى قلبك انتى يا قموره

تحياتى

إبتسامة ملاك يقول...

فشكووووول

حبيبى انا كمان مسمحاك عشان انت مطنشنى جامد
نورتنى ياغالى

إبتسامة ملاك يقول...

Mr.Hazem

حازم الغالى ولا يكون عندك اى زعل ولا حاجه بجد مقدره ظروفكم انت اخى اللى بعزه وبحترمه
ربنا يديم الود بينا
ولا يسعنى سوى الدعاء لكم
دمت بكل خير

إبتسامة ملاك يقول...

جايدا العزيزى

حبيبتى ايه الهنا دا
ربنا ما يحرمنيش منك يارب
عندك حق
خليه يهيس برحته
انا عن نفسى هيست جامد

ههههههههههههههههههههههه

منورانى فى اى وقت

إبتسامة ملاك يقول...

الشاعر الفنان احمد فتحى



يا باشا تعليقك وصل بس زى ما تقول انا اللى كنت ماليش نفس ادخل لانى بمر بأزمه نفسيه صعبه شويه دعواتك ليا من قلبك الطيب
دمت بكل خير

إبتسامة ملاك يقول...

مدحت محمد

فعلا معاك حق ربنا يكرمك يارب
متشكره على كلامك الجميل

إبتسامة ملاك يقول...

شيماء جمال

حبيبتى وحشتينى ياقمر
ربنا يقدرنا كلنا على التسامح
دمتى بكل خير

إبتسامة ملاك يقول...

نواره

حياتى

وحشتينى يا حاجه

ايه الجمال دا كله
ربنا يكرمك يارب ويبارك فيكى وكلنا نقدر نكون زى قلبك الطيب
منورنى ووحشتنى مووووووووووووووووت

إبتسامة ملاك يقول...

لاسع افندى


ممممممممممممممم

ماشى يعنى هى الصوره بس اللى عجبتك

نورتنى

إبتسامة ملاك يقول...

بياع كلام

حمدالله على السلامه يا باشا
ايه الهنا دا
أخيرآ رجعت
ربنا يطمنا عليك
ومنتظراك تانى على طول

إبتسامة ملاك يقول...

أقدم عاصمة فى الحب

بجد مش لاقيه كلام اقوله ليك بعد كلامك اللى زى السكر دا
انا بجد اللى فخوره انك صديقى
ربنا يديم الود بينا يارب

إبتسامة ملاك يقول...

الهاشمى

ربنا يكرمك
وسعدت بمرورك لمدونتى ويبقا التواصل

إبتسامة ملاك يقول...

sun of free dom

متشكره ليكى ياقمر
ربنا يكرمك يارب
نورتينى

إبتسامة ملاك يقول...

حياتى نغم

ربنا يبارك فيكى يارب ويكرمك خير حبيبتى
وبجد نورتينى

إبتسامة ملاك يقول...

sabry abo-omar

اهلا بحضرتك اسعدنى مرورك الجميل
ويارب يبقا التواصل

إبتسامة ملاك يقول...

مصعب صلاح

اهلا اهلا
انت لسه عايش حمدالله على سلامتك وربنا يطمنا عليك يارب ويكرمك خير

تحياتى ليك

إبتسامة ملاك يقول...

إمرأة من ثلج

اهلا بيكى حبيبتى
حاضر من عيونى الاتنين
ان شاء الله

إبتسامة ملاك يقول...

Hossam

اهلا بيك ياقمر
متشكره ليك
وربنا يديم الود بينا انت اخ عزيز على قلبى

وحشتنى كتير

إبتسامة ملاك يقول...

أنت تسأل والكمبيوتر يجيب

اهلا بيك اخى الفاضل ان شاء الله ربنا يقدم الخير
دمت بكل خير

إبتسامة ملاك يقول...

mohamed ghalia

ربنا يكرمك اخى الفاضل

إبتسامة ملاك يقول...

dodoo

حبيبتى وحشتنى اوووى انتى كمان
ربنا يهدى الجميع يارب ويكرمك خير

إبتسامة ملاك يقول...

TWEETY

حبيبتى متزعليش منى مش اقدر على زعلك هجليك ياقمر
انا كويسه ربنا ما يحرمنيش منك يارب

إبتسامة ملاك يقول...

روزى

حبيبتى حمدالله على سلامتك نورتى البلوج من تانى
ربنا ما يحرمنيش منك يارب
وحشتينى اووووووووووووووووووووى

إبتسامة ملاك يقول...

القدر وأنا

حبيبتى ربنا يخليكى ليا ولا يحرمنى منك يارب

بياع كلام يقول...

