الحب الحلال

الحب الحلال

الجمعة، 4 فبراير 2011

على أسم مصر


على اسم مصر التاريخ يقدر يقول ما شاء

أنا مصر عندي أحب وأجمل الأشياء

بحبها وهي مالكة الأرض شرق وغرب

وبحبها وهي مرمية جريحة حرب

بحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب

وتبقى هي ف درب وتلتفت تلاقيني جنبها في الكرب

والنبض ينفض عروقي بألف نغمة وضرب

على اسم مصرمصر النسيم في الليالي

وبياعين الفل ومرايه بهتانة ع القهوة

.. أزورها ..

واطل ألاقى النديم طل من مطرح منا طليت

والقاها برواز معلق عندنا في البيت

فيه القمر مصطفى كامل حبيب الكل

المصري باشا بشواربه اللي ما عرفوا الذل

ومصر فوق في الفراندة واسمها جولييت

ولما جيت بعد روميو بربع قرن بكيت

ومسحت دموعي في كمي ومن ساعتها وعيت

على اسم مصرأنا اللي اسمي حتحـور ..

أنا بنت رع مثـال الأمـومـة ورمـز الحـنـان

تفـيض حـلمـاتي وتمـلا الـتـرع وتسـقـي البـشـر كلهـم

والغـيـطان نهايته يا مصر اللي كانت أصبحت وخلاص

تمثال بديع وانفه في الطين غاص

وناس من البدو شدوا عليه حبال الخيش

والقرص رع العظيم بقى صاج خبيز للعيش

وساق محارب قديم مبتورة ف أبو قرقاص

ما تعرف اللي بترها سيف والا رصاص

والا الخراب اللي صاب عقل البلد بالطيش

قال ابن خلدون أمم متفسخة تعيش ليش

وحصان صهل صحى جميع الجيش

على اسم مصرالنخل في العالي والنيل ماشي طوالي

معكوسة فيه الصـور .. مقلوبة وانا مالي

يا ولاد أنا ف حالي زي النقش في العواميد

زي الهلال اللي فوق مدنة بنوها عبيد

وزي باقي العبيد باجري على عيالي

باجري وخطوي وئيد من تقل أحمالي محنيه قامتي ..

وهامتي كأن فيها حديد

وعينيا رمل العريش فيها وملح

رشيد لكني بافتحها زي اللي اتولدت من جديد

على اسم مصرمصر ..

التلات أحرف الساكنة اللي شاحنة ضجيج

زوم الهوا وطقش موج البحر لما يهيجوعجيج

حوافر خيول بتجر زغروطة حزمة نغم صعب داخلة مسامعي

مقروطة في مسامي مضغوطه مع دمي لها تعاريج

ترع وقنوات سقت من جسمي كل نسيج

وجميع خيوط النسيج على نبرة مربوطة أسمعها مهموسة

والا أسمعها مشخوطة شبكة رادار قلبي جوه ضلوعي مضبوطة

على اسم مصر وترن من تاني نفس النبرة في وداني

ومؤشر الفرحة يتحرك في وجداني

وأغاني واحشاني باتذكرها ما لهاش عد

فيه شيء حصل أو بيحصل أو حيحصل جد

أو ربما الأمر حالة وجد واخداني

انا اللي ياما الهوى جابني ووداني

وكلام على لساني جاني لابد أقوله

لحد القمح ليه اسمه قمح اليوم وأمس وغدو

مصر يحرم عليها ..

والجدال يشتد على اسم مصر

هناك 12 تعليقًا:

مدونة رحلة حياه يقول...

من شعب مصر
خلى الدنيا تتعلم
ازاى تعيش حرة قوية وتعلم
ايدين تمسح دموع الكل وتسلم
على كل ايد محتاج يعيش لا يتألم
من شعب مصر

khalid almuzaiqer يقول...

