الله يسامحك ياللى كنت فى يوم يوم حبيبى
الله يسامحك ياللى كان هواك قدرى و نصيبى
الغلطه كانت غلطتى من الأول
أمنت بيــــــك لعبت بيا
وقلبك أنت أتحول
الله يجازيك أعمل أيه
الله يسامحك
وأنت كمان يا أخويا تعمل كده فينا
دا أحنا مالناش غيرك بعد ربنا
أنا وأمك لينا رب كريم
ربنا يسمحك أنت كمان
أنا ليه حظى قليل فى الدنيا
ليه دايمآ الجرح بيكون نصيبى
ليييييييييييييه
تعباااااااااااااااانه
نفسى أرتاح
يارب
يارب ياحنين على عبادك
ياكريم أوووى
أرحمنى يارب
برحمتك التى وسعت كل شىء
أنت يارب منتقم جبار
قادر على كل شىء
مش خايفه غير منك أنت بس
مابقتش بحس بحاجه
حاسه إنى ميته
حاسه إنى ضايعه
حاسه إنى ضعيفه
خايفه أوووى من اللى جاى
ارحمنى يارب
.jpg)
هناك 69 تعليقًا:
يااارب..قلبى بين يديك فلاتبعده عنك ولاتحرمه منك ولاتقطعه عنك
واجعله
منك واليك الى من تكلنى... فليس لى رب الا انت
لا إله الا أنت سبحانك إنى كنت من الظااااالمين
بخاف من الزمان إللى ديماً بيفرق الأحبه
بخاف من الماضى والحاضر علشان مش عندى أمل فى المستقبل
احساس صعب اوى ومؤلم بلوم نفسى عليه
انى اعطى ثقه لحد مش يستحقها
انى اثق ف ناس واقربهم ليا
وافهمهم غلط
احساس صعب اوى لما اكتشف انى كنت غبيه اوى كدا
وان اقرب الناس ليا قدرو يخدعونى
وانى بغرق فى دوامه ومش عارفه افوق
بجد مش عارفه ايه نهايه كل دا
هفضل لامتى عايشه ومش عايشه
تايه وسط اهلى والناس اللى بحبهم
كل ما ابدا احس بالامان
احس بالرعب اكتر من الاول
كل ما ابدا اطمن القى الف حاجه تقلقنى اكتر
اهااااا يا قلبى امتى بقى هترتاح
من الظلم والجرح امتى هفوق
حاسه انى عايشه وسط ناس كتير بس مش شايفه حد
ولا سمعه غير صوت قلبى وبس هو اللى بيتكلم
يمكن لو سمعت صوت عقلى هرتاح
حاسس بيكي أوي
ومش بكتب التعليق ده عشان أواسيكي
أنا أصلاً معنديش كلام أقولهولك
لأني بمر للأسف بنفس الحالة
ربنا يرحمنا ويعافينا
اينااااس
مش تقلقينى عليكى يا قمر
خلى املك فى ربنا كبير
وان مع العسر يسر
وخلى بالك ع نفسك يا ايناس
مش ينفع كل حاجه تحصلك تتكتب فى البوست كده
ربنا يوفقك وينتقم من اللى يظلمك
ربنا معاكى ويكرمك يا ايناس وحسبى الله ونعم الوكيل
الحمد لله على كل شىء
متفكريش كتير فى اللى خدعك او ظلمك فكرى فى بكره
وشوفى ازاى هتبدئى تعيشى حياتك
فى ايه بس يا ايناس
والله انا قلبى واجعنى عليكى اوى
وحدى الله يا بنتى
احمد
مالك كدة
انا بجد قلبى وجعنى لما قريت كلامك والاغنية
حاسة ان عندك حاجات شبهى
يمكن مدخلتش عندك الا من ايام قليلة
لكن حاسة بكلامك اوى وحاسة بالمعاناة اللى باينة فى كلامك
ربنا يفرج كربك ويوفقك وياريت تطمنينا فى البوست الجاى انك كويسة
ويجعل ايامك الجاية كلها افراح
هو أنا ممكن أكون أول تعليق؟
ربنا يسامحنا كلنا
بصي لو سمعتي صوت عقلك أو قلبك لواحدهم مش هترتاحي
لازم الاتنين سوا
طول ما معاكي ربنا
متخافيش من حاجه
وافتكري ان ربنا موجود
يبقا تولع الدنيا بالي فيها
:(
ربنا يعينك شايلة كل دا جواكي
مش عارفة اقولك ايه ربنا معاكي
اصبري واطلبي من ربنا يصبرك ويعينك
قلبي معاكي ياحبيبتي
ربنا يسعدك ويوفقك يارب ويشيل عن قلبك كل هموم الدنيا
ايناس
حبيبتى وحدى الله ربنا كريم يا قلبى وحنين
