الحب الحلال

الحب الحلال

الخميس، 7 مايو 2009

هغيب عنكم يا أغلى الناس


السلام عليكم ورحمة الله و بركاتة

اخواتى واصدقائى بجد هتوحشونى قوى الشوية دول اللى هبعد فيهما عنكم

بس باذن الله مش هتأخر عليكم وهرجع بسرعة قوى لأن مقدرش أبعد عن احلى واجمل اصحاب

واجمل مدونات


إدعولى بس من قلوبكم الجميله النقيه الشفافه إنى أكون كويسه بسرعه
بجد محتاجه دعائكم ليا قووى انا تعبت بجد والله مخنوقه ومش طايقه نفسى


والله شكلى اتغير من كتر الزعل والعياط


أنا مش عارفه أقول أية ولا أية أنا مخنوقه قوي من نفسي
حهرب من كــل حاجة...
حهرب لدنيــا بعيــده أوي...
محدش يسأل عني...كفــايه اللي عشتو وشفتو
سيبوني أشــوف حيــاتي لوحدي...
يمكن أحقق حاجة من اللى عيزاهــا.
.أنا تعبت قووووى..واتحملت كتــير..خلاص بقى..لغــاية هنــا وكفــايه.
.أنا أســـفه لكل حد جرحتو...أو في يوم زعلتو...
*ســــــــــامحوني*..



وياااااارب ارجع اشوفكم كلكم بخير و سلامه


هناك 47 تعليقًا:

سارة احمد يقول...

يااااااااارب تحققي كل الي نفسك في قادر ياكريم....ربنا معاكي ويقويكي ويبعد عنك الشر...ويصلحك مع الناس ومع نفسك...كان نفسي يكون حالك احسن جايز كنا قدرنا نبقي صاحب...نفسي اخفف عنك همك...عماتا لما تفوقي وتحسي انك عايزه حد يخفف عنك ويشركك همك قوليلي جايز اقدر اعمل حاجه...

Lady E يقول...

لااااااااا والف لاااااااااا

تغيبي ايه بس متهربيش الهروب مش حل

وبعدين احنا مش اتفقنا نعيط سوى انا وانتي وكيكي

بصي بقى كده مش هينفع ياريت تبعتيلي ايميلك على مدونتي ومتقلقيش مش هنشر الكومنت بتاعتك

ربنا يفك كربك ويسعدك ويروق بالك

بجبك في الله بجد وزعلتيني لما شوفت البوست

Ruhul Qalam يقول...

أول تعليق

والله احساسك قوي جدا بارك الله فيك يا ايناس

بصدق اقوللك إنك تستحقين أسمى صداقة وأحلاها

تحياتي
أشرف من ماليزيا وأدعوك إلى مدونتي المتواضعة

gogo!sf يقول...

ايه يا بنتى ده ربنا يبعد عنك الخنقه والزعل يارب
يعنى اول زيارة ليا القيكى مش طيقه نفسك كده ينفع
ده حتى فشكول سألنى ان عاشقه الاحزان جوجو هى عاشقه الاحزان ايناس وطلب منى الرد عشان اللخبطه فقولت لازم اجى ازورك بما اننا بنعشق الحزن زى بعض


بصى يا انوس متحاوليش تستسلمى للى انتى فيه عشان لو استسلمتى هتتعبى اكتر وهتدخلى فى حاله اكتئاب وما بعد الاكتئاب اسئلينى انا
وصدقينى حالتك ده بنمر بيها كلنا
ربنا يعدى ازمتك النفسيه على خير يارب ويبعد عنك الحزن والزعل

معلش طولت عليكى

تقبلى مرورى
عاشقه الاحزان (2)
جوجو

القلب الحزين يقول...

السلام عليكم ورحمة الله وبركاته

أية التغير دة ونهون عليكي

ربنا يزيح عنك يارب ومتتاخريش علينا

مع أني واثق متقدريش تتخلي عن صحابك

وأهلك وناسك الا بيحبوكي وتحبيهم

كل الود والأحترام والتقدير

يوسف

أحمد الصعيدي يقول...