مساء /صباح الورد يا انوس
ادينى رجت تانى
أخبارك ايه ؟
وحشتني يا أجمل ابتسامه ملاك
مع انى شايفك الحمد لله عال العال اهو
معلش المره الأولى كنت مستجل
انما ايه التوبيك الجامد
بصراحة روعة وأجمل المعاني موضوع التسامح بس يا ترى احنا البشر
هنقدر نسامح علطول ؟
يا ريت قلوبنا تبقى شفافه زي قلوب الطير ونتعلم التسامح
ربنا يسعد قلبك يا رب
ويجعل حياتك كلها رضا وتسامح
ودي لا ينقطع
وان غاب قلمى
فسوف يعود
لأن مكانكم فى
العقل والقلب
موجود
دمت بكل الود

مدحت الصعيدي

صدى الصمت - عاشقة الورد - يقول...

فعلاً الواحد مابيغرفش قيمة ال بيحبهم غير لما بيروحوا منة
أحييكى على البوست الرائع
وللعلم أنا لقيت التعليقات رحعت تحت مش فوق
تحياتى

إبتسامة ملاك يقول...

بياع كلام


ايه يا باشا الكلام الكبير دا انا مش قده بجد
ربنا يكرمك يارب
وتسلم وبجد بسعد بوجودك هنا

إبتسامة ملاك يقول...

صدى الصمت


حبيبتى ربنا ما يحرمنيش من تعليقاتك

ومتشكره ليكى اوووووووووووى

Hager Za3bal يقول...

امممممم
عشان البني آدم بيكون فيه داء وحش انه كتير مش بيعرف قيمة الحاجه غير لما تضيع منه ..


سآمحتك من غير علم
فسآمحنى حتى لو لم تعرفنى
سآمحنى حتى لو أنك تعتقد بأنه ليس هنآك دآعٍ للتسآمح
فقط سآمحنى
.. عارفه، لو كل الناس قرت الكلمات دي ونفذتها اعتقد ان مش هيبقي فيه اي مشاكل .. لانهم ببساطه هيتحولوا لملايكه ساعتها :)

فراشة يقول...

حقيقى التسامح شىء جميل بس للى يقدر عليه ومن قلبه

ربنا يجعلنا كلنا متسامحين
موضوعك حلو قوى يا نوسه
ربنا يكرمك يارب

طهر فؤادك يقول...

السلام عليكم ورحمة الله وبركاتة

ربنا يكرمك يارب والمسلمين على البوست الجميل دة

- وفعلا يايناس لازم نحس بالناس فى حياتهم ونكرمهم ولو بكلمة طيبة لان الكلمة طيبة صدقة ولاوم نحرص على دة مع كل الناس لان الدنيا ابتلاء وامتحان ولازم ان شاء الله بعدى منة على خير بأذن الله تعالى ودعواتكم

هموس يقول...

ابتسامة ملاك (ملاك الابتسام ايناس)

فقط لو تعلمون...لو ادرك كل فرد معنى كلمة يوم الحساب لما خاصم ولا فجر ولااعترك ...ولعرف قلبه معنى السماح والعيش في واحة اسمها راحة النفس...بارك الله فيك فالذكرى هنا تنبيه لنا وانذار من يوم آت لاريب فيه
تقبلي مروري

بيطرية ومش بايدى يقول...

حبيب قلبى
وحشانى موووووووووووووووووووووووووووووووووووووووووووووووووووووووووت
الحمد لله اخيرا
خلصت المعركة بدون اى خساير بشرية
بس اكيد فى ملايين من الجرحى واكيد هيتشالوا
فهمانى انتى صح؟ :]
اكيد هازهقك فى الاجازة دى ويارب ارجع بقى للايام الاحتلال
والله زمااااااااااااااااااان

وحشانى بجد

الشاعر الفنان أحمد فتحى فؤاد يقول...

ايناس الملاك

أولا شكرا من كل قلبي علي تعليقك الرقيق في مدونة خواطر شابه
كل التقدير والإحترام والإعتزاز لك ولصاحبة مدونة خواطر شابه
ورأيك ده اعتز به جداجداجدا

ثانيا مش عيب ابدا انك تمري بازمه نفسية لأن كلنا بنمر بنفس الأزمات
لكن ابدا ما تخللي ازماتك تنتصر عليكي
تذكري دايما إنك إنتي الأقوي من كل الأزمات
إنتي الافضل

اللى موش عارف يتغير يقول...

بكون سعيد بكلمة يابلدياتى دى قوى
ههههههههههههه
بجد
ياريت نتواصل اكتر من كده
لو ليك حساب عالفيس بوك او ماشابه

م/ محمد صالح يقول...

