الحب الحلال

الحب الحلال

الأحد، 12 أبريل 2009

يارب سامحنا


إلسلام عليكم ورحمة الله وبركاته


بصراحه أنا إنهارده وأنا فى الشغل فكرت أكتب عن الموضوع ده لأنى
مخنوقه قوووى وتعبانه ونفسى حد يسمعنى


ويقولى أنا صح ولا غلط تعبت قوووى وماليش غيركم بعد ربنا سبحانه وتعالى
يقدر يفهم حقيقة اللى عاوزه أقوله .


ليه الناس بتتكلم فى حق بعضها؟



ليه الناس بتوعد وبتخلف ؟


ليه الناس بتخون ؟

ليه الصحاب بتبعد عن بعضها ؟


ليه الغنى مابيسعدش الفقير ؟

ليه حظى قليل قوووى فى الدنيا مع الناس ؟




ليه القوى مايقفش مع الضعيف؟



ليه الناس ملهيه عن ذكر الله؟



ليه لما نحب بضمير بيكون جزئنا الأساءه؟



فين الأخلاص..... فين الضمير ..... فين الخوف من ربنا



فين وفين وفين وفين وفين وفين وفين ؟؟؟؟؟؟؟؟؟؟؟؟؟؟؟



"يارب سامحنا"
كلمات تعبر عن تقصيرنا في حق الله وضعفنا ورجائنا في مغفرة الله




الشيطان بيلعب بينا عشان شايفنا قصاده ضعاف




وتفيدنا ايه طول ليالينا واحنا بنعصي ومش




بنخاف وربنا شايف... كل واحد فينا ربنا حاسس ...




كل واحد فينا




ولو الدنيا دي كلها علينا ربنا قادر يقوينا عليها يبقى ليه بنعصيه وهو كريم علينا




وليه بنبكي ليه لما الموت بيجينا
وكده احنا غلطانين في حق ربنا خايفين من يوم الدين




يارب اغفرلنا ولازم نلحق نفسنا ونتوب بسرعة لربنا ونتوب اكيد...




نتوب بجد هي الدنيا دي ملكنا لا واللهي مش ملكنا




ولازم اكيد...نتوب بجد




الشيطان بيلعب بينا لدرجة انه متحكم ضعفنا قواه علينا
وخلاه يبقى متحكم وربنا شايف...
كل واحد فينا ربنا حاسس ...




كل واحد فينا ولو الدنيا دي كلها علينا
ربنا قادر يقوينا عليها يبقى ليه بنعصيه وهو كريم علينا






وليه بنبكي ليه لما الموت بيجينا
وكده احنا غلطانين في حق ربنا خايفين من يوم الدين
يارب اغفرلنا ولازم نلحق




نفسناونتوب بسرعة لربنا ونتوب اكيد...نتوب بجد




هي الدنيا دي ملكنا لا واللهي مش ملكنا ولازم اكيد...نتوب




بجد ويارب يارب..يارب سامحنا

عاشقة الأحزان
إيناس

هناك 100 من التعليقات:

aidy يقول...

آمين يارب

ربنا يسامحنا كلنا بجد

وبجد انا مش لاقية لأسئلتك إجابة يا إيناس

وبسألك زيك ليــــــــــــه..؟

يارب تكونى كويسة

تحياتى ليكى

أختك نهاد

جارة القمر يقول...

السلام عليكم ورحمة الله ...
عارفة أنوس فكرت بكل كلامك يمكن كل الأسئلة اللي سألتيها هنا بتدور في نفس كل واحد منا ..
حياتنا مليئة بأوجاع هم سببها
يخونون ويغدرون ثم يبتسمون مودعين..
لن يضرونا بشئ ..
اسخري منهم واغلقي الأبواب في وجوههم ولا تصاحبيهم فهم كالأفاعي يتسلقون قلوبينا ثم يملئونا سما يقتلنا
لا تقلقي بالك بهم فهم في كل مكان حولنا يتلونون حسب مصالحهم..
دعكي منهم..
فقط كوني بخير حبيبتي ..
رائعة وأكثر
استمري

mohamed ghalia يقول...

كل ده اختفى عشان بعدنا كتير عن ربنا
ربنا يسامحنا ونقدر نرجع له

عمرو جويلى يقول...

عاشقة الأحزان
السلام عليكم
لقد شرحت كل حاجة بعفوية رائعة
فالمشكلة فينا إحنا بنكابر وبنعاند والشيطان عمل عمايله معانا
اللهم إغفر لنا وسامحنا وتب علينا يا تواب يا غفار
يا رب

12 أبريل, 20

عاشقه الرومانسيه يقول...

مشكلتنا فعلا اننا عارفين ان الصح فى قربنا من ربنا وبنبعد عنه وان هلاكنا مع الشيطان وبنتبعه

انى ابتليت باربع ماسلطوا
الا لشده شقوتى وعنائى
ابليس والدنيا ونفسى والهوى
كيف الخلاص وكلهم اعدائى

ادم المصرى يقول...

انا اسف اسف بجد كتير على تأخيرى الغريب ده

وبجد انا متشكر جدا على التاج الجميل واوعدك انى انزلو قريب جدا جدا

وبجد مرسى جدا ليكى

Unknown يقول...

طول عمر الواحد يا ايناس بيعمل لغيرة
وغيره مبيعبروش
بيعمل لحريته
وغيرة بيحسدة
بيكون كتير طيب وعايز يفهم للناس انه طيب
فكرتينى بقصيدة شعر انا اللى كاتبها


راجعت نفسى كتير ، وارجع واقول انا ليه بقيت؟؟

زى ما الطير ليه حق يطير ، اخترت الطريق ومشيت

همسة هزتنى كل لما اشوف الدنيا بوشها التانى

يصعب عليا انسانها اللى انكتب على بطاقته انانى

يجرى فى وسط الخطر مهو اخرته.. فقير

ويوم ما شوفتها دقت بختم الموت على ورقته وبكيت

مهى الدنيا ايه غير كدة ؟؟

زى الطفل لما يبكى بتطر تسايسه وانت عليه بتغير

ولما يفرح بتكون فرحان ولما يزعل انت الضرير


راجعت نفسى كتير ، وارجع اقول انا ليه بقيت؟؟

اتخدعت واتهنت كتير

وفى الأخر انت الكبير

من طيابتى مسكت نفسى والكره زاد فيا وصحيت

ولما زاد الكره فيا بعدت عن اهلى وناسى

حاولت ارجعلهم ، بس الكل بقى قلبه قاسى

وانا اللى كان جوايا خير


راجعت نفسى كتير ، وارجع واقول انا ليه بقيت؟؟

راجعت نفسى وقولت حرام

اسيب نفسى اتخدع واتهان

ومع ناسى مدورها خصام

وبقيت خلاص من غير كيان

وقولت نتصالح من تانى

ولما روحت اصالحهم

قالولى طول عمرك انانى

وانا قلبى كله خير

هى دنيتنا كدة يا ايناس

شاب كــ طخين ـــــا يقول...

السلام عليكم
فكرت كتير فى الاسئله الاطرحتيها
كل سؤال بيخلى الواحد يندم على حاجه مع ان الأجابه عليها سهله اوى وبسيطه اوى ومش هتكلف الواحد حاجه انه يكون يوفى بوعده ويعطف على الاقل منه ويحب الناس بجد

والمصيبه ان زى ما انتى قولتى الشيطان مسلسلنا وممشينا وراة

عارفه انا اوقات بقوم من النوم جرى علشان الحق الماتش بس مفتكرش انى عملت كده كتير علشان الحق الصلاة فى معادها مثلا

ربنا يسمحنا
ويرزقنا حسن عبادتة


الف شكر يا ايناس بوست جميل كا العادة
دمت بكل خير

عاشقة النسيان يقول...