السلام عليكم ورحمة الله
ازيك ايناس

لم نعتد نبرة الحزة التي تؤدي إلي الرحيل انما المدونات نافذة تتبدي بيها أحزانك ..وأتمني أن تكوني بكل خير وأن يبد الله ألامك فرحا وأحزانك عطر

يا سيدتي اقبلي علي الدنيا برضاء الله فما لك فيها إلا ماقدره الله وأعلمي أن ما أصابك ماكان ليخطأك وما أخطأك ما كان ليصيبك فلا تحملي علي كاهلك كل هذا الحزن .
وارضي برزق الله الذي قدره لك في هذه الدنيا واعلمي أن الدار الأخرة هي الحيوان
أهو هروب من قدر الله أم هروب من أخطاء مضت فلو كان من قدر الله فهذا اعتراض علي قدره وان كانت من أخطاء قهذا خير يريد الله لك به الرضا فكلتاهما لك خير فلم هذا الحزن العميق إذن

بسم الله الرحمن الرحيم
( مَنْ كَانَ يَظُنُّ أَنْ لَنْ يَنْصُرَهُ اللَّهُ فِي الدُّنْيَا وَالْآخِرَةِ فَلْيَمْدُدْ بِسَبَبٍ إِلَى السَّمَاءِ ثُمَّ لِيَقْطَعْ فَلْيَنْظُرْ هَلْ يُذْهِبَنَّ كَيْدُهُ مَا يَغِيظُ ) الحج الآية 15
صدق الله العظيم

لا سماء لنا غطاء إلا سماء الدنيا بقدر الله عز وجل

يقول الله تبارك وتعالى من لم يرض بقضائي ولم يصبر على بلائي فليخرج من تحت سمائي وليتخذ رباً سواي

اصبري اختي في الله
لعل الله أن يحدث بعد ذلك أمرا

أزاح الله همك وفرج كربك وكربات كل المسلمين

فشكووول يقول...

العزيزه ايناس
تحياتى
فيه ايه يا ايناس
كل ما تبقى حلوه تيجى تانى تزعلى وتتخنقى
احنا ما صدقنا انك بقيتى كويسه
طب انت معاك الميل
قولى فيك ايه وباباك فشكول يمكن يحلها لك
تحياتى ايناس

اعشق فى الليل ضوء القمر يقول...

السلام عليكم و رحمة الله وبركاته

جميل جدا إن الواحد بيعرف إيه علته و والأجمل إنه بيعرف إزاى يداويها أو يخفف منها

جميل جدا إن الواحد بيكون فى حاله من العسر لأن الله تعالى قال:
فَإِنَّ مَعَ الْعُسْرِ يُسْرًا
وأتبعه بالتوكيد فقال:
إِنَّ مَعَ الْعُسْرِ يُسْرًا
يعنى الفرج و ذهاب الهم و الحزن أقرب ما يكون للواحد من حزنة و تعاستة و عسرتة

جميل إن الواحد يحتاج شوية من الوقت لنفسة أقصد يصفيها من الأفكارو الهموم المتراكمة عليها يركزها و يدعهما

لكن الغير جميل لما تزيد المده وتكون كبيرة خذى لنفسك يومين و إرجعى حتى لو مفيش تغيير

مش جميل إنه الواحد يكون فى عزله عن الناس

مش جميل خالص لما تتوقف عندنا الحياة و نحن عيشين
غير مقبول و مرفوض تماما فكرة غياب عاشقة الأحزان إناس

تقبلى منى إحترامى و ودى و خالص دعائى

اعشق فى الليل ضوء القمر

romansy يقول...

صباح الخير
المهم انك تكونى بخير الحاله دى اوقات كتير بتحصل لينا
بتحس ان افكارك تايهه عنك
بس اقولكا اكيد لما نروق كده هنكتب احسن
ترجعلنا بالسلامه

شيماء جمال(شيمو القمر) يقول...

احنا حسدناكى والا ايه
بتمنالك الخير صدقينى وبدعيلك ربنا يريح قلبك ويكرمك ويوفقك فى حياتك

أوعى تخلى الحالة ده تتمكن منك
خلى عندك إرادة قوية

ربنا معاك وفى انتظار رجوعك
عاشقة الأفراح
تحياتى
شيمو القمر

Tamer Nabil Moussa يقول...

السلام عليكم


هعتبرها راحة واجازة من التدوين

نصيحة منى مهما تكون الحياة والظروف اوعى تسلمى ليها

خليكى انتى ديما الاقوى

قربى من ربنا اكتر هيرتاح قلبك

فى انتظار عودتك

وربنا يوفقك ويكرمك

تحياتى

assafo anaroze يقول...

الغالية ايناس
ايه اللي رجعنا للاحزان من ثاني
ما قلنا خلاص الفرح هل علينا و الحب بين ايدينا
ليه الحزن ثاني
مع ذلك اتمنى و الله من كل قلبي اني اشيل عنك ولو جزء يسير من احزانك لكن مش عارف ازاي
ربنا يرجعك بالسلامة و تكوني بالف خير
مودتييييييييييي

دعاء العطار يقول...

