الحب الحلال

الحب الحلال

الخميس، 29 أكتوبر، 2009

مش باقى منى


السلام عليكم ورحمة الله وبركاته

تنويه بسيط كده

ياريت بعد إذنكم وكلامى دا موجه لشخص هو عارف نفسه كويس قووى

اللى مش عاجبة مدونتى ولا الصور اللى فيها ولا اى حاجه مش يدخلها

أيه اللى جابرك تدخلها ما تخرج وأنت ساكت لزوم الأستظراف إية

وانا اسفه أصلى أتخنقت
والبوست اللى فات لسه شغال
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

كلمات أثرت فيا قووى يارب تعجبكم

مش باقى منى غير شوية ضى فى عينيا

انا حاديهوملك و امشى

بصبرى فى الملكوت

يمكن فى نورهم تلمحى

خطوة تفرق معاكى بين الحياة و الموت

مش باقى منى غير شوية قوة فى ردى

حسبى عليهم و انتى بتخطى

مش باقى منى غير شوية ضى فى عينيا

انا مش عايزهم

لو كنت يوم حألمحك و انتى بتوطى

فى معركة ما فيهاش و لا طايرات و لا جيش

و انتى فى طابور العيش

بتبوسى ايد الزمن ينولك لقمة

من حقك المشروع

مش باقى منى غير شرقة فى نفس مقطوع

و انا صوتى مش مسموع

يا حلمنا الموجوع

من المرور ممنوع

مستنى لم يمر موكب سلاطينكو

مش باقى منى غير شوية كفر بشروقك

على شوية رحمة من طينك

على شوية صبر من دينك

مش باقى منى غير شوية لحم فى كتافى

بلاش يتبعتروا فى البحر

مش باقى منى غير شوية لحم فى كتافى

بلاش يتحرقوا فى قطر الصعيد فى العيد

بلاش لكلب الصيد تناوليهم
خدى اللى باقى من الأمل فيهم

و ابنى لى من عضمهم فى كل حارة مقام

و زورينى مرة وحيدة لو كل ألفين عام

ألم الجراح يتلم

و مش باقى منى غير شوية دم

متلوثين بالهم

مرين و فيهم سم

و مش باقى منى غير شوية دم

ما قدركش أسقيكى مواجعهم

و برضه ما قدرش أرميكى و أبعهم

يمكن فى مرة تطلبينى شهيد

حاحتاج يوميها الدم يمضى

على شهادتى

تحياتى

إيناس