ختى وصديقتى الغالية اووووووى ايناس

كنت اتمنى اكون اول واحد اعلق على موضوعك دا بس للاسف النت فصل عندى والله

ثانيا اسالتك على اد ماهيا حلوة بس بجد مرة

وعلى قد ما الرد عليها سهل على قد ما حقيقتها مرة اوووووووى

من السهل انى اجاوب على كل سؤال بس ابقى كذاب لو كل اجابة طالعة من جوايا صريحة

بس هحاول ارد على اد ما اقدر

ليه الناس بتتكلم فى حق بعضها؟ لان هيا دى الناس ودى طبعها ال عمرة مهيتغير

ليه الناس بتوعد وبتخلف ؟ لانها بتدى وعد هيا مش ادها اذا كان بخلفو وعودهم مع ربنا مش هيخلفوه معانا يعنى مثلا الواحد مننا يكون محتاج حاجة من ربنا يقول يارب لو ادتهالى هعمل وهودى وهساعد وهصلى ولما ربنا يدية ال عايزة ينسى وعدة معاة يبقى عادى جدا ان الانسلن يخلف وعدة مع الانسان

ليه الناس بتخون ؟

لان الخيانة من طبع الانسان

ليه الصحاب بتبعد عن بعضها ؟

لانها بتبقى صداقة مصالح بس مش حب صديق لصديق

ليه الغنى مابيسعدش الفقير ؟

لانة عمرة ماحس بية فى يوم من الايام عشان يساعة ولو الفقير اغتنى فى يوم عمرة مهيساعد حد لان ردة هيكون هوا انا كان حد حس بيا عشان احس بيهم

ليه حظى قليل قوووى فى الدنيا مع الناس ؟

لا يانوسة حظك مش قليل بس للاسف انهم ميعرفوش نوسة ال انا اعرفها الغالية اوى ال بجد كلها حنان واخلاق وادب واحترام ولو لفيت الدنيا كلها مش هلاقى اعز من دى اخت وبجد ال يعرفك ذى سيمو بجد عمرة ميفكر يبعد عنك او يزعلك لحظة صدقينى بس الناس فيها وغيها فيها الحلو وفيها الوحش صدقينى

ليه القوى مايقفش مع الضعيف؟

هيقف جمبة لية وعشان اية لو الضعيف دا غنى هيقف جمبة وسعتها مش هيبقى ضعيف هيبقى قوى قوى بفلوسة
فنرجع بردة للفقر هوا ال مخلى الفقير بردة ضعيف

ليه الناس ملهيه عن ذكر الله؟

دا السؤال الوحيد ال مش لاقى لة جواب خالص لان لو قلت اى اجابة يهكون حلها باننا نقرب من الله يعنى لو قلنا ال بيحصل لفلسطين والعراق وغيرهم من المسلمين هيبقى بسبب عدم ذكرنا لله

والفقر والغلا ال احنا فية بسبب عدم ذكرنا لله الخيانة الخداع الغدر كل ال اسئلة ال سالتيها وانا رديت عليها جوبها الحقيقى بسبب عدم ذكرنا لله

ليه لما نحب بضمير بيكون جزئنا الأساءه؟

لان ال حبيناه ده اتحب بالقلب بس للاسف لو ال بيحب بيحب بعقلة وبقلبة عمرة مهيقع فى واحد يخونة ويغدر بية ابدااا

فين الأخلاص..... فين الضمير ..... فين الخوف من ربنا؟؟؟

كل دا مااااااااااااااااااااااااااات

بس فعلا الجواب الصح ال احنا نقول الهم اغفر لنا وارحمنا وتوب علينا واهدينا وارحم والدينا وادخلهم فيح جناتك وانصر اخواننا المسلمين فى كل مكان امين امين ياااااااااااااااااارب

انا اسف لانى طولت عليك قوى بس كنت حاسس انى لازم اجاوب على كل سؤال من اسالتك

سامحيتى على التاخير وتقبلى مرورى يااغلى نوسة وربنا يارب يعفو هنك ويهنيك ويبعد عنك ولاد الحرام قولى امين

حياتى نغم يقول...

السلام عليكم / عندك حق أختى إيناس فى كل أسئلتك :( للأسف الخير بييجى من السما والشر بيصعدلها مننا الخير كتير من ربنا والشر كتير من البشر ، والسبب البعد عن الدين وسماحته وطاعة الشيطان وحقده ، ربنا يسامحنا لو قصرنا فى حقه تعالى أو قصرنا فى حق الظالمين بوقفهم عن ظلمهم .
أحب أسجل إعجابى بالدعاء السابق جميل جداً :) وربنا يتقبله منكِ ويسعدك فى الدنيا والآخرة آمين .

شرين يقول...

السلام عليكم

لية كل الهم دة الدنيا ابسط من ان نبص حوالينا ونقول لية بختنا اقل من غيرنا

اللهم لا تجعل الدنيا أكبر همنا ولا مبلغ علمنا ولا الى النار مسيرنا واجعل الجنة هيا دارنا وقرارنا يا رب العالمين

ربنا يخفف عنك

♥نبع الغرام♥♪≈ يقول...

aidy
نهاد أزيك ياأختى أخبارك ايه
والله يانهاد بمر بظروف صعبه قووى اليومين دول
ومش لاقيه اى مخرج ليا
إدعيلى
وأسعدنى مرورك
وتقبلى تحياتى واحترامى
أختك إيناس

♥نبع الغرام♥♪≈ يقول...

جارة القمر
بجد نورتينى قووى
ومتشكره ليكى كل الشكر على كلماتك التى بجد ريحتنى
بس والله غصب عنى
فى شىء جوايا قوووى تعبنى
تقبل تحياتى

hasona يقول...

السلام عليكم

ربنا يسامحنا
ويتقبل منا صالح الاعمال
ويحسن خاتمتنا

برغم اللي حضرتك ذكرته
لكن ما زال هناك ناس تحمل الكثير من الخير بين جنباتها

وقلوبها من ذهب وفضه
ومملوئة بالحب والخير

مازال الخير في أمتنا الاسلامية حتي يوم القيامة

اذا كان فيه شر كتير
لكن هنا من الخير الكثير أيضا
وأصحاب كل حزب كثيرون

ربنا يسامح كل المسملين
ويمن علينا بتوبة صادقة لله

تحياتي

♥نبع الغرام♥♪≈ يقول...

mohamed ghalia
أذيك يامحمد
أسعدنى مرورك الكريم
ويارب التواصل دايمآ
وفعلآ الناس فى غافله عن أمور ربهم
ربنا يهدنا جميعآ اللهم تقبل
تقبل تحياتى
سلالالالالالالالامى

♥نبع الغرام♥♪≈ يقول...

اللؤلؤة
أسعنى مرورك أخى الفاضل
وبجد زى ماقلت فعلآ أحنا بناعد نفسنا وفى الاخر كله على دماغنا
كلنا مذنبون... كلنا مخطئون.. نقبل على الله تارة وندبر أخرى، نراقب الله مرة، وتسيطر علينا الغفلة أخرى، لا نخلو من المعصية، ولا بد أن يقع منا الخطأ، فلست أنا و أنت بمعصومين { كل ابن آدم خطاء وخير الخطائين التوابون } [رواه الترمذي وحسنه الألباني
تقبل تحياتى
وجزاك الله كل الخير

♥نبع الغرام♥♪≈ يقول...

عاشقه الرومانسيه
أسعدنى مرورك الجميل أختى الفاضله
وكلامك جميل قوووى ربنا يكرمك يارب
وفعلآ الناس مش حلو وبتقصر فى حق ربنا
وهيفيد بإيه الند
والسهو والتقصير من طبع الإنسان، ومن رحمة الله بهذا الإنسان الضعيف أن يفتح له باب التوبة، وأمره بالإنابة إليه، والإقبال عليه، كلما غلبته الذنوب ولوثته المعاصي.. ولولا ذلك لوقع الإنسان في حرج شديد، وقصرت همته عن طلب التقرب من ربه، وانقطع رجاؤه من عفوه ومغفرته.

تقبلى تحياتى واحترامى الكبير
سلالالالالالالالالالالامى

أحمد الصعيدي يقول...

قال أبنُ مسعود لأصحابه وتلاميذه وقد تبعوه:

(لو علمتم بذنوبي لرجمتموني بالحجارة ).

وقال حبيبك محمد ، صلى الله عليه وسلم : " لو لم تذنبوا لذهب الله بكم ولجاء بقوم يذنبون فيستغفرون الله فيغفر لهم "
وقال تعالى: إِنَّا هَدَيْنَاهُ السَّبِيلَ إِمَّا شَاكِراً وَإِمَّا كَفُوراً
وقال تعالى: وَنَفْسٍ وَمَا سَوَّاهَا * فَأَلْهَمَهَا فُجُورَهَا وَتَقْوَاهَا * قَدْ أَفْلَحَ مَنْ زَكَّاهَا * وَقَدْ خَابَ مَنْ دَسَّاهَا [الشمس:7-10]. ......
فهوني علي نفسك يا عزيزتي اناس تتواكل ولا يملك حساب العباد إلا رب العباد ورب حسن خاتمة بعد كثرة ذنوب إنما يتوجب علينا أن نحسن الظن بالله وأن ندعو بحسن الخاتمة وبصلاح حال العباد

كان سيدنا أبي ذر سائرا مع حبيبنا محمد فقال له الرسول الكريم فيما مهناه
أتدري يا أبا ذر ماحق الله علي العباد قال لا يارسول الله
قال حق الله علي الغباد أن يعبدونه لايشركون به شيئا
قال أوتدري حق العباد علي الله
قال لا يارسول الله
قال حق العباد علي الله أن يدخل كل من أمن به ولا يشرك به شيئاالجنة

فهوني يا عزيزتي علي نفسك إنما يزداد الإيمان وينقص
اللهم زدنا ولا تنقصنا وهب لنا يقين الصادقين وسعادة المتقين وإجعلني رب رضيا

♥نبع الغرام♥♪≈ يقول...