حرام عليكى وجعتى قلبى وخلتينى اعيط
بجد مش شايفه قدامى
شايله كل دا فى قلبك
وكمان قفله تليفونك
بجد حرام
عاوزه اطمن عليكى يا ايناس
انا قلقانه فيكى ايه
لا حولا ولا قوة الا بالله العلى العظيم
وجعتينى اووووى
لا اله الا انت سبحانك انى كنت من الظالمين
يارب يفرج كربك ويعفو عنك
انتى طيبه يا ايناس اوووى
والطيب للاسف مالوش حظ مع اى حد
ربنا يسعدك يارب
ويعوض صبرك خير يا غاليه
هجليك الصبح اطمن عليكى
مافيش حد يستاهل اللى بتعمليه فى نفسك دا
لا اخ بينفع ولا اهل بينفعوا
متفكريش غير فى نفسك وبس
وياريت طمنينى عليكى
ايناس
بلاش تستسلمى للحاله دى انتى هتموتى نفسك كده
ايه حصل ليكى
انا تعبت من ساعة ما قريت كلامك
وبحاول اكلمك مش عارفه الفون مقفول ليه
بجد حرام عليكى كده
يارب يطمنى عليكى يارب ويبعد عنك اى مكروه او سوء
انتى غاليه علينا كلنا
وحدى الله كده وقولى يارب
كمان حطه اغنيه والله خلتينى اعيط يا انوسه
ينفع كده
متزعليش يا قطوطه
مالك يا قمر
زعلانه ليه بس
الشر بره وبعيد
انتى نسمه وملاك يا ايناس مش ينفع تكونى بالضعف دا
ربنا يفك كربك يارب ويطمنى عليكى يارب
استهدى بالله كده
وخليكى ايناس المفعمه بالحيويه والنشاط
ربنا يعزك يارب
ويبعد عنك اى سوء
وحسبى الله ونعمه الوكيل
يارب ارحمنا برحمتك يارب
خلى بالك من نفسك وهاجى تانى اطمن عليكى
السلام عليكم
هوني على نفسك واستعيني بالله ولا تيأسي ..
اذا كان هناك مخادع واحد فهناك عشرات ممن يصونون العهد ..
وتأكدي أن من خدعك هو الخاسر وانت الرابحة .. فقد خسر هو انسانة صادقة وربحت انت البعد عن مخادع ..
ورزقك الله بالصديق الصدوق ..
تخيتي
السلام عليكم
ايناس قولي الحمد لله
قدر الله وماشاء فعل
قربي قوي من ربنا اتركي قليلا الدنيا الملهية و تقربي من الله عز وجل وستعلمي قد ايه هو كريم
انصحك بكتاب مفاتيح الفرج ( لترويح القلوب وتفريج الكروب ) كتاب صغير يمكن حمله في شنطة يدك ولكنه حافل بالادعية وخصوصا دعاء الحاجة
ربنا معاكي
صباح الخير يا انوسه
ايه ياقمر بس ايه البوست اللى قطع قلبي عليكى دا
طبعا ربنا يسامحنا كلنا ويسامح اى حد غلط فيكى وفي اى حد عامة
بس يا انوسه مش لازم تبئي كدا وتعملى كدا في نفسك
كلنا قلبنا اكيد وجعنا في وقت ما وان اختلفت الاسباب بس لو وقفنا عند كل مره اتوجع فيها قلبنا مش هانعيش
هونى عليكى الامور وانتى عارفه طول ما قلوبنا بتبض اكيد هاتتوجع كل فترة دى طبيعة الدنيا
طمنينى على صحة مامتك عامله ايه دلوقتى ؟
انوسة انتى فين مش بلاقيكى حتى على الايميل خالص
ياريت الاقيكى مرة ونتكلم براحتنا
انتى وحشااااااااااانى اوى اوى
والبوست دا بصراحة قلقنى عليكى
بحبك وانتى عارفه جدا وعاوزه اشوفك مرتاحة ومبسوطة دايما
تعرفى انت قلقانه علشان بتدور على أسباب الأمان عند الناس
واناا كنت كده زمان وكنت بأخاف جدا وطول الوقت مش عارف الضربة هتيجى منين وازاى
لكن واحد علمنى انى ادور على الامان عند رب الجميع والمتحكم فى كل شىء
واعيش حياتى صح وهو كفيل انه يحمينى لو اى حد فكر يقرب منى مهما كانت سلطته او جبروته
او قربه او بعده
هتحسى انك مطمنة جدا جدا جدا مهماكان الجرح
صدقينى دى نصيحة مجرب
مالك بس يا ايناس
انا من فتره و حساكى حزينه و مكسوره
مش انتى خالص يا حبيبتى
