حملة مدونتك هتنقذ طفلك

تنويه : البوست اللى فات لسه شغال

معلهش أنا قفلت التعليقات هنا

السلام عليكم ورحمة الله وبركاته

مستشفى 57357"

في مكان ما ينعم الأطفال ببهجة الحياة في مكان أخر

يصارعون للبقاء على قيد الحياة

في النهاية كلهم أطفالنا "

عمل الخير جزاءة مش في الدنيا

مفيش حد يتمنى يكون مريض أو حد من عائلته مريض بالمرض الخبيث ده

لا قدر الله الف مرة

عشان كده يا جماعة زيارة المريض و الوقوف معاه بحد ذاته جزاءة عند ربنا كبير

تعب و صوم طبعآ احتسبوه عند ربنا و ما عند ربنا خير و ابقى

الواحد هيجيلوا يوم يدور على حسنة واحدة

و ربنا يقدر الجميع انهم يشاركونا في اليوم ده

بناءأ على دعوة من الأخ الفاضل

صاحب مدونة

طهر فؤادك

http://rasoulallah1.blogspot.com/

ندعوكم لمشاركتنا فى حملتنافكرة حــــــملة

" مـــــدونتك هتـــنقذ طفـــــللك "

- اولآ أسم الحملة نابع من أن الأطفال اللى إن شاء الله هنساعدهم

(اطفال مستفى 57357 )

زى أطفالنا فواجب علينا نعمل كدة أو هنقدم حاجة بسيطة لمساعدتهم

وإن شاء الله تكون ليها أثر كبير بأذن الله وخير علينا كلنا بأذن الله

ومش تفتكروا إن مسعدتكوا دى بسيطة لا بالعكس

ومش كلامى دة كلام رسولنا العظيم ومعلم البشرية جمعاء

قال

أتى النبي صلى الله عليه وسلم رجل يستحمله

فلم يجد عنده ما يتحمله

فدله على آخر فحمله

فأتى النبي صلى الله عليه وسلم

فأخبره فقال إن الدال على الخير كفاعله
هنســـــــــــاعدهم ازاى
إن شاء الله الفكرة ببساطة إننا عاوزين كل المدونات اللى هتشارك معانا

فى الحملة دى هتحط شعار المستشفى واللينك الخاص بالمستشفى

على المدونة الخاصة بكل واحد هيشترك بأذن الله معانا

وكمان فوق الشعار هتكون كلمة

( اتبرع وانت فى بيتك ولو بجنية او دولار من هنا )

والناس الى مبتدئين فى المدونات هشرح لهم بطريقة مختصرة

ازاى هيحطوا الصورة واللينك

وهى

إنكوا تفتحوا صفحة التخطيط فى مدونتكم وبعدين إضافة أداة

وبعدين نختار من إضافة أداة اختيار اضافة صورة

وبعد كدة لما تفتح نحط فى خانة اسم النموذج الكلام اللى إتفقنا علية

وهو

" اتبرع وانت فى بيتك"

وفى خانة وصل هنحط اللينك بتاع موقع

مستشفى 57357 داااا

http://www.57357.com/Default.aspx?PageContentID=8&tabid=155
وبعد كدة هنضيف الصورة بتاعة المستشفى وهى موجودة

أعلى الموضوع بتاعى فوق

وبس وجزاكم الله خيرآ

علشان فية ناس كتيرة متعرفش عن طرق التبرع اللى هى كتيرة

ومش معروفة وممكن تحقق عائد كبير جداا جداا

ومش متركز عليها فى إعلانات التلفزيون والراديو ووسائل الاعلام

وهدفنا فى الحملة دى إننا نوضح طرق التبرع المتعددة

اللى بدورها هتجيب عائد كبير واكتر

لو كل واحد استخدم ولو طريقة واحدة وهو فى بيتة

وهقولوكوا نبذةعن طرق التبرع دلوقت
1 - البنوك

(ودى متركز عليها كتير فى وسائل الاعلام ومش هنخوض فيها ) .
2- انترنت الخير

(هنركز اكتر عليها )