ادم المصرى
أستاذ ادام
أذيك أخبار حضرتك أيه
يارب تكون بألف خير
أسعدنى مرورك الكريم والله
وكنت زعلانه قوووى انك غايب عننا الفتره دى كلها
وبصراحه ياريت ترجع عن قرارك
ومنتظره ترد على التاج ياريت البوست الجاى
ومش هتنازل أبدآ
دمت بألف خير
تقبل تحياتى

♥نبع الغرام♥♪≈ يقول...

اصحى يا مصر : اسلام ديو
إسلام أخبارك أيه
قلقتنى عليك قوووى ياإسلام إمبارح يارب يبعد عنك الشر
ويكفيك شر الطريق
وبجد من التعليقات اللى بتسعد قلبى يا إسلام
تعليقاتك الغاليه
والشعر جميل قوووى تسلم إيديك يا اسلام
ويارب يبارك فيك
والحمد لله كلامك بيصبرنى شويه
وهاخده نصيحه أعمل بيها يا إسلام
جزاك الله كل الخير
تقبل حبى وتقديرى واحترامى الكبير قووووووى
سلالالالالالالالامى

♥نبع الغرام♥♪≈ يقول...

أمبارح كان عمرى عشرين
يارب يبارك فيك
وياريت كلامى يكون أثر فيك كده
وتهتم بالصلاه بدل الماتش
والحمد لله ان احنا بنتعلم من اخطائنا
وربنا غفو رحيم بس المشكله مش فى كده
المشكله فى الناس نفسها أحنا من جوانا كويسين بس الناس ؟
أسأل الله تعالى أن يجعلني وإياك من التائبين حقاً، المنيبين صدقاً، وصلى الله على نبينا محمد وعلى آله وصحبه وسلم
تقبل تحياتى وسلالالالالالالامكى

♥نبع الغرام♥♪≈ يقول...

عاشق الحزان
ربنا يخليك ياسيمو على شرح الموضوع بتاعى بالطريقه الجميله دى
بصراحه كلامك جميل وريحنى وبرغم ظروفى اللى بمر بيها
وأنت ياسيمو أكتر واحد تعرفنى كويس عن قرب
وتعرف يعنى ايه إيناس وازاى حظها قليل مع الناس اللى بتحبها بضمير
ومافيش اخلاص
وكمان الظروف النفسيه اللى بمر بيها طبعآ انت فاهمنى
الحمد لله على كل حال
ويارب يتقبل منك
يارب
ويسعدك يا سيمووو
تقبل تحياتى

♥نبع الغرام♥♪≈ يقول...

حياتى نغم
ربنا يخليك ويكرمك يا روح قلبى
ومتشكره ليك كل الشكر
ويارب يتقبل منك يارب
بس هنقول أيه بس
فِر الى الله بالتوبة، فر من الهوى... فر من المعاصي... فر من الذنوب... فر من الشهوات... فر من الدنيا كلها... وأقبل على الله تائباً راجعاً منيباً... اطرق بابه بالتوبة مهما كثرت ذنوبك، أو تعاظمت، فالله يبسط يده بالليل ليتوب مسيء النهار، ويبسط يده بالنهار ليتوب مسيء الليل، فهلمّ أخي الحبيب الى رحمة الله وعفوه قبل أن يفوت الأوان.
الحمد لله على كل حال
تقبلى تحياتى
وسلالالالالامى

♥نبع الغرام♥♪≈ يقول...

شرين
وعليكم السلام ورحمة الله وبركاته
إذيك يادكتوره
ربنا يتقبل منك يارب
بس والله غصب عنى
ربنا هو اللى قادر على كل شىء
إن العبد لا يدري متى أجله، ولا كم بقي من عمره، ومما يؤسف أن نجد من يسوّفون بالتوبة ويقولون: ليس هذا وقت التوبة، دعونا نتمتع بالحياة، وعندما نبلغ سن الكبر نتوب. إنها أهواء الشيطان، وإغراءات الدنيا الفانية، والشيطان يمني الإنسان ويعده بالخلد وهو لا يملك ذلك. فالبدار البدار... والحذر الحذر من الغفلة والتسويف وطول الأمل، فإنه لولا طول الأمل ما وقع إهمال أصلاً.
والحمد لله
ربنا يهدينا الى طريق الخير
تقبلى احترامى

♥نبع الغرام♥♪≈ يقول...

hasona
وعليكم السلام ورحمة الله وبركاته
بجد انا معاك فى كل اللى بتقوله
وكلامك جميل قوووى
بس والله انا ماكتبتش من فراغ
لان ده جوايا انا ومش حاسس بيا غير ربنا والله العظيم
ردّ المظالم إلى أهلها: فإن كانت المعصية متعلقة بحقوق الآدميين وجب عليه أن يرد الحقوق إلى أصحابها إذا أراد أن تكون توبته صحيحة مقبولة ؛ لقول الرسول : { من كانت عنده مظلمة لأحد من عرض أو شئ فليتحلله منه اليوم قبل ألا يكون دينار ولا درهم، إن كان له عمل صالح أُخذ منه بقدر مظلمته، وإن لم تكن له حسنات أُخذ من سيئات صاحبه فحمل عليه } [رواه البخاري].
وانا والله اتظلمت كتير قووووووى
والحمد لله
تقبل تحياتى

♥نبع الغرام♥♪≈ يقول...

شجر الليمون
أذيك يا استاذ احمد
يارب تكون بألف خير
الشكر الجزيل لك
أسأل الله الغفور الرحيم أن يغفر لنا جميعا = ربنا ظلمنا أنفسنا و إن لم تغفر لنا و ترحمنا لنكونن من الخاسرين

اللهم ارزقنا ومن يقرأ هذه الأسطر توبة نصوحا لا ننقضها بعد أبدا، واغفر لنا ما سلف واهدنا الصراط المستقيم، آمين

يارب يتقبل
واسعدنى مرورك والله يا استاذ أحمد
دمت بألف خير
تقبل تحياتى
وسلامى

Hesham يقول...

أولا بقدر سعادتى على متابعتك لمدونتى بقدر حزنى على حزنك وضيقك .
بقدر ماوضعتينى فى مسئوليه الرد بقدر ماسأرد عليكى بكل صراحه ووضوح .
انت انسانه رقيقه كما قلت لكى قبلا حالمه تعيشين عصرا انتهى تملكين وفائا فى زمن ندر فيه الوفاء .
عزيزتى وبكل الصدق والامانة اقول لكى سبب مانحن فيه وكا سبق ان قلت واقول دوما ونوهت انتى عنه فى اصدارك الجميل الحالم هو الله ؟
نعم فنحن اخرجنا الله سبحانه وتعالى من معادلة حياتنا فخسرنا المعادلة باللغة الكيمايئة فلا احد من هذا الزمان يعلم انه مثلا لو أن اهل القرى امنو واتقو لفتحنا عليهم بركات من السمء والأرض ولهذا يشكو الناس الفقر والفاقة وقلة الرزق لانهم لايقراون وإن قرأو لايستوعبون وان استوعبوا لايطبقون
صدقينى كى تستطيعين الحياه فى زمن الغابة يجب ان تتحلى بروح المقاتل ودرع وسيف
صديقتى بمناسبة الشيطان لقد كتب حوارا شعريا بينى وبين صديقتى المجهوله عن الاحوال فى بلدنا وانا اكتبلك منها جزء بسيطا
" لقد اصبحت على يقين أن الشيطان الان يوسوس الى المصريين ان اتبع يامصرى الطريق القويم !!!!!! ليراه وهو يسقط فى براثن من يملك السلطة ولايملك الدين فيضحك الشيطان ساخرا ألم أقل لك يابن ادم هذا جزاء الطريق المستقيم تعاقب وتسجن وتعذب فى كل حين ....."
اهدئى وتمسكى بايمانك وتفائلى خيرا طالما انت بخير

اسماء واحلام فى وجدانى يقول...

انا تقريبا كده والله اعلم

زعلتك فى حاجة

واكيد طبعا هى مش مقصودة

اسماء واحلام فى وجدانى يقول...