الفففف سلامه عليكى من الزعل

بس احياناً الانسان بيكون محتاج لوقت يقعد فيه مع نفسه

ويعيد حساباته

بس صدقينى مفيش اى حاجه تستاهل انك تزعلى او تضايقى

وياريت تقولى الدعاء ده دايماً

" اللهم انى اعوذ بك من الهم والحزن ومن العجز والكسل ومن الجبن والبخل ومن غلبة الدين وقهر الرجال "

هتوحشششششششششششششينا بجد واوعى تتاخرررررى

احمد عبد السلام يقول...

اية السبب لكتر الزعل والعياط
الظاهر اننا حسدناكى
من البوست السابق
كما قلت لكى
احزان الحب متعة
لكن آلامة قوية
منتظرينك ترجعيلنا
بالسلامة
والسعادة

شاب كــ طخين ـــــا يقول...

ربنا معاكى يا ايناس والله هنفتقدك كتير اوى
عايز اقولك حاولى تخرجى نفسك من الحاله دى بس مش هينفع
ربنا معاكى ويكرمك ان شا ءالله
فى رعايه الله
اخوكى محمود متنسيناش

قلب ارهقته الاحلام يقول...

السلام عليكم

ليه بس يا أنوس كل الحزن والوجع ده؟؟

ربنا يكرمك يارب وتتجاوزي المرحلة دي بسهولة

ويارب تكوني أحسن في أقرب وقت بإذن الله

سلامتك ياقلبي من الزعل وال وجع ال جواكي ده

وبجد مفيش حاجة تستاهل وإن شاء الله ربنا يفرج كربك يارب

ومتتأخريش علينا منقدرش نبقي من غيرأنوس أصلا ...

عمرو جويلى يقول...

عاشقة الأحزان
السلام عليكم
أرجو ألا يطيل غيابك عننا
وأتمنى لك دوام التوفيق وربنا يرزقك الهدوء والسكينة وراحة النفس ويزيل عنك الهم والحزن
دمت بكل الخير

همس الاحباب يقول...

ترجعى بالف سلامة
ولعل المانع خير
ربنا يوفقك الى ما يحبه ويرضاه
هونى على نفسك اختاااااااه
قل لن يصيبنا الا ما كتب الله لنا
تمنياتى لكى بالسعادة دائما
هنفتقدك كثيرا
وفى انتظار عودتك سريعا
تحياتى اختى العزيزة

شرين يقول...

السلام عليكم

اية دة فى اية انتى يا بنتى مش كنتى فرحانة ومبسوطة مالك اتحسدتى ولا اية

ربنا يسعدك ويوفقك يارب

ريمان يقول...

ايه بس يت نوسه فى ايه


والله تبقى غلطانه لو اتاخرتى عننا

بجد هنزعل منك اوى

يا بنتى امال احنا عاملين مدونات ليه؟


مش عشان نفضفض عليها

ينفع تسبيها كده
؟


مش تتاخرى علينا بقى


منتظراكى

بحبك والله فى الله اوى

اموااااه

mohamed ghalia يقول...

إن شاء الله ترجعلنا بسرعة
وربنا يكرمك ويسعدك دايما

عمرو يقول...

يا بنتى اٍستعيذى بالله من الشيطان الرجيم و أذكرى الله ألا بذكر الله تطمشن القلوب ..
الله قادر يا اٍيناس أن يبدل أحزانك مسرات و بهجه و أن يعوضك ألف ألف خير عن كل ما راح منك فقط أحسنى ظنك بالله و هو المستعان على شرور الحياه و سخافتها و غلاستها ..
حأدعى لك و الله يفك ضيقتك و ضيقة كل مكروب بفضله و اٍحسانه ..

غير معرف يقول...

ليه كدا ياقلبي

ما انتي كنتي امبارح زي الفل

متقلقنيش عليكي ارجعي وطمنيني بسرررعة

ونفضي للزعل والمشاكل لانهم عمرهم مايخلصوا خليكي قوية وعيشي ايامك بحلوها ومرها

منتظرييينك على احر من الجمر

ومتتاخريش علينا

ربنا معاكي ياحبيبتي

الله يصبرك ويريح بالك ويسعد ايامك

جنّي يقول...

السلام عليكم

عن ابن عمر قال : قال رسول الله صلى الله عليه وسلم : « المؤمن الذي يخالط الناس ، ويصبر على أذاهم ، أفضل من المؤمن الذي لا يخالط الناس ، ولا يصبر على أذاهم » مسند احمد

راجعي نفسك ورتبي اوراقك واعلمي ان هناك اشياء مهمة ولكن هناك امور أهم .. فلنقدم الاهم على المهم ..