يمكنك التبرع من خلال أستخدام أرقام انترنت الخير

07775757 أو

07075757 بنفس سعر المكالمة العادية

كما أنه يمكنك حساب صافى قيمة ما تبرعت به بأستخدام عداد الخير
3 - التليفون

(هنركز اكتر عليها )

يمكنك الاتصال برقم 1468 أو 2357

من أى تليفون محمول أو برقم

09009555 أو

09000957و التبرع لصالح المستشفى

اثناء استماعك للرسالة الصوتية

سعر الدقيقة جنيهان
4- بطاقة الائتمان

(هنركز اكتر عليها )

خدمة جديدة تقوم بها مستشفى 57357 لتسهيل التبرع

بالتعاون مع بنك مصر

و شركه Verisign العالمية لتأمين المواقع على الانترنت.

يمكنك التبرع بأى عملة صدرت بها بطاقتك الائتمانية

في أي بلد في العالم بما يعادلها من الدولارو

ستقوم مؤسسه فيزا و ماستر كارد بتحويلها إلى دولار

فقط اضغط على اختيار دولار

فنحن بحاجة إلى العمله الصعبة

لتمويل عملية استيراد الأجهزة و المعدات الطبية .
5 - البريد المصرى

(هنركز اكتر عليها )

يمكن التبرع فى اى فرع من فروع مكاتب البريد المصرى لحساب

رقم 26386
حملتنا على ال facebook

( ودى اهداء من مدونة قطرات ندى . جزاها الله خيرا )
اللى يحب يشارك بعمل شعار للحملة وعندة معرفة بالفوتوشوب

ويصمم شعار خاص للحملة يبقى جزاة الله خيرآ

وربنا يجعل عملة فى ميزان حسناتة أن شاء الله

واليكم لينك الجروب على الفيس بوك
http://www.facebook.com/group.php?gid=139959994897&ref=search&sid=100000133813777.2100342868..1
وبعد ياجماعة ماستعرضنا كل حاجة عن الحملة

عاوزين بقى أن شاء الله نبدأ بقى بأذن الله وتكون على خطوتين

أن شاء الله
1 - ان كل صاحب مدونة أو أى حد يقدر يساعد

أو أى حد يعرف صاحب مدونة يقولة على الموضوع

واللى معندوش مدونة ومشترك فى موقع يقدر يحط الموضوع

ويبقى عمل خير ربنا يجزية علية بأذنة تعالى

وبعد كدة نرجع للمدونين نحط زى ماتفقنا الصورة

اللى موجودة بالاعلى واللينك زى ماشرحنا عن سابق

وتخيلوا ان شاء الله لو كل مدونة زارها

فى اليوم 100 شخص او 200 شخص

وضغط على اللينك وعرف طرق التبرع واتبرع

تخيلوا الخير الى هيعم شكلة اية بأذن الله تعالى

وان شاء الله ربنا هيوفقناعلشان نيتنا خير ان شاء الله

وصدقة جارية كمان فى مدونتكوا ان شاء الله

بقول رسول الله صلى الله عليه و سلم

« إذا ماتَ ابْنُ آدَم انْقَطَع عَملُهُ إلاَّ مِنْ ثَلاثٍ :

صَدقَةٍ جارية ، أوْ عِلمٍ يُنْتَفَعُ بِهِ ، أوْ وَلدٍ صالحٍ يدْعُو لَهُ »

رواهُ مسلمٌ .
وربنا يكرمكوا يارب ويوفقكوا ويثبتكوا على العمل الصالح

وعلى شكرة وحسن وعبادتة اللهم امين

ومستنى ردود فعلكوا ومشتركين ان شاء الله فى الحملة بأذن الله تعالى

وانا واثقة أن أهل الخير كتير والمدونات برضوا عددها كبير

وإن شاء الله الخير قادم بأذن الله
(ساعدونا فى النشر ليعم الخير بأذن الله )

جزاكم الله كل خير

والسلام عليكم ورحمة الله وبركاته

الأحـــــــ إيناس ـــــــزان