فات ساعة

ولسة مش عارف انا زعلتك بجد

ولا ده وهم

الله اعلم

romansy يقول...

يارب

اللهم ااامين يارب العالمين
احنا اتخلقنا علشان نعبد ربنا ونسعى فى ملكوته
نصاحب ناس
وتخون
ونحب ونلاقى اساءه
كل دا بنتجازى عليه خير
علشان قلبنا طيب

شيماء جمال(شيمو القمر) يقول...

آمين آمين آمين
يا رب
عندك حق فى كل كلمة قلتيها
وتصدقينى أنى عملت بوست فيه بعض من أسئلتك محدش جاوبنى

مدونتك حلوة قوى

تقبلى مرورى
تحياتى
شيمو القمر

ريمان يقول...

السلام عليكم

ايناس


عارفه انا ساعات بقول ان بلاش نحمل الشيطان كل اخطاء البشر لان فى ناس بجد هى اللى بتعلم الشيطان دروس فى الغلط

بصراحه احنا بقينا فى زمن مش ينفع اننا نآمن لاى حد فيه

لان بصراحه الزمن ده بجد صعب اوى اوى

والمفروض مش نعطى الامان لحد

شوفى ربنا قال ايه

ونفس وما سواها فالهمها فجورها وتقواها

شوفتى

يعنى الفجور قبل التقوى

تخيلى بقه

يعنى المفروض نتوقع من الانسان الشر قبل الخير

عشان كده الناس سعل عليها الخيانه والكدب والنميمه وكل ده

دى بقت حاجه عاديه

بس احنا لازم ناخد حذرنا ونحرص كل الحرص

واهم شىء ان ربنا يغفر لنا ذنوبنا واهم حاجه كمان ان ربنا يخرجنا من الدنيا على خير

تحياتى ليكى حبيبتى

assafo anaroze يقول...

امين يا رب تسامحنا
سيدتي احنا في زمن مادي بتغيب فيه القيم الجميلة و المبادئ الراقية
للاسف الكل بيلهث وراء الماديات و لا نولي الاهتمام بالحب و الصداقة و الوفاء و الاخلاص و كل القيم الاجتماعية الجميلة
مودتي

غروب يقول...

منتظراكى بكره يا ايناس في نادى اطباء طلخا

غروب

محمد فارس يقول...

السلام عليكم ورحمة الله وبركاته
الغاليه ايناس
ربنا يتقبل دعواتك ويسامحنا
واسألتك كلها ربنا سبحانه وتعالي
مجاوب عليها ومتركهاش وده لما خلق الجنه والنار(فمن يعمل مثقال زرة خير يره ومن يعمل مثقال زرة شرا يره)*
وبعدين انا مش عايزك تزعلي نفسك اوي كده انا عن نفسي لما باشوف ناس فيها كل الصفات الوحشه باحمد ربنا
اني مش منهم وباحس بقيمة ما تربينا عليه وعلشان تعملي خير في الناس ديه
ربنا امر بالمعروف ونهي عن المنكر
وامرنا نكون من الامرين بالمعروف والناهين عن المنكر وساعتها
رتنا سيرضي عنا ما دمنا لم نغضبه
ان شاء الله
واسف جدا علي التأخير
وارجو ان تتقبلي اعتذاري

وليد يقول...

ياااااااااااااااااااارب يسامحنا كلنا
ربنا يغفر لينا ذنوبنا وخطئنا وتقصيرنا يارب
عارف ليه كل ده
لاننا لما حبينا محبيناش فى الله
ولما كرهنا مكرهناش لله
ولما اعطينا ماعطيناش لله
ولما فعلنا الخير معملنهوش لله
ولما ظننا مظنناش الظن الى امر به الله
ولما انجرحنا مجلجئناش لله
ولما اتضحك علينا مدعيناش الله
ولما انخدعنا محمدناش الله
ولما ولما ولما
بصراحة لو جربنا حياتنا تكون لله حنتغير مش معنى كده نقعد فى البيوت والاه ننام لا طبعا
نتحرك ونفرح ونصاحب ونظن ونحب بس يبقى نفتكر انه الله معنا وندع ونلجاء ليه علشان ييسر امرنا ويفرج كروبنا الله صاحب من لا صاحب له
الله حبيب من لا محب له
الله ينتظرنا فلماذا نتاخر عليه
واخيرا كلمة لكى يا عاشقة الله وليس عاشقة الاحزان
من وجد الله فماذا فقد ومن فقد الله فماذا وجد اسف على الاطالة

نور الاسلام يقول...

السلام عليكم اختى ايناس

عارفه يا ايناس المشكله فى ايه فى حب الدنيا والتمسك بيها مع انها فانيه ولا تساوى عند الله جناح بعوضه ...

وعارفه احنا نقصنا ايه؟ نقصنا نطبق دينا بجد ....هو حل لكل مشاكلنا .

ويارب تسمحنا وتغفر لنا تقصيرنا وتتوب علينا انك انت التواب الرحيم ...

بارك الله فيك ِ ..وجزاكِ ربى خير الجزاء ..

سمكه واحده يقول...

ايوه فعلا
عارفه ليه؟
عشان احنا بني ادمين
ولازم يكون فيه الخير والشر
عشان الدنيا كده
يارب يسمحنا ويقربنا منه يارب
وانا موجوده اهو يا قمر بس كنت مسافره وعملت بوست جديد وانا متشكره اوووووي
علي سوالك واهتمامك
ربنا ميحرمنيش من الناس الجميله دي
دمت بكل ود

♥نبع الغرام♥♪≈ يقول...

Hesham
إذيك كويس انى أطمنت عليك
وبجد قلقت عليك قوووى لما أتأخرت عليا
ومتشكره ليك كل الشكر ياهشام على كلماتك اللى بجد بتحينى وبتخلينى أعيش وأبتدى حياه جديده ما فيهاش غش ولا خداع
ولا نفاق
الحمد لله ان ربنا دايمآ بيظهر حقيقة البشر اللى معدومين الضمير
وفى الاخر الانسان مننا مش بيتعلم ببلاش
وميرسى على القصيده الجميله اللى بجد عجبتنى قوووووووى
بارك الله فيك
وجزاك عنا كل الخير
تقبل تحياتى
إيناس

♥نبع الغرام♥♪≈ يقول...

اسماء واحلام فى وجدانى
أذيك ياشاعر ياحزين
أستاذ أحمد ليه كده بس انا عمرى ما ازعل منك أبدآ
حد يزعل من الناس اللى بيحبها
تقبل تحياتى
سلالالالالالالالالالالالالالالالالامى

♥نبع الغرام♥♪≈ يقول...

romansy
أسعدنى مرورك الكريم
وفعلآ عندك حق فى كلامك
يارب يعوضنا خير
تقبل تحياتى
وسلالالالالالالالالالالامى

♥نبع الغرام♥♪≈ يقول...

شيماء جمال
أذيك ياشيمو والله نورتينى بجد ويارب يسعدك يارب
وأسعدنى مرورك الكريم واتمنا ان تتكرر وتكونى صيقه دائمه لمدونتى
معلهش انك عملتى بوست ومحدش جاوب
ان شاء الله ربنا يكرمك
واحنا معاك
وبصراحه مدونتك جميله قوووى
احيكى عليها
من كل قلبى
دمتى بألف خير
تقبلى تحياتى

♥نبع الغرام♥♪≈ يقول...

ريمان
إذيك يا رومانه والله بجد انا بحبك قووى
يارب يكرمك ويهديك ويهدينا الى طريق الخير
وأشكرك لمرورك الكريم
كل اللى بطلبه من ربنا يسمحنا ويغفر لنا
اللهم آتني العفو والعافية في ديني ودنياي ومحياي ومماتي ومالي واهلي يارب
يارب يتقبل منا ومنكم
تقبلى تحياتى وحبى واحترامى الكبير
اختك ايناس
امووووووووووووه

♥نبع الغرام♥♪≈ يقول...

assafo anaroze
أهلآ وسهلآ بيك أخى الفاضل
وبجد نورتنى
يارب يبارك فيك ويسعدك
وبصراحه عند حق فى كل كلمه كتبتها
تقبل تحياتى واحترمى
سلالالالالالالالامى

♥نبع الغرام♥♪≈ يقول...

غروب
حبيبة قلبى وعمرى كله
الأخت الجميله المخلصه الطيبه النقيه
الغاليه قووووى عندى ساره
بجد وحشتنى قوووى والله
معلهش لو كنت زعلتك أخر مره واحنا بنتكلم والله غصب عنى صديقنى
وطبعآ انا فهمتك كل حاجه فى التليفون
أما بالنسبه لبكره ان شاء الله
سامحينى والله أمى تعبانه قوووى
وكانت بتكشف وانا معاها ومش هعرف اسيبها
بس بوعدك ياساره انى أقبلك قريب قوووى انتى والناس الحلوه دى
وبجد كان نفسى قووى أكون معاكم
بس يلا مافيش نصيب
تقبلى أحترامى
وسلالالالالالالالالالامى

♥نبع الغرام♥♪≈ يقول...

