مين قالك إذا هجرت قلبى
مش هاعرف أعيش
مين قالك إذا رميت قلبى
مش هاعرف تانى أحب
نسيت إنك كنت واحد
وكنت أنا عايشه
مين قالك إذا رميت قلبى
مش هاعرف تانى أحب
نسيت إنك كنت واحد
وكنت أنا عايشه
أنا وأنت ما كنا واحد
كنت أنا .... وكنت معايا
كنت بحبك وقلبك مش معايا
قدمت ليك حياتى كلها
وأنت كلمه حلوة ما قدمتهالى
ياااااااااااااااااااااااااااااه
غرست ليك حنينى كله
وبالشوك أنت رامتنى
أفتكرت الحب كله عذاب
بس عذابك قتلنى
مش عايزاك تحبنى
من اليوم أنا بطريق وأنت بوادى
الحق عليا أنا أخترتك حب حياتى
إنسا اللى حبتك حب جنون
إنسا اللى ماتت بقلبك المجنون
من اليوم أنا حرة
وأنت سجين
يا من كنت حبيبى
إنساااااااااااااانى
كنت أنا .... وكنت معايا
كنت بحبك وقلبك مش معايا
قدمت ليك حياتى كلها
وأنت كلمه حلوة ما قدمتهالى
ياااااااااااااااااااااااااااااه
غرست ليك حنينى كله
وبالشوك أنت رامتنى
أفتكرت الحب كله عذاب
بس عذابك قتلنى
مش عايزاك تحبنى
من اليوم أنا بطريق وأنت بوادى
الحق عليا أنا أخترتك حب حياتى
إنسا اللى حبتك حب جنون
إنسا اللى ماتت بقلبك المجنون
من اليوم أنا حرة
وأنت سجين
يا من كنت حبيبى
إنساااااااااااااانى
تحياتى
إبتسامة ملاك
إيناس
إبتسامة ملاك
إيناس
.jpg)
هناك 104 تعليقات:
يامن كنت حبيبى
ممممممممممم
العنوان كويس والصوره جامده اووووى
اروح اقرء وارجع
نوسه حبيبتى
حمدالله على سلامتك وألف مليون سلامة عليكى
ربنا يشفيكى يارب ويزيح عنك يانوسه
ربنا يبعد عنك اى شر ويكرمك خير
قد ايه بجد فرحت لما بقيتى كويسه
ايون كده ارجعى ونورى زى زمان حبيبتى
الف مليون سلامة عليكى يا قلبى
يااااااااااااااااه
كلمات قويه من قلب انجرح من الحبيب
قد ايه الاحساس دا صعب لما تحبى وتخلصى وتزرعى ورود واشواق جميله للانسان يقدمملك هو بإيده الشوك والشر
قد ايه كلمات صعبه
ربنا يريح قلبك يا نوسه ويرزقك بالانسان اللى يقدر قيمة الملاك الحقيقى اللى قلبها مش موجود الايام دى
تعرفى اننا احنا فى زمن كله ذئلب ووحوش ومعتش فيه حب ولا اخلاص
كله بيضحك على كله وبيتسلوا ببعض
ربنا منتقم جبار
وحسبى الله ونعمه الوكيل
احسنتى فى كلماتك بسيطه اووى ومعبره
حمدالله على سلامتك يا غاليه
ويارب منوره الدنيا كلهااااااااااااااااااااااااااااااا
موووووووووووووووووووووواه ليكى ياقمر
انوووووووووووووس
ايه الكلام الجامده ده كله
جامده يا ايناس المشاعر دى
بس عندى ملاحظه ليه معظم البوستات عند معظم المدونين بقيت عن الفراق وهى خلاض مش بقى فيه حب ؟؟؟؟
كلامك جامد بس هو اكيد يستاهل اكتر من كده كمان
تحباتى يا قمرايه
حلوة أوى وكلماتها عذبة ورقيقة لكن المعنى يصل بسهولة وعمق..فكرة الكرامة مع الحب والهجر فكرة قديمة ولكنك عبرتى عنها بشكل جديد ومبتكر ومعانى صادقة ومختلفة.. سعدت بمرورى ووفقك الله
من يغرس الشوك لابد ان يندم يوما
تحياتى
صباح الجمال والرقه
وماذال المسلسل مستمر اليوم تدور الحلقه حول عتاب وتوبيخ الشبشب ابوصباع
جدتى الله يرحمها كانت بتقولى مثل جميل" يااااوااااااااااااد ياعصام ..... انا بقى نعم يانانا ....تقول "لاتعاتب العايب ولاترقع فى الدايب "
المهم ياملاكنا الجميل اللى ينظر خلفه كثيرا تتعثر خطواته اكثر ..... الحياه لاتتوقف عند مشكله ولا حبيب هجر عشه لاحساسه بعدم الانتماء اليه ... الحياه تستمر يلتحق بركبها كل من له امل فى المستقبل ويتعلم من اخطاء الماضى .... قطار الحياه لا يملك فرامل ولا كوابح فقط المضى بلا توقف لكى ياسيدتى الاختيار ... اما الركوب فى الدرجه الاولى المكيفه الو الرجوع الى السبنسه وكلاهما يصل فى نفس التوقيت ... حذارى من الالتفات كثيرا للورتء فقد يكون المصير اسفل عجلات القطار
تحياتى
انتى صح
مهو مش معقول كل الاساءه دى و افضل ابكى عليه و ادور
كل انسان لازم يدفع تمن غلطه
انسحابك من حياته احسن تمن ممكن يدفعه
تسلم ايدك يا قمر
اه يانى اه هو كده الحب بهدله ياملاك
تحسى بيه انك فى كوكب تانى بس تعرفى انا كده حسيت انها ظاهره
الموضوع كبير كله يحب ويعيش الحب ويرجع ينجرح الواحد يعمل حسابه بق انه مادام فيه حب يبق فيه عذاب وجرح
بس هنعيش هنعيش والى باعك بيعه
اسعدنى المرور على مدونتك وفعلا مدونه مميزه فى كل حاجه
تسلم ايدك
انا بنت الغروب ياريت تشرفينى فى مدونتى المتواضعه ردى لى الزياره
تحياتى
الله دى انا اول تعليق
طب كويس
احساس تانى انك تكونى اول من قرا البوست
سلام بق علشان متقلش
وعلى رايك يابخت مين ذار وخفف
بس احنا بلديات على فكره
انا كومان من المنصوره ياجودعان سلام بق ومنتظرين المزيد.
