جانى تاج من زوجه عنيده

جانى تاج هديه
أنا جانى من زوجه عنيده تاج هديه بصراحه أحنا لسه أصحاب جداد
وبجد بحبها قوووى وكمان سمعت انها مش هدون لفتره الله اعلم متى
تعود إلينا
وبجد حسيت بكلماتهاأنه أحساس حى بنعيشه فى المجتمع وبجد انا
سعيده بها قوووووووووووى وبحبها قوى وهتوحشنى قوى قوى

المهم
أسمك ؟
عاشقة الأحزان
المشهور بيه وسط أصحابك ؟
نوسه أو أنوس
سنك ؟
30
مجال دراستك ؟
حاصله على دبلوم المدارس الفنيه المتقدمه نظام الخمس سنوات
أسم مدونتك ؟
عاشقة الأحـــــــــ إيناس ـــــــــزان
صورتك الرمزيه فى المدونه بتعبر عن أيه ؟
عن صورة فتاة حبت بضمير وكان نهاية حبها الفشل والحزن
هل فكرت بإغلاق المدونه ؟ والسبب ؟
لالالا طبعآ لنى لسه جديده بالتدوين
إيه رد فعلك لوحد قل أدبه فى تعليق ؟
طبعآ وبدون تفكير هحذف التعليق
أسوأ مدونه ؟
بصراحه ما شوفتش لحد دلوقتى
هيحصل أيه للأيميل بعد ما تموت ؟
أكيد هيموت معايا
أديتى الباسورد لحد قبل كده؟
أه أختى وصديقتى الصغيره ساره صاحبت مدونة ما بعد الغروب
لأنى بصراحه بثق فيها قووى وبحبها لدرجه كبيره فوق الوصف
المود بتاعك أيه ؟
عصبيه قووى
متقلبه
بس حساسه قووى وأقل كلمه ترضينى
بتعملى أيه فى أوقات فراغك ؟
بصراحه أنا ماعنديش أوقات فراغ
لأنى بشتغل الصبح موظفه وبرجع بعد الظهر
عندى شغل إضافى فى مكتب سياحه وبرجع
بليل بفتح الكومبيوتر شويه كده وأنام وهكذا ..
الأكله المفضله ؟
طبعآ الأسماك بجميع أنواعها
والمكرونه بالبشمل
الصفات التى اخذتها من والدك؟
الأعتماد على النفس وأكون صريحه بحياتى

الصفات اللى اخدتها من والداتك ؟
الطيبه وحب الناس وعمل الخير دون تفكير
أكتر ست حاجات بتكرهم ؟
الكدب : لأنى مش بحبه
الخيانه : لأنى ذقتها من أعز إنسان
الظلم : لأنى أتظلمت كتير قووووى
البخل : لأنى كريمه قووى
الغدر : لأنه صعب
الفراق : لأنه بيوجع قوى
أكتر ست حاجات بتحبهم ؟
معلهش هما مش سته أكتر شويه ولاذم أقولهم عشان
أنا بحبهم قووى
أولا : ساره أختى وحبيبتى أو غروب صاحبة مدونة ما بعد الغروب
وهى السبب إن المدونه توصل ليكم بالشكل الجميل الذى أعجبكم

وطبعآ مروه صاحبتى

ومى صاحبتى
وثانيآ : الصفات دى لأنى بحبها ويارب تعجبكم
أروع كلمة هي كلمة تستشعر من خلالها بأن روحك خاشعة ودمعتك هادرة على وجنتيك وتقولها بيد مرفوعة:(يــــــــــــــا رب)

أحن كلمة تسمعها تنبعث منها المحبة وصدق الاحساس الذي لا تجده بمكان آخر عندما تخرج تلامس كل حنان العالم:(أمـــي)

أقرب كلمة إلى قلبك هي ما تداعب قلبك بكل صدق وتشعربقرب الدفء والمشاعر عند قولها وسماعها هي:(أخـــتي / أخــــي)

أطول كلمة يصل مداها إلى أبعد الحدود ومهما تطول صداها يدوي بالأرض والسماء ولا أصدق شيء منها لأنها تنبع من قلب صادق:(أشهد أن لا إله إلا الله)

أصعب لحظة عندما تسمع عن إنسان تحبه مريض ويحتاجك ولا تستطيع قربه وتقف بيد مكتوفة دون حيلة، ولا بلسانك كلمة سوى:(الله يشـــفيه)

أحزن لحظة رؤيتك لمن أحببتهم عاجزين بعد نشاط وجولان وانطلاقة اللسان وصدق المشاعر ولا تقول إلا:(الله كـــريــم)

أسوأ لحظة تكون بفرح وسعادة وتتبادل الابتسامات والكلمات وتسمع بخبر وفاة قريب من قلبك فلا تجد إلا دمعة حارقة وكلمة:(رحمـــــــه الله )

أشد كلمة عندما تحب بإخلاص وتعطي كل حبك وتقدم كل مشاعرك وتهب قلبك لشخص ما وبلحظة دون مقدمات يبعد بظهره عنك ويلتفت قائلا:(الله معــــــك)

أجمل احساس عندما تعيش لفترة تعشق إنسان وعندما تصادف عينك بعينه تجده يقول لك:(أحـــــبك)

شخصيتك نوعها أيه ؟
بيقولو عليا عصبيه وعنيدة قووى وباخد القرار من غير تفكير وممكن
أخسر أى حد بسرعه بسبب عصبيتى
لماذا دخلت عالم التدوين من الاساس ؟
بصراحه وبدون كدب لما أنجرحت وأتهنت من أعز الناس
كان نفسى قوى حد يسمعنى ويفهمنى
وإن حد يكون جنبى فى محنتى بعد ربنا سبحانه وتعالى
أحلى جمله قيلت فى وصف مدونتك ؟
بصراحه لحد الوقتى كله كويس
أهمية التعليقات بالنسبه لك ؟
هى اللى بتخلينى أشعر بكيانى وسط الناس
والحمد لله برتاح قووى رغم الحزن الكبير
اللى جوايا
احلى بوست كتبته؟ضع اللينك بتاعه؟
أصعب حب
http://asheqatelahzan.blogspot.com/2009/03/blog-post_22.html
أفضل مدونه قرأتها ؟
بصراحه كل اللى قبلتهم كويسين مش حد معين
أفضل بوست قرأتيها ؟
هما بصراحه تلاته
غروب :::::::::::: الخيانه
http://afteursunset.blogspot.com/2009/03/blog-post_31.html
أصحى يامصر ... إسلام اديو وطروووووووووووق التلات أجزاء
فشكوووول دوت كوم :: فشكول يافشكول بالكتوارى حنقول
مملكة الزمن الجميل :: يا ريتنى كنت عشت لحظه فى حضنها
الشغل بالنسبه لك أيه ؟
حياتى وبيحقق ذاتى
الأنترنت بالنسبه لك أيه ؟
متعه وثقافه كبيره مالهاش حدود
تمرر التاج ده لمين ؟
غروب
ريمان
مملكة الزمن الجميل
أصحى يا مصر
Fashkool

كان نفسى اديه لناس كتير بس فى ناس رحلهم قبلى وناس كتير هيرحلهم من

بعتلهم:)
اللى انا ·

عاشقة ا لأحـــــــــــزان