محمد فارس
أهلاوسهلا شرفتنى والله
وبجد مش زعلانه على التأخير الظروف غصب عننا كلنا
وكلامك جميل قوووى عن المعروف والمنكر
إن الكثير من الناس يدّعون أنهم يأمرون وينهون، ولكن القليل هم الذين يتحلون بصفات الآمر بالمعروف والناهي عن المنكر التي دعا إليها الإسلام ومن هذه الصفات1 - الإخلاص:
الإخلاص هو إفراد الله سبحانه بالقصد في الطاعة والإخلاص هو روح كل عمل، والأعمال التي يستعظمها الناس لا وزن لها عند الله عز وجل إذا فقدت هذه الروح قال تعالى: { وَمَا أُمِرواْ إِلا لِيَعبُدواْ اللهَ مُخلِصِينَ لَهُ الدِّينَ حُنَفَاءَ } [البينة:5].
فلينتبه لهذا الشرط الذي عليه مدار قبول العمل وبالتالي النفع به
تقبل الله منا ومنكم
وتقبل تحياتى ومودتى

♥نبع الغرام♥♪≈ يقول...

وليد الاسلام _هويتى اسلامية ومدونون من اجل فلسطين
بجد أسعدنى مرورك قووى
بارك الله فيك يا أخى الفاضل
ويارب يهدنا الى طريق الخير
تقبل الله منا ومنكم
وجزاك كل الخير على كلامك الجميل
تقبل تحياتى

♥نبع الغرام♥♪≈ يقول...

نور الاسلام
وعليكم السلام ورحمة الله وبركاته
يارب يبارك فيكى ويسعدك
وزى ما قلتى كلامك صح والله
ان أحنا لاذم نطبق دينا
اللهم انا نستغفرك من كل ذنب تبنا لك منة ثم عدنا اليه
اللهم انا نستغفرك من كل ما وعدتك بة انفسنا و لم نوف لك به
اللهم انا نستغفرك من كل عمل اردنا بة وجهك فخالطنا بة غيرك
اللهم انا نستغفرك من كل نعمة انعمت علينا بها فاستعنا بها على معصيتك
اللهم انا نستغفرك يا عالم الغيب و الشهادة من كل ذنب اتينا بة فى ضياء النهار او سواد الليل
اللهم اغفر لنا خطايانا و جهلنا و اسرافنا فى امرنا و ما انت اعلم بة منا
اللهم اغفر لنا جدنا و هزلنا و خطأنا و عمدنا
اللهم اغفر لنا ما قدمنا و ما اخرنا و ما اسررنا و ما اعلنا و ما انت اعلم بة منا
انت المقدم و انت المؤخر و انت على كل شئ قدير
اللهم تقبل دعاءنا
تقبلى تحياتى

♥نبع الغرام♥♪≈ يقول...

سمكه واحده
أذيك يا سموكه نورتينى قوووى والله العظيم
ياااااااااااه
اخيرآ ظهرتى ياقمر
يارب دايمآ موجوده بوسطنا
وحمدآ لله على سلامتك
ويارب يطمنا عليك
وأشكرك كل الشكر
على المرور الكريم أتمنا من الله أن لاينقطع أبدآ
وصبرجميل والله المستعان على ما تصفون)
اللهم إني أسألك أن تجعل كيد من كادني في نحره،
ومكر من مكر بي عائدا عليه، وحفرة من حفر لي حفرة واقعا فيها،
ومن نصب لي شبكة الخداع اجعله يا الله يا ذو الجلال والأكرام مساقا
إليها ومصادا فيها وأسيرا لديها

تقبلى تحياتى
وسلالامى

حارة سد يقول...

لأن هذه هي سنة الله اللتي وضعها فينا

خطظائين فتاوبين
تعس من ارتكب الإثم ولم يتب
وربح من أخطأ فتذكر أن له رب يغفر

ييُطاع الله بإذنه ويعُصى بعلمه
فلا مفر منه الا اليه

الحارة سد

mizohart2010 يقول...

السلام عليكم
اجابه سؤال سهله اوى
لاننا فى الدنيا حتلاقى فيها كل حاجه
و ده جملها تلاقى الغدر و تلاقى الوفاء
تلاقى الحب و تلاقى الكره
كل حاجه تلاقى فيها عكسها عشان يكون فيها اختلاف و دى متعت الحياه
فكرى كده معايه لو كانت الدنيا كلنا اغنيه وكلنا جمال زاى بعض نفس الشكل و الحظ و زاى بعض فى كل حاجه كانتى حتوصل للسعاده؟؟ السعاده بنوصلها لم بنعرف الحزن مدونتك روعه جدا

القلب الحزين يقول...

السلام عليكم

كلمة لية؟؟؟
تضع امامها الف سؤال
اوقات لما بحس بي اسئلة كتير جوايا
واسئل نفسي لية طب لية وازاي
بقول العيب مني انا لاني مش معقول
انا الا صح وكل الناس دي غلط بقول العيب
فيا انا رغم ذلك بغلط نفسي اولاا واخيرا
وبنرجع نلوم علي الزمن
ربنا يسعدك ويوفقك يارب
تحياتي

Hesham يقول...

اولا ياسيتى صباح الفل انا فعلا زملكاوى بس والله العظيم مش متعصب انا بس مبيعجنيش الحال الحال المايل عموما لو قريتى فى المدونه فيه كام مقاله كده عن الكوره يعنى يمكن تديكى فكره انا ليه زملكاوى ويابخت من بات مغلوب ولا بات غالب
عموما تعشم تكونى قريتى التعليق اللى كتبتهولك امس على اصدارك الخاص بربنا يسامحنا
عموما انا طبعا ياستى يشرفنى ان يكون هناك تواصل داااااائم
hesham27963@hotmail.com
دا ايميلى

♥نبع الغرام♥♪≈ يقول...

حارة سد
أهلا وسهلآ بيك أخى محمد
وبجد سعدت بمرورك الاول للمدونه
واتمنا ان تكون صديق دائم لها ان شاء الله تعالى
يارب يتقبل منك اللهم امين
تقبل تحياتى
وسلالالالالالالالالامى

♥نبع الغرام♥♪≈ يقول...

mizohart2010
أذيك يا أستاذ محمد
بجد أسعدنى مرورك وتشريفك الكريم لمدونتى
أشكرك على تعليقك ان مدونته روحه ربنا يبارك فيك
واتمنا ان تكون صديق دائم للمدوونه
وفعلآ كلامك جميل قوووى وعندك حق
يارب يبارك فيك ويهدينى واياكم الى طريق الخير
تقبل مودتى
واحترامى

♥نبع الغرام♥♪≈ يقول...

القلب الحزين
أنتيمى اللى حاسس بيا
ياااااااااااااه
مرورك بجد ده له انطباع غريب شويه بيدخل البهجه على قلبى الذى ذاق مرارة الحب والعذاب
وبجد بحس بيك لانك كده اكيد تزوقتها
وهى يعنى الاحزان هتروح فين وتسيبنا هى اتخلقت عشنا
وبجد زى ماقلت احنا الغلط فينا مش فى الزمن هنعيب ليه فى الزمن
الانسان اللى مش كويس فى حق نفسه وفى حق ربنا
دمت بألف خير
وتقبل تحياتى
واحترامى

♥نبع الغرام♥♪≈ يقول...

Hesham
هشام صبا ح الورد والفل والياسمين
ماشى كده تمام انا خدت الميل وانا برده عندى ميل على الهوت ميل هنتكلم ان شاء الله بليل كده على 10 ان شاء الله ماشى
وبجد مش فارقه معايا اهلى ولا زمالك
انا احترمت عقل بيفكر صح فى زمن قل فيه التفكير الصح
وكمان قلب طيب زى قلبك دى أجمل حاجه لمستها فيك
وبجد يسعدنى الكلام معاك
سيبك من الكوره
خلينا فى الصداقه الجميله اللى ان شاء الله هتكون بينا
يارب يسعد أيامك
ومتشكره ليك قرأت تعليقك الجميل والله
هو أنا أقدر
يارب يسعدك
ومنتظراك بليل
لا اله الا الله
سلالالالالالالالامى

صفــــاء يقول...