الأمير يقول...

بسم الله ...

ايه ده ...؟؟؟!!!!

هو البوست اللى من النوع ده بقى موضه ولا ايه ..؟؟!!!!!

بجد ما ينفعش كده

كل يوم نلاقى اخ او اخت
يطلعوا يقولوا .." هغيب عنكم "
" هتوحشونى " الى اخرر الجمل من هذا النوع
احنا بصراحه مش هنقدر نستحمل كل الكلام ده ,,

المشكله انكم بتعودونا عليكم اوووى
وبتخلونا نحبكم اووووى
وفى الاخر فجأه تقولوا هنغيب ..!!!

لا .. لا .. لا ...,, والف الف لا
بس اللى بيصبرنا انكم بتقولوا هنرجع
وده .. بيعيشنا على امل عودتكم ..

عموما اختنا ,,,
نتمنى لكم كل التوفيق
رزقكم الله راحه البال
وسعادة القلب و صفاء الروح

وياريت ناخد وعد من حضرتك انك مش هتطولى الغياب ..

تحياتى واحترامى ..؛؛

والسلام عليكم ..؛؛؛

Sweet Violet يقول...

ماااااااااااااااااااالك بس ياقمر فيك ايه ؟؟؟

انا مش فاهمة حاجة ..هو فى حد زعلك يعنى ولا مالك

طمنينى عليك ارجوك بجد

ربنا معاكى يارب ويفرج همك وكربك

بس بالله عليك طمنينى عليك بجد

صمت المشاعر يقول...

ربنا يارب يبعد عنك الهم والحزن

وترجعي في اسرع وقت

منتظرينك يايناس

Maga يقول...

{ فعلم ما في قلوبهم فأنزل السكينة عليهم وأثابهم فتحا قريبا }

والله ومن خلال فترة قصيرة من افضل الشخصيات اللى قابلتها فى عالم النت لم اجد منك الا كل كلمه طيبه وفعل حسن مع اني لاعرفك الا هنا من خلال هذه المدونة

ترجعيلنا بالسلامة يا ايناس ... وماتشوفيش شر باذن الله

واحنا في انتظارك على أحر من الجمر

في امان الله ورعايته وحفظه رزقك الصحة والعافية وحفظك حتى تعودي الينا معافية بإذن الله

ذو الوجه المبتسم يقول...

السلام عليكم ورحمة الله
الاخت الصغيرة
ان شاء الله تكونى بخير
وترجعى بالسلامة

فتاه حالمه يقول...

ارجعي والنبي بقي انتي عسوله وانا حبيتك
مش تغيبي كتير
خدي وقتك بس مش تغيبي

أريــــــــــــــــــــج يقول...

حبيبتي هوني عليكي اكيد الاحساس ده الي عندك حيروح بسرعه وان شاء الله تحققين كل ما تريدين وترجعلنا بالسلامه

وربنا ييسر امورك كلها ويسعد قلبك

اللهم آمين

وكلنا بانتظار عودتك بشغف

راح توحشينا كتير

لكي كل الود

واطيب المتمنيات

ادم المصرى يقول...

التعليق الى فات مش لنشر يا ايناس

عاشقة النسيان يقول...

نوسة اية الكلام دا معقول هتبعدى عننا بجد لالالالالالالالا احنا مش هنقدر على غيابك مش يوم لا ولا ثانية حتى بجد وربنا بنحبك يااغلى الناس

بس لو دا ال هيطلعك من الحالة ال انت فيها اوك

ربنا يارب يشفيك وينور لك حياتك ويجعلها كلها حب وسعادة يارب ويرجعك لنا وانت فى احلى حالة يارب هتوحشينا بجد

تقبلى مرورى سيمو

شقاوة يقول...

اختى وروح قلبى يريت اعرف اية ال تعبك وعامل فيك كدا دب انا كنت بطمن عليك من التدوين وبعرف اخبارك لانك بقالك فترة مش بتفضفضى لى بحاجة بس اتمنى انك ترجعى بنفسية احلى من ال انت فيها

ربنا يارب ينولك مرادك ويجعل ايامك كلها سعادة يارب يااحلى واحن وارق واطيب اخت بحبك اوى

اخوك هيثم

مروة يقول...