اخبارك ايه اسف جدا على الغيبة الطويلة لكن كانت ظروف والحمد الله عدت انا رجعت تانى بحمله " اسمها
فكرة من كل مصرى من أجل مصر" ياريت تشاركينى فيها وكمان تنشريها انا نفسى بجد بلدنا تبقى أحسن بينا وبأفكرنا كلنا تفاصيل الموضوع موجودة فى البوست الجديد يا ريت تقرأيها

dr/shiko يقول...

الف مبروك علي التجديد في شكل المدونة .. يعني خليتي لتعليقات من فوق بدل من تحت ... لكسر الملل ..هههههههههه..باااااااااااااي

إبتسامة ملاك يقول...

هاجر زعبل

اهلا بيكى ياقمر نورتى مدونتى للمره الاولى وربنا يكرمك وان شاء الله يبقا التواصل
دمتى بكل خير

إبتسامة ملاك يقول...

هموس


ربنا يكرمك يارب متشكره لحضورك الاروع وكلامك اللى زى السكر
دمتى اختى وحبيبتى

إبتسامة ملاك يقول...

فراشتى


ربنا يجزيك كل الخير حبيبتى ويكرمك يارب
شرفتنى اوووووووووووووووووووووى

إبتسامة ملاك يقول...

طهر فؤادك

جزاك الله كل الخير
نورتنى يا استاذ محمد
تحياتى

إبتسامة ملاك يقول...

دكتور شيكو

اهلا
الله يبارك فيك ميرسى لحضرتك قوووى

بس التعليقات هيست كده لوحده مش انا والله

إبتسامة ملاك يقول...

بيطريه ومش بأيدى

وحشتينى يا مضروبه

انا جايلك عشان اعرف القصص بالتفصيل
حمدالله على سلامتك ياقمورتى
مووووواة

إبتسامة ملاك يقول...

محمد صالح

حمدالله على سلامتك نورت مدونتك واكيد هاجى اشوف كل جديد بمدونتك
ويشرفنى انشره عندى انتظرنى

gogo!sf يقول...

ملحوظه

قسوة الحياه دى مدونه جديده لسه بجهز فيها كنت ناويه اخليها بس للمواضيع الواقعيه اللى بشوفها حواليا

لكن مع الاسف البلوجر اتلخبط وبقيت اسمها قسوة الحياه بدلا من جوجو بس الحمد لله اتظبطيت تانى

سلام يا قمر

gogo!sf

إبتسامة ملاك يقول...

الشاعر الفنان أحمد

أهلا بالغالى
أقسم بالله فعلا دى حقيقه أعتز بيها
ربنا يديم الود ويكرمك خير يارب ويوفقك
أنا من اشد المعجبين بكتاباتك ربنا يسعدك

وسعيد بجد إنى أعرفك وليا عظيم الشرف الكبير
ودا أقل واجب ليك أنت تستحق الافضل دومآ

تمنايتى لك بالهناء والسعاده
ونحمد ربنا على كل شىء
دعواتك
مودتى القلبيه

إبتسامة ملاك يقول...

اللى موش عارف يتغير

ان شاء الله بجد يا ايهاب ربنا يديم الود بينا يارب
دمت بكل خير

رضا الكومى يقول...

فيه ناس مهمتها أذى الناس وبس
عايشين علشان كده
حياتهم فى الأذى يعنى مجرد إنهم يفكروا فى التسامح مش ممكن
ومع ذلك يعيش بينهم ناس طيبين دايما فاكرين ربنا
دول أحلى ما فى الدنيا
سلام يا نوسة

أحمد الصعيدي يقول...

بوست بديع

حمل معني وقيم لذيذة
واه لو عمل الكل بها
أكيد كانت التعليقات مش هتتقلب

ههههههههههه

ازيك يا ايناس

ربنا يسعدك

السلام عليكم

سبايدرمان spiderman يقول...

انا مش عارف قائمه المدونات بتاعتي هيست ليه
و مطلعتليش التدوينه دي خالص

اممممممممم

:( :( :(

و جيت متأخر قوي قوي :(

هضيفك في المفضله عندي احسن ^_^

جيت اسلم عليكي بس ^_^

الازهرى يقول...

السماح

أحببت هذا المسلسل كثيرا

وربما يكون هذا إلى حد كبير ما أفعله فى الحياة
ولكن يجب أن ندرك الحقيقة أننا ربما نسامح لكثيرين كل لحظة لخطإهم تجاهنا ونسامح أصدقائنا أكثر فأكثر
ولكن السماح لا يكون إلا من مرك قوة
فلو كنت ضعيفا فليس بسماح ولكن تخاذل

السماح أن تعفو وعندك القدرة على العقاب

تحياتى دوما

فشكووول يقول...