مهما حصل لنا مش لازم نبقى بالضعف و الحزن ده
لان ببساطه مفيش حاجه تستاهل
انا قلقانه عليكى قوى و مش عارفه اقدر افيدك ازاى
ابقى ادخلى البروفايل بتاعى فى المدونه و ضيفينى فى الميل و نتكلم
ده لو مفيش مانع عندك
ربنا يطمنى عليكى يارب
مش عارفه اقولك ايه
بس ربك كريم وموجود واكيد هيكون معاكى هو اكبر واقوى من اى شئ
كلمات رائعة يا اميرة
ومؤثرة جداً
جزيتِ خيراً
تقبلي مروري
اختي الرقيقة
ايناس ربنا يكرمك
ياصاحب الهم ان الهم منفرج
أبشر بخير فإن الفارج الله
الله يجعل بعد العسر ميسرة
ضاقت فلما استحكمت حلقاتها فرجت وكنت اظنها لاتفرج
نعتقد جميعا ان الله قادر علي ان يحيل كل عذاباتنا فرحا وسرورا اليس كذلك ؟؟؟
والخير فيما اختاره الله
قد نري بعيوننا الضيقة الخير ي شئ الا ان الله يري ان الخير في شئ اخر
وما ندرك هذا الا بعد فترة
قد ابكي فترة علي شئ
وقد تطول هذه الفترة لشهور
لكن البكاء لشهور خير من البكاء باقي العمر كله فالله اعلم بالمستقبل ويقدر لنا الخير
ورزق الله واسع وكرمه عظيم
وما يفعل بعذابنا !!!!؟؟
فلنقترب اكثر من الله ونبثه اوجاعنا واحلامنا وآمالنا
نفضفض اليه ونشكو اليه
ربنا يسعدك دايما
ربنا يكرمك
ييسر لك كل امورك
ايناااااااااااااس
مااااااااااالك ايه الكلام ده الحزين اوى اللى حروفه كلها شجن واسى
بصى يا انوسه ربنا سبحانه وتعالى قال ان مع العسر يسرا يعنى فى نفس اللحظه اللى بيكون فيها حزن برضه هتلاقى جزء فيه فرحه حتى لو اكن انك انسانه مؤمنه بربنا ده فى حد ذاته فرح انك قريبه من ربنا
ادعى ربنا كتير
صلى قيام ليل
انا مش واعظه فى الدين
بس حاسه بيكى اوى اوى
ربنا يسعد قلبك
يفرح ايامك
ربنا يرضيكى بما هو مقسوم لكي
صباحك سكر زياده
ايناس الجميله
خير فيه ايه بس ؟ انت كاشفه شعرك وبتدعى على مين؟
دعوة وليه ساعة فجريه
احسن احساس انك تعيش وانت مخدوعه وانت عارفه انك مخدوعه وعشان بتحبى الناس مطنشه ومستحمله وعايشه انك مخدوعه
بس فى الاخر بيتضح انك انت اللى صح وهما المخدوعين
هى الدنيا كده ياانوس
لو اعطت باليمين بتاخد اضعاف بالشمال
وبعدين انت قويه ياايناس وصحيح " ياجبل مايهدك ريح"
ربنا يوفقك ويكرمك
وبفكرك بالبوست بتاعى " وقفه ثم نستكمل المسير"
يارب ديما تكونى بخير
وربنا يرزقك باللى ينور لك بصيرتك
تحياتى
معلش يا ايناس
ربنا كريم
وان شاء الله يعوضك خير
ابقي طمنينيى عليكي
سلامتك من الجرح
الحبيب الخاين مايتزعلش عليه
اما الاخ مصيره يرجع
تحياتى
ربنا يفك كربك ويفرج همك ويبدل خوفك أمنا وسعادة وراحة بال اللهم امين
مش عارف اقول ايه
لان الاحساس ده صعب
و اكيد كلنا مجربينه
المهم اننا نفوق بعدها و باسرع ما يمكن
ليـــــــــــــــــتة كل دا
أنوش صاحبة المشاعر الدافئة
يمتلكها كل الحزن دة لية
صدقنى مفيش حد فى الدنيا يستاهل كل دا
ألجىء لربنا وصدقنى هيكرمك مهما حصل
ليـــــــــــــــــتة كل دا
أنوش صاحبة المشاعر الدافئة
يمتلكها كل الحزن دة لية
صدقنى مفيش حد فى الدنيا يستاهل كل دا
ألجىء لربنا وصدقنى هيكرمك مهما حصل
ليـــــــــــــــــتة كل دا
أنوش صاحبة المشاعر الدافئة
يمتلكها كل الحزن دة لية
صدقنى مفيش حد فى الدنيا يستاهل كل دا
ألجىء لربنا وصدقنى هيكرمك مهما حصل
الاستعانة بالله هي الحل