كلمات رائعة وأحساسيس عبرت عما بداخلك أخت إيناس وهذا شي جميل إنه الشخص ما يكتم ويطلع اللي بقلبه ويبجي ويطلع دموعه
مصر أم الدنيا مصر يعز علينا نشوفك وابنائك مختلفين في تمزق وتشتيت
تعرفي أخت إيناس أنا كنت حاب تكون ثورة بس مش بالشكل ده كنت حاب تكون سلمية بدون حدوث اللي حصل والله شي يقطع القلب والأعداء والعذال ياما فرحوا ويفرحوا بكل شي يصير بالعرب
الله يكون بعونك يامصر ويلم شمل أبنائك وينصر كل مظلوم على الظالم
تقبلي مروري المتواضع أخت إيناس
ودمتي دائماً الأخت العزيزة والغالية في قلب كل اللي يحبك
مدونة عالم الحب

mrmr يقول...

ازيك يا ايناس
يارب تكونى بخير
كلنا كده منقوشين على تراب مصر
ربنا يحمى مصر وشعبها ويعدى الفتره اللى جايه بخير وسلام
ويرجع الامان والاستقرار من تانى
يارب احميها
امين

الــحــــنـــــــــــــــــــين يقول...

الله بجد على الكلام والقصيدة فعلا مصر اجمل الاشياء بجد من زمان مقرتش القصيده دى مجهود جميل منك بجد يا ايناس يا اجمل الاشياء تقبلى مرورى

د.ريان يقول...

صباحكم خير إيناس

ومدونة جميلة جدا وراقية

لكم أرق تحية وتقدير

الشاعر الفنان أحمد فتحى فؤاد يقول...

نبع الغرام

تسلم ايديكي

ربنا يحمي مصر و يحفظها من كل شر

امين يا رب العالمين

دمتي بخير

تحياتي و تقديري

Ms Venus يقول...

ياارب احمى مصر يااارب

فاروق سحير ( فاروق بن النيل ) يقول...

إينــــــــــــــــــــــــــــاس
هكذا بدأ تساقط النظام مثل قطع الدومينو .... وظهرت لدينا فئات المصريون منهم المخلص منهم السلبى منهم المنافق منهم الفاسد منهم القاتل منهم المجرم ....حتى لفنانون : سماح أنور قالت: لو كان المتظاهرون بميدان التحرير مليون إحرقوهم كلهم فريدة سيف النصر قالت: لانقبل أن تفرض علينا أمريكا إختيار الرئيس لمصر نحن الذى نختاره ويجب على الشباب أن يعودوا وسوف ننزل وناخدهم فى أحضاننا ونخرج بهم سالمين. حاتم ذوالفقار ضد سقوط الرئيس فهو كما يقول رمزنا بطل أكتوبرحسام حسن مدرب الزمالك وحسن شحاته وربما معظم الرياضيين ضد الثورة .محمد رفاعة الطهطاوى المتحدث الرسمى للأزهر الشريف إستقال الآن وإنضم إلى الشباب وقال : أنا مع الثورة حتى آخر قطرة من دمى .الأمين العام لجامعة الدول العربية عمرو موسى نزل إلى ميدان التحريروأخذ يهدئ الشباب وأن مايطالبون به هو حقهم وطلب منهم إنهاء الإعتصام .. الصحفى عماد أديب للأسف من أمس واليوم بدأ يدعى أن الإخوان المسلمون يقودون هؤلاء الشباب الآن ويجب على الشباب أن يعودوا إلى حياتهم العادية وعندما ناقشته مذيعة الـ. B.B.C بأن مندوبين عن هؤلاء الشباب أعلنوا منذ لحظة أن المسيحيون مع الملتحون المحجبة مع المنقبة مع العادية وأنا شخصيا علمانى(هذا ماقاله شاب مع المعتصمين) وأن الشباب منذاللحظة الأولى غير مسيسين أو دينيون كما أفادوا وأفادت بذلك جميع وسائل الإعلام فإحتد عليها وغضب ورد بشدة أنا لا أتناقش معك أنا أنقل ماسمعته من شباب ...قال د/ أحمد زويل إن هؤلاء الشباب نموذج رائع للديمقراطية وقد رفعوا رأسى عاليا أمام أعظم الديمقراطيات بالعالم لهذا الرقى والعظمة وإننى أدعوا الرئيس مبارك للتنحى عن السلطة تنفيذالرغبة هؤلاء الثائرين ..د/ أحمد عكاشة الطبيب النفسى ورئيس جمعية الطب النفسى للعالم يقول : يجب أن نمشى وراء هؤلاء الشباب إن ثورتهم هى أول ثورة فى العالم للإنترنيت والتى ستغير أخلاق المصريين كلهم الفنان عمار الشريعى إنتقد بشدة الحزب الوطنى وتصرفاته ووزير الداخلية السابق / حبيب العادلى ويجب محاكمته وإنتقد تفاهة وكذب التليفزيون المصرى والإذاعات المصرية وطلب من الرئيس الإنصياع لهؤلاء الشباب والتنحى وذلك بإتصاله بالعاشرة مساء يوم الإثنين 31 يناير 2011 ثم إستضافته منى الشاذلى يوم الأربعاء 2يناير 2011م فقال نفس الكلام ومن خيابة الإعلام المصرى إتصلوا بعمار الشريعى ليقول رأيه وحاول المذيع أن يفرض رأيه عليه فرد : ماجئت لأقول ماتريد أقول فقط رأيى فيما تعلنوه وماتصورة من حقائق مكذوبة تكلمت عنها جميع وسائل الإعلام العربية والأجنبية تسيئ إليكم كإعلاميين وفى يوم الجمعة 4يناير 2011م ( جمعة الرحيل)الساعة الثالثة صباحا قال مذيع القناة الإخبارية المصرية ( نايل نيوز)تم منذ قليل خروج جميع المحتجين من ميدان التحرير ليكونوا حزبا سياسيا يتفاعل ويتحاور مع الحكومة الجديدة وعندما نقلت للجزيرة( على قناة المستقلة) أفاد بعض الشباب من ميدان التحرير : أن ماتقوله وسائل الإعلام المصرية كاذب وقالت فتاة أيضا : هم يتصورون أننا بلاقضية لن نترك مكاننا إلا برحيل مبارك أو نموت هنا والسبب أنه نظام كاذب قاهر ظالم كل يوم يستخدمون البلطجية ضدناوهو بهذايقول مالا يفعل ..خالدأبو النجا تيسير فهمى .... كانوامع الشباب لحظة بلحظة دكتور صفوت حجازى حملناه على الأعناق وهو يهتف مع الشباب وكذا دكتور محمد سليم العوا ... علاء الأسوانى .......
إن شاء الله فات الكثير لم يبقى إلا القليل ربنا يحقق باقى أحلامنا