وليه انت موجوعه اوى كدة
انا قرأت اكتر من بوست ليكى ودايما شيفاكى حيرانه وبتتسائلى
هو طبعا الدنيا صعبه
لكن دايما ربنا فاتح طاقه نور بتخلينا نشوف ونميز
تحياتى ليكى يا جميله
ودعواتى بأن يريح الله قلبك وينير طريقك

امـنــيــتــي يقول...

اختي عاشقه
ربنا يسعدك ويحقق امانيكي ويجعل ايامك
كلها فرح وسرور

بس ليكي رد ان الرجاله خينين
ومبيحبوش الانفسيهم

اظن اصابع ايدم مش زي بعض اكيد انتي فاهمه قصدي

حتلاقي منيح والعاطل

متحكميش علي الكل

ربنا يسعد ايامك ويحقق امانيكي تقبلي مروري

واتمني ليكي زياره مدونتي وشكرا

akeed يقول...

جزاكِ الله خيراً على التذكير وفعلاً الاجابة على كل هذه الاسئلة يتلخص فى عدة كلمات وهى ان الوسيلة التى تريح الانسان ومن حولة هو ان نتعامل بالاسلام وليس فقط صلاة وصيام وقيام ولاكن يجب ان نطبق الدين فى حياتنا وسلوكياتنا مع الاخرين وعندما يحدث ذلك سوف نصل الى الحياة المثالية ولاكن انها فطرة الله فى الارض وصدق الله تعالى عندما قال " خلق الموت والحياة ليبلوكم ايكم احسن عملاً "

ملحوظة : نصيحة الى اختى المسلمة فيه بعض الصور بالمدونة يحاسبك الله عليها فحاولى تغيرها باى شىء طيب وما تزعليش منى ده بس خوف عليكِ يا اختى ربنا يكرمك ويزيدك ايماناً .


اخوكِ فى الله


أكيـــــــــــــــــد

جنّي يقول...

السلام عليكم

هي الدنيا كدا بحلوها ومرها بناسها الطيبين وناسها الوحشين .. بالنقيضين ..

ولازم ناخدها كده ونعيشها ونصبر ونحاول ان ننمي الجانب الجميل دايما فيها ..

♥نبع الغرام♥♪≈ يقول...

صفاء
أذيك ياأختى الفاضله
أسعدنى مرورك بجد والله
وحضرتك بتسئلى انا ليه موجوعه؟
يمكن ما حبيتيش حب حقيقى متلى
للاسف فى مثل جميل قوى بيقول
الأنسان مش بينجرح قوووى غير لما يحب بالقوى
تقبلى تحياتى

♥نبع الغرام♥♪≈ يقول...

امنيتى
أسعدنى مرورك الكريم بجد والله
ومتشكره قوووى لحضرتك ويارب تدوم الصداقه بيننا والتواصل
تقبل تحياتى ومودتى
سلالالالالالالامى

♥نبع الغرام♥♪≈ يقول...

akeed
اهلآ وسهلآ أخى الفاضل
نورتنى وشرفتنى
وأشكرك كل الشكر على المرور الكريم لمدونتى
وأشكرك على تعليقك الجميل المفيد الذى بجد عجبنى قوووى وارتحت لما قرأته
وان شاء الله هغير الصور
تقبل تحياتى
وجزاك الله كل الخير

♥نبع الغرام♥♪≈ يقول...

جنى
اذيك ياقمر أخبارك أيه
يارب تكون بخير
اشكرك على تعليقك الجميل
وربنا يبارك فيك
تقبل تحياتى

أحمد الصعيدي يقول...

السلام عليكم
الحقي التعليق الأول
هههههههههههههههه

صمت المشاعر يقول...

ربنا يارب يهدينا لما نحبه ونرضاه

ويبعد عنا المعاصي ويقوي ايمانا اللهم امين

بوركتي وجوزيتي كل الخير اختي الكريمه

دمتي بكل سعاده ورضا وطاعه

♥نبع الغرام♥♪≈ يقول...

شجر الليمون
ههههههههههههههههه
عملت بدل التعليق اربعه
هههههههههههههههههههه
واحلى تحيه للصاعيده اللى بحبه
وسمعنى سلام الصلح خير قوم نتصالح
هههههههههههههه
تقبل تحياتى

♥نبع الغرام♥♪≈ يقول...

صمت المشاعر
أسعدنى مرورك الكريم
يارب يتقبل منا ومنكم
اللهم أمين
يارب العالمين
دمتى بألف خير
تقبلى تحياتى
سلالالالالالالالالالالامى

أحمد الصعيدي يقول...

ههههههههههههههههههههه
علي فكرة الهزار مش بالـ ظ
الهزار بالـسين
يعني كدة الهسار أو الهثار لو حضرتك عندك لدغة يعني
ههههههههههه

شكرا لحضورك

فشكووول يقول...

ازيك يا ايناس
تحياتى
والله العظيم كنت فعلا فى اسكندريه ولسه جاى النهارده ..
وهى اسكندريه ما تعجبش حد .. الكل وانا بالذات هيمان وولهان باسكندريه
لسه ما قريتش البوست بتاعك وجيت بس اطمنك واقرى البوست على مهلى
اشكرك على سؤالك عنى
تحياتى

ذو الوجه المبتسم يقول...

السلام عليكم ورحمة الله وبركاته
ايه الاسئلة دى كلها
كل دي احاسيس بالرفض
كل دي احاسيس بالخنقة
تفتكرى برده هاوافق على انك تكونى حزينة
مستحيل
لازم تبتسمى
لازم
لازم
هاجاوبك على اسئلتك اللى كتير سالتها لنفسي وسالها ناس كتير طيبين لانفسهم ولغيرهم

- ليه الناس بتتكلم فى حق بعضها؟
** شئ طبيعى يحصل ده فى كل مكان وبالاخص المصريين لان ده طبعهم حتى لو راحو المريخ برده هيتكلموا فى حق بعضهم
عارفة ايه السبب لان كل واحد معتقد ان الاخر بيتكلم فى حقه علشان كده عاوز يسبق ويتغدى به قبل ما يتعشي به
ده بيحصل اكتر فى مجالات العمل كلنا بنتعرض لكده وانا اول واحد

- ليه الناس بتوعد وبتخلف ؟
** اعتقد لو الناس عرفت الحديث اللى بيقول واذا وعد اخلف وعرفت معناه صح اكيد محدش يوعد ويخلف بس دلوقتى لاتوجد مقاييس للوعود الا بالفلوس ؟؟؟؟

- ليه الناس بتخون ؟
** الخيانة طبع مكتسب ومش اى حد بيخون الخوف من حاجات كتير بتخلى ناس تخون واهمها المادة والفلوس وحب الوصول

- ليه الصحاب بتبعد عن بعضها ؟
** لان الصاحب اللى بيبعد اكيد مش فاهم معنى الصداقة صح وكمان المشكلة هى مشاكل الحياة وصعوبتها بتاخد وقت الناس والجري على لقمة العيش

- ليه الغنى مابيسعدش الفقير ؟
** مين قال كده
فيه اغنياء كتير بتساعد لا تقيسي الامور كلها على اشخاص معينة
الدنيا فيها ناس محترمة وكويسة كتير

-ليه حظى قليل قوووى فى الدنيا مع الناس ؟
** تفتكرى ممكن الواحد فينا يصنع حظه
ويعنى ايه حظ ؟؟؟ جاوبى
اوعى تهربى من الحياة .. لازم نقاوم
لازم ننتصر
لازم نثبت وجودنا رغما عنها
اجتهدى بعملك وبحياتك وانتى اكيد هتلاقى المقابل اللى تكونى راضية عنه

- ليه القوى مايقفش مع الضعيف؟
** فيه بيقف وفيه بيكون مشغول مش عاوزين نلقى بالحمل على غيرنا
ليه منكنش اقوياء .. القوة مش قوة صحة ولا جسم .. القوة الفكرية اقوى بكتيرررروالثقة بتيجى من العقل اولا

- ليه الناس ملهيه عن ذكر الله؟
** ربنا قال لنا فى كتابة العزيز " لقد خلنا الانسان فى كبد " ورسولنا الكريم قال فى احاديثه الشريف
سياتى على امتى الماسك على دينة كالماسك على جمرة من النار
ربنا يرحمنا برحمته
ادعى لنا بالرحمة والهداية والمغفرة والتوبة وبكل دعاء يخطر ببالك

- ليه لما نحب بضمير بيكون جزئنا الأساءه؟
** اساءة ايه بس .. قلت لك متقسيش شئ معين على اشياء اخرى ولا تعامل شخص بعينه على كل الناس
خدى الامور بروح رياضية هههههههه