كل شىء هالك الا وجهه الكريم
ثقي في الله فقط واحسني مابينك وبين الله يحسن الله بينك وبين الناس
تقبلي مرورى
وارجو التواصل
لا حول ولا قوة الا بالله
البوست صعب جدا من كلماته فما بالك فى الاحساس والمرارة بكل ما فيه
ربنا يسعدك ان شاء الله
هو نعم المولى ونعم النصير
تحياتى
ربنا يطمن قلبك و يريح قلبيك و يقويكي و يبعد عنك كل سوء ياااارب ا شاء الله
مش تقولي يا بد قولي ياااااارب
صدقيني هترتاحي اذكري ربنا هتهدي
اسمعي قران هترتاحي
لي و ادعي ف صلاك
اذا سالك عبادي عني فاني قريب اجيب دعوة الداعي اذا دعاني
صدق الله العظيم
صدقيني قولي يااااارب و مش هتحسي باي الم لان ربنا هيفرج كربك ان شاء الله
وجعالى قلبى انتى اصلا لمة شوفت بس العنوان
مابلك بقى البوست
وتعليقاتك دى!!!!
مش لاقية كلام غير ادعيلك
ربنا يفرحك ومايحزنك تانى ابدااا
ياااااااااارب
انتى انفعالاتك غريبة اوى
وحاسس انها مسيطرة عليكى جدا
بس هقولك كلمة ممكن اوى تكونى عارفها
كل كبير فى الاكبر منه
ومهما كانت همومك كبيرة الله اكبر
يارب تكون اخر همومك
وتكون باقي حياتك سعادة وهنا يارب
هونى على نفسك
وقربى لربنا وادعيه هو أحن على عباده
يارب يهون عليكى اللى انتى حساه دلوقتى
انا كتير بحس ان احساسك بيسيطر عليكى
وبيكون اقوى منك
خدى بالك ان مهما كانت همومك كبيرة
اللـــــــــــه اكــــبر
وفقك الله لما يحبه ويرضاه
وصرف عنك الهموم
وابدلها سعادة لا تزول
ايناس
حاسس ان الكلام ده فضفضة مع النفس
و المعاني كلها بنفس اللون
لا تفقدي الاحساس بلاخرين لا تفقدي الايمان بنفسك مهما حصل
اذا اسأنا الاختيار او اعطينا الثقة لمن لا يستحق فلا بد ان ننظر الي الجانب المشرق اننا كنا اوفياء و اصحاب خلق و و قضل
اختي الغاليه
ان نكون طيبين افضل الف مرة ان نكون اشرارا
ارفقي بنفسك و هوني عليها فهي نفس رقيقة عاطفية و صادقة
تحياتي
السلام عليكم
ما حدث لكِ هو قدر ونصيب
ولكن كان المفروض إنى أكون
أووول تعليق
لذلك أنا أيضاً أتظلم منك
وفك الله كربك
خالص تقديرى
السلام عليكم رحمه الله وبركاته
اسال الله ان يوفقك لكل مايحبه ويرضاهويبعد عنك الاحزان فلن تجدى ودوود الا الله فاشكى له همك فى جوف الليل وستفاجئى بالفرج والسعاده
نتمنى زيارتكم لنافى الرابطه نصره للمسجد الاقصى
اخوانكم فى رابطه هويتى اسلاميه
حبيتبى انوسه
ماالك يا قمر
محبش اشوفك كده
وبعدين انا شم حاسه انك ضعيفه ابدا بالعكس انا شايفه انك بقيتى اقوى من الاول
توكلى على الله هو حسبك
وادعى ربنا انه ييسرلك امرك ويسهل لك كل صعب ويبعد عنك كل شر ويقربك منك الخير
مش تضايقى ابدا ولا تخافى من الللى جاى
لانه بايد ربنا
وربنا مش هيضيعك
خلى ظنك بالله كبير حبيبتى
اموااااااااااااه
بحبك اوى
حد يبقى عنده صاحبه واخت اسمها ريمان ويزعل؟
بموت فيكى يا انوس
حبيبتى إيناس إيه ياغالي مالك
كل ده
ياخبر روقي روقي
بس الأخ بيزعل أخته إزاى وحتى لو زعلها أكيد من ورا قلبه
وليه ياغالي حظك قليل ربنا يحميكى
ويفرج عنك كربك
وترجع إبتسامة أغلي ملاك
طمنينى عليكى ياقمر
ليه بس كده ؟؟؟؟
و مين بس اللي يقدر يسيب ملاك كده ؟
على اي حال .. معلش .. أكيد ده الخير .. و صدقيني هتستمر الحياه .. و شويه و هتنسي و تبقا مجرد ذكرى ..