miroooo يقول...

بجد يا انوسه تسلم ايديكى
الكلمات جميله جدا
بجد احنا بنحبها اوى وحسينا انها غاليه علينا وخصوصا فى الفترة دى احنا معرفناش قيمتها غير لما حسينا انها ممكن تضيع مننا بس ان شاء الله ربنا حاميها وهيعدينا من المرحلة اللى احنا فيها على خير
تحياتى

اللى موش عارف يتغير يقول...

فعلا
عندما نستبدل معنى التاريخ بكلمة ستكون
مـــــــــصر

محمد التركى يقول...

السلامو عليكم

انوسه
وحشتينى بجد اخبارك ايه
يارب تكونى بخير

ربنا يارب يحرس مصر من كل شر ويتمم عرقنا وتعبنا على خير
وميضعش دم شهدائنا على الارض هدر
يااااارب

شفتى اخر رساله على الوضع الحالى
اضحكك شويه
أفلام جيل الثوره 2011
أبى فوق الدبابه
عوده النت
المسدس والاجنده
الرصاصه المطاطيه لاتزال فى جيبى
فى بيتنا بلطجيه
كيف تصرف العفريت
جاءنا الرئيس التالى
نحنو لا نرمى المولوتوف
مهمه فى ميدان التحرير
الريس عمر سليمان
حراميه فى لندن
البحث عن دستور
وأخيرآ.....
ليله القبض على عز

أتمنى ليكى مشاهده مضحكه

تحياتى
محمـــد التركـــى

فاروق سحير ( فاروق بن النيل ) يقول...

إيناس العزيزة الغالية........
الله الله على الملحمة الجميلة اللى بتحكى تاريخ مصر كله بتصويرات بورتيرات جميلة ببيتك زكأنك بقصر عابدين أو بالمتحف المصرى أو بقلعة قايتباى وكأنك أخذتينى من إيدى وزورتينى كل أماكن مصر لأرى تاريخها رائعة ياإيناس كان فين من زمان الإبداع ده
آسف إنى إتأخرت بالتعليق كنت مشغول شوية اليومين اللى فاتت شكرا لكى