- فين الأخلاص..... فين الضمير ..... فين الخوف من ربنا
** والله كل ده موجود بس فيه منا محتاج اللى يوجهه
فيه منا محتاج لشخص اخر يقول له اعمل كذا وكذا
لكن فيه اخلاص وفيه حب وفيه ضمير وفيه خوف من ربنا
والدليل على كده انتى مثلا
قيسي كل الامور دى عليكى
ولو مش صح يبقى اكيد فيه خلل محتاج يتعالج
================
فين وفين وفين وفين وفين وفين وفين ؟؟؟؟؟؟؟؟؟؟؟؟؟؟؟
"يارب سامحنا" كلمات تعبر عن تقصيرنا في حق الله وضعفنا ورجائنا في مغفرة الله
- الشيطان بيلعب بينا عشان شايفنا قصاده ضعاف
** حتى لو ضعفنا لحظات دقائق ساعات ايام هيجى وقت ونرجع للطريق السليم
احنا بشر ... بشر

يارب اغفرلنا ولازم نلحق نفسنا ونتوب بسرعة لربنا ونتوب اكيد...
نتوب بجد هي الدنيا دي ملكنا لا واللهي مش ملكنا
ولازم اكيد...نتوب بجد

الشيطان بيلعب بينا لدرجة انه متحكم ضعفنا قواه علينا وخلاه يبقى متحكم وربنا شايف... كل واحد فينا ربنا حاسس ...
كل واحد فينا ولو الدنيا دي كلها علينا ربنا قادر يقوينا عليها يبقى ليه بنعصيه وهو كريم علينا
وليه بنبكي ليه لما الموت بيجينا وكده احنا غلطانين في حق ربنا خايفين من يوم الدين يارب اغفرلنا ولازم نلحق
نفسناونتوب بسرعة لربنا ونتوب اكيد...نتوب بجد
هي الدنيا دي ملكنا لا واللهي مش ملكنا ولازم اكيد...نتوب

فى الاخر باقول لك ابتسمى
ابتسمى لانك انسان محتاجة لابتسامة

تعرفى كلامك ده بيدل على انك انسانة طيبة جدا
وهو ده المفروض كل واحد فينا يعمله .. يفكر بجد
تقبلى تحياتى ايتها ....... مش هاقول ايناس الحزن
لانى متاكد انك هتبتسمى بجد
ولا خايفة اسنانك تقع ولا وشك يكرمش
ههههههههههههههههه
ولا عاوزانى اقول لزوجك الست دى نكدية ومتنفعكش.. وهانشوف هو هيعمل ايه ؟
تحيات

ذو الوجه المبتسم يقول...

نسيت اقول لك
اقرب شئ اليوم انا تعرضت لحاجات من اللى انتى ذكرتيها دي
عارفة عملت ايه بجد والله
لما احد الموظفين الكبار هنا مصري هو ومن المنصورة كمان
اتصل امبارح بالمدير العام وقال له مستر ناجى معطل الشغل ورافض ياشر لنا على طلبات شراء وكده يعنى
قعدنا اليوم بمكتب المدير وفتحت انا الموضوع بابتسامة وحولت الموضوع كله على صاحبنا كمسئولية طبعا وانه يكون المسؤل الاول امامى واما المدير عن الحاجات المطلوبة دى
عارفة قال ايه بعد ما خرجنا
بيقول لي ايوه يا صاحب الابتسامة المستمرة
ههههههههههههههههه
المهم نشغل مخنا صح
وعلى فكرة
انا كمان بازعل وباتضايق واتنرفز واغضب واتعصب
وحاجات كتير من دى
اوعى تفكرى ان الحياة كلها ابتسامات على طول او زعل ونكد على طول
شوية كده وشوية كده
علشان الحياة تستمر
ولا ايه رايك يا نكدية هههههههه

اعشق فى الليل ضوء القمر يقول...

كلماتك حلوه كثير يا إناس
قيلت الدنيا منالتدنى و الدناوه يعنى إنها رخيصه و بن ادم اول ما يتولد فيها بيبكى من وحشتها لكن بنحب العيش فيها وبنتمسك فيها من قلت يقيننا وكثره ذنوبنا وهوان معصيتنا
الدنيا بالنسبه لى ما هى إلا ظلام لا أعلم أخره نور أم سراب فى الوحل يهوى بى إلى ظلمات فوق بعض لا يجرنى منها إلا الله
مره سمعت شيخ بيقول كلمتين
الأولى لا يوجد شئ فى الدنيا حقيقى غير الموت
الثانيه لا يوجد فى الوهم شئ معلوم إلا الله
فعلا الشيطان يرانا ضعفاء وليس بقوه منه بل من هوان من داهلنا ينبعث له ضعفنا
قال الله تعالى:
وَإِمَّا يَنزَغَنَّكَ مِنَ الشَّيْطَانِ نَزْغٌ فَاسْتَعِذْ بِاللّهِ إِنَّهُ سَمِيعٌ عَلِيمٌ الأعراف الأيه 200
وقال الله تعالى ايضا :
الَّذِينَ آمَنُواْ يُقَاتِلُونَ فِي سَبِيلِ اللّهِ وَالَّذِينَ كَفَرُواْ يُقَاتِلُونَ فِي سَبِيلِ الطَّاغُوتِ فَقَاتِلُواْ أَوْلِيَاء الشَّيْطَانِ إِنَّ كَيْدَ
الشَّيْطَانِ كَانَ ضَعِيفًا النساء الأيه 76

ليه بجد الحياه وحشا علشان بنجرى وراها و عايزنها
واللى مش عايزها بتعمل فيه إيه بتجرى وراه وبتضايق عليه السبل ليه علشان بيكون عايش جواها أسير

موضوعك قوى جدا
تقبلى منى إحترامى

Nana يقول...

هي ديه الناس ماتستغربيش
احيانا تمر عليا لحظات اشعر بنفس الحيرة التي تقعين قيها الان ولا اجد حل لهذه الحيرة سوي ان الناس نسيت لماذا خلقت ولماذا تعيش فنحن خلقنا لنعبد الله ورغم علمنا الشديد بهذه المعلومه الا اننا نخطيء ونعصي لكن لا تنسي يا صديقتي ان الله يغفر الذنوب جميعا الا ان نشرك به فهو التواب الغفور العفو ولا تنسي ان خير الخطائين التوابين
اللهم انك عفو كريم تحب العفو فاعفو عنا

MISS\GH يقول...

ايناس انا بجد حاسه بيكى
ايه الحيره والتساؤلات دى كلها انا عارفه اننا بقينا فى زمن الوحوش لو طال الاخ ياكل لحم اخيه هيعمل كده بقى زمن كدب وخداع وغش وصدمات وجروح وحاجات كتير جدا مبنبقاش راضيين عنها فى حياتنا
انا بتمنى ان ربنا يتقبل دعائك ومن خالص قلبى بتمنى لكى التخلص من تلك الاحاسيس وتنظرى للحياه من زاويه اخرى
وتتمهلى وتحذرى فى تعاملاتك واتمنى لك بمزيد من التفاؤل

miss\gh

نبيلة مسعود يقول...

يارب يسامحنا كلنا يا ايناس
بس اقولك علي شي
ربنا جعل للشر مكان في الارض عشان الخير ينتصر عليه
وجعل له في قلوبنا مكان عشان نجتهد في الضغط علي الجزء السيئ فينا ونحاربه
جهاد النفس اقوي واصعب جهاد
بعدها كله بيهون
تسلمي علي الاحساس

♥نبع الغرام♥♪≈ يقول...

شجر الليمون
هههههههههههه
بصراحه انا خايبه فى اللغه العربيه مش قوى
هههههههههه
معلهش تقبل اعتذارى
ويعنى هو كان حد خد باله لاذم تفضحنى طب استر عليا
ههههههههههه
هما كده الصعايده
انا زعلانه منكم ومش هكلمكم تنى
اهىء اهىء اهىء
تقبل تحياتى

♥نبع الغرام♥♪≈ يقول...

فشكوووووووووول
وحشتنى قووى والله العظيم وفرحانه قووى بيك موت
ربنا يبارك فيك وتكون معانا دايمآ
أنا قلت برده الغيبه دى وراها الاسكندريه عروس البحر المتوسط
يارب يروق بالك
وتكون مبسوط كمان وكمان
ومنتظراك معانا على طول بلا الغيبه ماشى ياعمو
وبصراحه ده أقل واجب اعمله انى أطمن على الاب الحنون الجميل صلاح
تقبل تحياتى
إبنتك إيناس

♥نبع الغرام♥♪≈ يقول...