الألم شيء ايجابي بيخلينا نحس بنعمة الأشياء .. لكن مينفعش نسيبه يتملك مننا .. لازم نبص قدامنا و نعيش حياتنا .. صح ولا ايه ؟
زوريني هنا و يا رت نبقا اخوات .. اتشرف بيكي .. بس متتريقيش عليا .. انا لسه مبتدئ تدوين
http://ahmedabdulmohsin.blogspot.com/
مستنيكي :)
ربنا يخفف عنك يا حبيبتى ويارب يفرج كربك وهمك وما تزعليش مفيش حد فى الدنيا بيعيش سعيد على طول ولا تعيس على طول ولا فى حد الدنيا ما داستش عليه ووجعته ربنا يكرمك ويخفف عنك يارررررررررررررررررب
بعد السلام عليكم
هذه اول مرة ادخل مدونتكم الجميلة
فأذا بى احس اننى القيت بنفسى فى شلال مشاعر عذبة جميلة .
.................................
وبعد فمن تعرف أن الله عزوجل موجود ومطلع عليها وبيده جل وعلا امرها كلة
فلا يحق لها ان تكون ضعف او خائف ..
بل هى قوية بمقدار قوة ايمانها بالله
.................................
واخيرا احب اسجل اعجابى بمدونتك الجميلةالنابضة بالحياة
سبيها لله يا إيناس
وإرمى حمولك عليه
وإن شاء الله قادر يفرج عنك وما أصاب مسلم من وصب ولا نصب ولا هم ولا غم حتى الشوكه يشاكها أو كما قال رسول الله صلى الله عليه وسلم إلا وتخط عنه من خطاياه
اصبرى واحتسبى وإعلمى أنه قضاء الله وما ابتلاك الا لأنه يحبك يريد ان يسمع صوتك وإحمدى الله على كل حال وأكثرى من الإستغفار
قال الله تعالى :
"فقلت استغفروا ربكم إنه كان غفاراً يرسل السماء عليكم مدرَاراً ويمددكم بأموال وبنين ويجعل لكم جنات ويجعل لكم انهاراً"
قال الرسول صلى الله عليه وسلم :-
(من أكثر الإستغفار جعل الله له من كل هم فرجا ومن كل ضيق مخرجا و رزقه من حيث لا يحتسب)
المهم كمان تتعلمى من الى بتمرى بيه
ربنا يفرح قلبك يارب ويسعدك ويخلفك خيرا ويفرج عنك ويراضيكى بقضائه
بصدق كلماتك وصل احساسك
بتمنالك كل خير : ،، ايناس ،::
وتأكدي مش فيهـ مشكلهـ مش لها حل
وهي دنيا واحده بنعشهاوالزمن مش بيقف لفرح حد ولا حزن حد
والدنيا مش ع كيف حد فيها الفرح والحزن
ان شاء الله بتكوني انسانهـ قويهـ ع احزانكـ
وأن شاء الله بنسمعـ عنك انك تكوني دايماً سعيدهـ
دومتي بخير
خالص تحياتي ,,
مرحبا..
الظاهر جيت في وقت عصيب عليكي..
مو متأكد ان كان البوست تعبير لوضع تعايشينه..
ان كان كذلك اتمنى ان تكون سحابة صيف وتعدي.. ودعواتي لك..
استشعر حزن عميق بداخلك.. مدري.. بس اوصيكي بالصلاه والدعاء..