اختى الغالية نوسة من فرحتى ان اكون من اوائل ال يعلقو على البوست تسمعينا الكلام دا

دب انا كنت مبسوطة عشان شوفت ان التدوين بخرج ال جواك وبترتاحى شوية على العموم مش هقدر اقول لك غير ربنا يارب يسعدك ويهنيك لان بجد ال يعرف قلبك وطيبته يانوسة مستحيل يجرحة فى يوم يرتنى كنت ولد واعرفك والله مكنت حبيت غيرك بحبك اوى يا ايناس

صديقت عمرك مروة

حارة سد يقول...

لا أرجو أن تطول الغيبة...كما أرجو أن يكون مانعك هو خير..دمتي بعافية

عودي عودا حميدا

الحارة سد

ريمان يقول...

نوسه حبيبتى

ازيك يا قمره

ايوة كده ارجعى وزيارتك والله غاليه عندى اوى

وربنا يريح قلبك يا رب ويصلح لك حالك

منتظرين الجديد عندك

ع ـبـق انثـى يقول...

وعليكم السلام ورحمه الله وبركاته

شو هالكلام ... انا مصدومه

ليه بس سلامتك الف سلامه

بس الهروب والبعد عن اللي ايحبوك مش حل ابدا بالعكي هم اللي حيسندوك

المهم حبيبتي .. اهم شي راحتك

واعملي اللي يريحك

بس بليز لطولي الغياب ...

حنكون بانتظاااارك ..

انا حبعط .. اهيء اهيء اهيء

انشوفك باقرب وقت

الفراشة الصغيرة يقول...

يارب ترجعى بالسلامه

بس متتاخريش

يا ايناس

واتمنى انك تكونى بخير فى هذه الايام العصيبه على كل الناس

aidy يقول...

ايناس مالك

انا قلقت عليكى اووووووووووووووى

لازم تطمنينى عليكى

انا بجد مش عارفة اعملك ايه لأنى مش عارفة مالك

بس بجد بدعيلك تبقى كويسة

خلى بالك من نفسك اوووووووووى

ونفسي بجد اعرف اتكلم معاكى واشوف مالك فيكى ايه

اهم حاجة مش تعيطى وصلى ركعتين وادعى ربنا اكيد هيخفف عنك اى هم

بحبك اوى يا اختى الجميلة

نهاد,,

koketa يقول...

ايييييييييييه يا ايناس مالك فيكى ايه بجد زعلتينى علشان اتمنى تكونى بخير واول حاجة بقا يا جميل ان انا مش هتنازل على انك تجاوبيه على التاج بجد بجد هزعل لو مجاوبتيش عليه

كيكى عوووووو يقول...

مممممممممممممممممم
لعل المانع خير يعنى وكمان اية دة
انا اسمى مكتوب اهو
والى تقول عليه ليدى ماشى
يلا تعالى عشان نعيط سوااااا
عااااااااااا
عووووووووووووووو

ضحكات الحياة يقول...

السلام عليكم

ربنا يوفقك و تحققى كل اللى انتى عيزاه
بس انسى اللى فات و ابدأى و لو من جديد

الهروب ليس الحل
و المواجهة و ان كانت صعبة فهى مطلوبة

و تقبلى تحياتى

و يا رب ترجعى بسرعة

امير العرب يقول...

ترجعى بالف سلامه بس انتى مهاجره ولا ايه هههههههههه بس اكيد هناك فى نت برده ولا انتى راحه كوالالامبور ههههههههه
الف سلامه عليكى
تحياتى

♥نبع الغرام♥♪≈ يقول...

السلام عليكم
أشكركم من كل قلبى على إهتمامك بى
ويارب نفضل أسره وحد متفقين على الحب والود والأحترام
وبجد بسعد بيكم قووى من كل قلبى
يارب ما أتحرم منك أبدآ
ويبقا التواصل معكم إن شاء الله تعالى
تحياتى
أختكم فى الله إيناس

Hesham يقول...

البعد عن الناس لن يمنع القدر ياايناس كيف تقولين هذا وانت المحبه العاشقة اذا كان البعد عن الناس والأصدقاء وحتى عن الاعداء فيه راحه فلتعلمى اننى ولاأول مره لااوافق الرأى فهاانا ذا بعيدا عن كل شئ وحيدا فى غربتى بعيدا عن الوطن والأهل والأصدقاء والأعداء ايضا ولكنى فى النهاية اقول لكى ان ثمن الغربه غالى جدا حتى والغربه داخل الوطن فالأنسان لايصلح للحياه وحيدا صدقينى نار الأعداء ولاجنه الوحده

♥نبع الغرام♥♪≈ يقول...

Hesham
بجد والله غصب عنى
كنت بمر بظروف صعبه
بس الحمد لله على كل حال
تحياتى لك
إيناس