ذو الوجه المبتسم
أذيك وبجد بجد بجد
نورتينى موت
هههههههههههههههههه
جامده نكديه دى ربنا يبارك فيك
ويخليك
يامبتسم واشوف الفرحه دايمآ جوه عينك
هقولك بجد كلامك عجبنى قوووى
وبجد أرتحت لما لقيت تعليقك
حسيت بامل كبير والله
ربنا يسمحنا ويغفر لنا ويرحمنا ويتوب علينا
والحمد للله على كل حال
بس والله غصب عنى لو كنت كتبت كده بس كنت تعبانه
وارتحت
لان عرفت ان أصلآ مافيش حد يستاهل ان أبكى عليه
لآنه أصلآ ولا حاجه
وأشكرك بجد إنك زرعت البسمه على وجهى
ويارب يجعل أيامك كلها سعاده وفرح
اللهم أمين
تقبل مودتى واحترامى

♥نبع الغرام♥♪≈ يقول...

اعشق فى الليل ضوء القمر
أذيك أخبار حضرتك ايه
طولت الغيبه علينا
وبجد أسعدنى مرورك الكريم
وجزاك الله كل الخير على كلماتك الجميله التى بجد أسعدتنى قووى
بارك الله فيك اللهم تقبل
تقبلى أحترامى وتحياتى
سلالالالالالالالامى

♥نبع الغرام♥♪≈ يقول...

Nana
أسعدنى مرورك الكريم
وان شاء الله تتكرر الزياره وتكونى صديقه دائمة لها
ان شاء الله
ويارب يتقبل منك ومنكم
تقبلى تحياتى

♥نبع الغرام♥♪≈ يقول...

MISS\GH
حبيبتى بجد ربنا يخليكى
يارب
وأشكرك كل الشكر على مرورك الكريم
ويا رب يبارك فيكى ويخليكى
وان شاء الله تكونى صديقه معى بمدونتى
تقبلى تحياتى
وسلالالالالالامى

♥نبع الغرام♥♪≈ يقول...

سما الحب
اذيك اخبارك ايه
أرجو التواصل دومآ
وأسعدنى مرورك الكريم لمدونتى
ويارب يسمحنا جميعآ
وحسبى الله ونعمه الوكيل فى كل ظالم
تقبلى تحياتى

روابط يقول...

ربنا يسمع منك ومنا ويغفر لسائر خلقه, اللهم أمين

ما تريه غريبا وشاذا فى الناس الآن, طبيعى يا عاشقة الأحزان. فهذه أخلاق المجتمعات الرديئة

تحياتى

Hesham يقول...

عزيزتى ايناس اولا صباح الخير
ثانيا فين اصداراتك الجديده ؟
ثالثا انا سعيد بلغه الحوار المتفائل لانى كنت بدأت أقلق عليكى من رنة الحزن فى كتاباتك
رابعا بقى
عايزك تقرأى اصدار انا حاطه فى المدونه بتاعتى اسمه الأهلى والزمالك احزاب اغلبيه ومعاضه ليه بقى عايزك تقرأيه ؟؟؟
لانه مقال سياسى ممزوج بواقع رياضى لو فكرتى فى اللى مكتوب فيه بعين فاحصه ونفس محايده اولا واخيرا حتعرفى بالضبط ليه فلافيو ماانطردش وعلى فكرة الحكم مطردوش علشان ماتش الزمالك لانه لو انطرد مش حيلعب يبقى كده بركات وفلافيو بره ماتش الزمالك وابو تريكه ربنا يقومه بالسلامه ويرجعه لمستواه يبقى فى احتمال الزمالك يكسب والدورى يبقى اسمعلاوىىىى
عموما شوبيه جد بقى اقرأى الإصدار واكتبيلى تعليق طويل بلاش التعليقات القصيره الكتابه هنا ببلاش هاهاها
تحياتى واحترامى

امـنــيــتــي يقول...

اكيد انشالله بس اتمني زيارتك بمدونتي وشكرا

أحمد الصعيدي يقول...

السلام عليكم
الحقي أول تعليق

هههههههههههههههه

شمس النهار يقول...

عارفه انا ياما سألت نفسي نفس الاسأله كتير جدا
وللنهارده مالاقيتش اي اجابه وبقيت لما اتعرض لشئ يجرحني او حتي يضايقني اكتفي بكلمة حسبي الله ونعم الوكيل ووصلت لمرحلة الاحسان يعني اللي بيضايقني بدعي له ان ربنا ياخد بيده ويهديه عشان بيصعب عليه انه مش قادر يكون كويس
بيصعب عليه انه قادر يعيش بالذنوب دي انسان يستاهل الشفقه
ربنا يهدي كل عاصي وجبار

غير معرف يقول...

ربنا يغفرلنا ويسامحنا

الصراحة بووست اكثر من رااااائع

تسلم ايدك

أحمد الصعيدي يقول...

السلام عليكم
البوست اسمه الصورة المقلوبة
يعني السؤال وضح
أما الرحيل لأن القلب قد يكون قارب علي الإنفجار يعني زي عمنا نزار لما قال من أجل هذا الحب أسأك الرحيلا
شكرا لمرورك

♥نبع الغرام♥♪≈ يقول...

حازم سويلم
أهلآ وسهلآ بيك أخى الفاضل وبجد أسعدنى مرورك لمدونتى
واتمنا أن تتكرر الزياره
وفعلآ كلامك عجبنى قووى ومقنع
تقبل تحياتى

♥نبع الغرام♥♪≈ يقول...

Hesham
أذيك ياهشام
اخبارك ايه
بجد بسعد بيك قوى وبتعليقاتك اللى بجد بتسعدنى
ان شاء الله فى بوست جديد هينزل انهارده
ان شاء الله
ومن عيونى الاتنين هعمل تعليق كويس
وفتحت الميل امبارح واستنيتك وانت ما مافتحتش
تقبل تحياتى

♥نبع الغرام♥♪≈ يقول...

أمنيتى
أذيك نورت المدونه
أوعدك انى هزورها انا اصلاضيفتك عندى وبعرف كل جديد
بس بتاسف على التاخير لانى برجع متاخر من الشغل
تقبل تحياتى

♥نبع الغرام♥♪≈ يقول...

شجر الليمون
حاضر هروح
ههههههههههههههه

♥نبع الغرام♥♪≈ يقول...

شمس النهار
بجد نورتينى ياشموسه
واسعدنى مرورك الكريم
وبجد مافيش غير أحسن من كلمة حسبى الله ونعمه الوكيل
ويارب يتقبل منك
تقبلى تحياتى

♥نبع الغرام♥♪≈ يقول...

ঔღঔ نـــوارة ঔღঔ
أذيك ياقمر بجد نورتينى واسعدنى مرورك الاول وليس الاخير ان شاء الله
ومتشكره على زوقك الجميل قووى فى البجيمات
جميله قوووى
ويارب يتقبل منك
تقبلى تحياتى

♥نبع الغرام♥♪≈ يقول...

شجر الليمون
شكرآ لحضرتك
المعلومه وصلت
اصى مش بفهم قد كده
ههههههههههههه
تقبل تحياتى

هاني سعيد يقول...

امين يارب ربنا يسامحنا كلنا لاننا اكيد كلنا بنغلط ونتحط تحت ظروف ممكن تخلينا نغلط او نكاد نغلط او نفكر حتى اننا نغلط ربنا يسامحنا يارب
بس ليه يا ايناس كمية الحزن دى كلها اللى فى المدونة انا معاكى ان الحياة رخمة ولا تطاق لكن فيها حاجة او حد بسببه بنحب الحياه او عايزيين ناخد حقنا منها ونعيش اللى ماعشنهوش فيها نجرب اللى مجربناهوش قبل كدة نشوف ناس ونقابلهم نفارق ناس مش عايزيين حياتنا تستمر معاهم ونتقرب من ناس نتمنى سعادتهم ووجودهم معانا يمكن كتير بنفكر فى ناس ونحتاجلهم يكونو معانا وهما ولا حاسيين بينا ولا احنا اصلا بنخطر على بالهم لكن هى كدة الدنيا وهى كدة حياتنا لاخر يوم هنعيشه بس لازم نحلم ويكون عندنا امل ان بكرة دا هييجى لينا ومهما طال الليل لازم هيبان النهار ومهما زاد عدد الخاينيين والكدابيين اكيد فى ناس تانيين صادقيين ومخلصيين علشانهم ممكن نضحى بحياتنا وختاما اسف للاطالة وربنا يسعدك يا ايناس
تحياتى

♥نبع الغرام♥♪≈ يقول...

هانى سعيد
ربنا يخليك ياقمر
وبجد مرورك الأول أسعدنى جدآ واتمنا التواصل ددايمآ
ربنا يسعدك
يارب
تقبل تحياتى