وتذكري زي ماتروح الافراح تروح الاحزان..
وما بعد الكرب الا الفرج..
كوني متفائلة وطمنينا.. تحية ومودة..
ربنا سبحانه وتعالى يا ملاكي الارضي لا يحب أن نقول له : ليه يارب حظي قليل ؟ ليه يارب ؟ليه يارب...ربنا يحب اللي يقول الحمدلله على كل حال واللي يستغفره كتير .خلي لسانك رطب بالستغفار يا أنوسة وحتلاقي رحمته وسعت كل شيء...اقتربي من أبواب الله تعالى ...وصلني من فترة ماسيج عالموبايل بيقول إيه؟
قال الحسن البصري رحمه الله :
تفقدوا الحلاوة في الصلاة وفي القرآن وفي الذكر فإن وجدتموها فابشروا و أملوا ، و إن لم تجدوها فاعلموا أن الباب مغلق ...
أنا بقى باقول أن أبواب رحمة ربنا عمرها ما بتكون مغلقه ..إحنا اللي بنقفلها على أنفسنا ولو وقفنا عند أعتابه سنجد رحمة وهداية وسكينة ونور على نور .....ربي يهديكي ويهدي لك نفسك يا جميلة القلب ...تحياتي
يابنتي والله ربنا ما في اكرم منه ولا لينا غيره الدنيا بئت ولايا عشان مفيش رجاله ولاتنكدي على نفسك انتي ب100 راجل اصلا بلاقرف
وحشاني
ازيك ياانوسه
بصى ياقمر مفيش حد هيحس بينا قد ربنا عشان كده الجاى له وادعيه وصدقينى عمره ماهيخذلك حتى لو البشر خذلك
هو اللى قادر انه يحول همك فرح
وحزنك سعاده وماتخافيش من بكره مادام معاكى ربنا
ربنا يوفقك ويسعدك ويزيل همك يااااارب
ووحشتينى اوووووى
ايه ياايناس مالك بس :(
ربنا يريح قلبك يارب ويسعدك ويفرج كربك باذن الله
ايناس اتكلمى مع وفضفضى مع حد تثقى فيه وخدى رايه يمكن يساعدك فى حل مشاكلك
ايه ياجميل اخبارك ايه ؟ طمنينى عليكى
يارب تكون بخير
كلمات جميلة ومعبرة..
مدونة معبرة وحلوة..
تحياتي لك
خير فينك
ربنا يسعدك
أنوش الجميل ليه بس كده
زعلتينى وربنا معلشى انا مش متابعك من فتره بس شدى حيلك وحظك فى الدنيا حلو وربنا معاكى..
سورى انا دخلت خلسه كده بس هرجع عشان اواسيكى اول ما افضى
سلام مؤقت يا قمر واوعى تيأسى من رحمه ربنا
ازيك ايناس
اخبارك اية
ربنا يرحمنا يرحمتة ليس لنا سواة
ربنا يوفقك ويكرمك
مع خالص تحياتى
أختى ربنا يفرج كربك
ويصلحلك أحوالك و ينتقم من كل من
ظلمك مدونتك جميلة
تحياتى
:( ليش كذا انا هذة اول زيارة
لي هنا ؟؟ بجد خلتيني ادمع !!
شوووي وابكي :( ...
مش عارفة اقول ايه ؟؟
اقول لك مثل ان ربنا اذا احب
عبداابتلاه وربنا بيحبك حبيبتي !!
أقووول لك ان هذا حال الدنيا
واقول لك انك مش غبية انت انسانه
ومش اى انسانه انسانه بريئه جدا
انا عايزاكي ترتاحي وعشان ترتاحي
روحي لله صلى ركعتين وادعي وابكي بين
يديه بترتاحي خذيها من مجربة !!
شفاكي الله و حماكي وخفف كل كربتك
وانار لك دربك يارب .... صلي
حبيبتي وبترتاحي ... وانا موجوده ان
احتجت لي راسليني ... بحبك في الله
اعتن بحالك اختي ,,
ومش عايزة اشوفك من ثاني بتكلمي نفسك اوعي !!
قبلاتي ^_^
مش عارفة اقولك ايه بس اللى يبعك بيعه ومتبقاش عليه
ربنا احن وارحم من الكل وهو وحده عالم وشايف كل حاجة وهو المنتقم الجبار
ياخد حق كل مظلوم
تحياتى
ومتزعليش ابدا فى رب كريم
إرسال تعليق