ازيك يا نوسه النوسه كونوسه

تحياتى

سمكه واحده يقول...

كلامك عجبني وجميل اوي يا نوسه

بس انتي تعرفي ان في ناس بتتمتع بألم الاخرين
اه والله في ناس بتستعذب كده وتتفن في عذاب الاخر بل وكمان تبقي في قمه السعاده وهي بتشوفه بيتألم ودي ربنا يحفظنا ناس طبعا طبعا مرضي وربنا يشفيهم يارب بجد ومش بتريق

التسامح جميل اوي وجميل ان يكون جواكي صافي وانك تقابل لائسائه بالاحسان عند ربنا كبيره اوي وبترفعك درجات
قلوب البشر فيها الخير والشر وغصب عننا فينا الحقد والغيره والغل وعدم التسامح لاننا بشر
بس في ناس بتقدر تسيطر علي نفسها وفي ناس بتعصم نفسها من الوقوع في الخطأ وفي ناس بردو ربنا منحها نعمه من عنده وهي التسامح وحب الخير ودي نعمه كبيره اوي يهبها الله لمن يشاء
ربنا يجعلنا كلنا من المتسمحين
ده كان في قصه وحديث مش فاكره بظبط
بس فيما معناه الي ينام وهو مفيش في قلبه شيئ من الحقد او الكره لاي مخلوق يدخل الجنه
هو حد عاوز اكتر من كده
ربنا يجعلنا من عباد الصالحين المتسامحين
دعوه حلوه للتسامح يا انوسه
(:

ذكري رحيل قلم يقول...

السلام عليكم
ازيك يا قمر اخبارك ايه
انا بدعوكي لزيارة هذا الموضوع الذي يهم كل فتاة مسلمة

http://wwwrahf.blogspot.com/

إبتسامة ملاك يقول...

رضا الكومى

اهلا بيك ياقمر متشكر على مدخلتك

إبتسامة ملاك يقول...

فشكووووووووووووووووول


اهلا بالغالى
انا كويسه

إبتسامة ملاك يقول...

ذكرى رحيل قلم


اهلا حبيبتى
حاضر هاشوفه
ربنا يجزيك كل الخير

إبتسامة ملاك يقول...

سمكة واحده

وحشتينى يا سموكه
يارب تكونى بخير
كلامك سكر زيك ياقمر ربنا يديم الود
وفعلا هى دعوه حلوه للتسامح

إبتسامة ملاك يقول...

الازهرى

ربنا يبارك فيك يارب ويسعدك

شرفتنى

إبتسامة ملاك يقول...

احمد الصعيدى

ربنا يبارك فيك

نورتنى

إبتسامة ملاك يقول...

سبايدر مان

اهلا بيك ولا يهمك
بجد نورتنى

م/ محمد صالح يقول...

اخبارك ايه اسف جدا على الغيبة الطويلة لكن كانت ظروف والحمد الله عدت انا رجعت تانى بحمله " اسمها
فكرة من كل مصرى من أجل مصر" ياريت تشاركينى فيها وكمان تنشريها انا نفسى بجد بلدنا تبقى أحسن بينا وبأفكرنا كلنا تفاصيل الموضوع موجودة فى البوست الجديد يا ريت تقرأيها

اشرف رفعت خوينس عيون بصراطية يقول...

عسل والله يايناس
ايه الرقه والكلام الجميل ده حقيقى روعه
نفسى يا عالم اصرخ وابكى نفسى يا عالم افضفض واشكى
لاكن دمعى مش مطاوعنى وبصون عزة نفسى بنفسى
مبحبش فى كلامى اشتكى من ايامى ولا اتاجر بألامى
هو الواحد مش من حقه يصرخ ولا إيه ؟
هو الواحد مش من حقه يطلع اللي جواه ؟
في ناس بتطلع ضيقها كتابة وناس بتطلعه زهق ونكد وناس بتكتم جواها لحد ما تعيا وتموت قهر وكمد .
وأنا بأة مريت بدا كله طلعت كتابة ، وطلعت ضيق وهم وزهق ، وطلعته كمان لا أقصد ما طلعتوش كتمته في صدري لحد ما كنت هموت كمدا وحزنا على شبابي ( بجد آآه يا شبابي
قول اللى نفسك ومش يهمك ربنا كريم واحن مننا كلنا
هو قادر على كل شىء

اخيك /اشرف خوينس عيون بصراطية

أحــوال الهـوي يقول...

ازيك

جيت اسلم عليكي قعدت اضحك و انسطلت

مش عارف امسك القلم و اكتب ع الكي بورد

تحياتي

تايلاند يقول...

كلمات راقية ورائعة وموفقة