بعد السلام عليكم
وبعد صباح الفل والياسمين
يجى السلام على أحلى ملاك فى الدنيا
عمله ايه ياايناس أخبارك ايه
يارب تكونى بألف خير وصحه وسلامه
أنا مش معاكى فى الكلام اللى أنتى بتقوليه
لان اللى مايستهلش قلبك يبقى مايستهلش حتى تضيعى وقت فى الندم على معرفته وحبه
يولع
يرحل
يغادر بعيد عن مملكه قلبك
كلنا عرفين أن الحب على قد طعم العسل اللى فيه كمان فيه طعم المراره
بمعنى أخر العسل المر
بس نعمل ايه نصيب ومكتوب علينا كلنا لازم نشوفه ونعيشه مع ناس تستاهل بقى ماتستهلش
مش مهم المهم أننا بنعيشه واللى حظه حلو يبقى بيعيش فى العسل مده أطول
علشان لو قصه حب ناجحه أنتهت بالجواز بعد فتره مش كبيره بتبقى الحياه مرار وبيموت الحب مع مشاكل الجواز
ماديه بقى وغيره زياده ملهاش معنى وزن ولك ووجع دماغ
أنا مش متجوز والله بس شايف كل ده قدام عينى من اصحابى
ربنا يبعد عنك ولاد الحرام اللى مايخفوش ربنا
وبأذن الله نسمع عنك سمع خير قريب جداااااااا
وأبقى طمنينى عليكى متغبيش كده ياانوووووس
حبى وودى وتحياتى لأجمل ملاك عايش جواه أرق قلب
إزيك يا حبيبة قلبي
عامله إيه يا قمرايه
الله عليكى سيبك منه وخليكى معانا هنا
تسلمى ياغالي
ربنا يصلحلك الامور يا رب
ويوفقك ويهنيكى
مووووووووووووواه لمنوسه حبيبتى
باى
السلام عليكم
أحسستها قاسية...دون سبب
يا ترى ماذا فعل الحبيب(أو من كان الحبيب)حتى يستحق كل هذه الكلمات...أليس التسامح و العطاء هما الوجهين لعملة الحب..
دمتى فى حفظ الله
مش معقوووووووووول
اول تعليق عند نوسة
حلوة جدا يا نوسة
وفعلا مليانة مشاعر
بس انا عندي سؤال
عو ينفع الواحد بعد ما يحب اوي كدة
يكره اللي كان بيحبه؟؟
جميلة يا أنوسة بكتبى بقلوبنا وكأنك بترسمى أحاسيسنا كلنا
تسلمى يا قلبى ويسلم قلبك ديما
دمتى بكل الخير والحب والسعادة
حلوة اوى يا ايناس تسلم ايدك
وحشاااااااااااااااااااااااانى
مروة
حبيبتى ربنا يخليكى انا بحمد ربنا على كل حال
ربك بينجينى عشانى طيبه وماليش حظ مع حد
مروة
انا مبسوطه ان العنوان والصوره عجبوك ياقمر
مروة
ربنا يسعدك يارب فعلا كلامك كله صح وعين العقل
احنا للاسف بنجرى ورا كلاب ومش يستهلو
حسبى الله ونعمه الوكيل
لولا وزهراء
وهو احنا عاد ورينا غير الحزن والفراق
اصلنا بنعرف عالم كلاب
صبرى ابو عمر
متشكره ليك ومبسوطه انها دخلت قلبك ولمستها
تحياتى
لاسع أفندى
معاك حق يا ارق شاعر
تحياتى
عصام الدين
انت جبت الخلاص
الله يرحمها جدتك ويغفر لها
متشكره ليك ياعصام مرورك الدائم وانت بجد من الشخصيات اللى بحترمها
ويبقا التواصل بينا
صيدلانيه طالعه نازله
ربنا يريح قلبك حبيبتى ويكرمك يارب
معاكى حق لان اللى زى دا مش ينفع نحزن ونفكر فيه
بس دا مجرد رساله
بنت الغروب
حبيبتى اهلا بيكى
نورتى ياقمر
بس صديقنى الحب مالوش عزيز ولا غالى
وانتى فهمتى قصدى ايه
بنت الغروب
اهلا اهلا بأهل المنصوره بجد هزورك وعلى طول وهنكون اصحاب
يارب يديم الود بينا يارب والاخوه حبيبتى
محمد التركى
اهلا بيك اخ محمد متشكره ليك كلامك الرقيق
بس صدقنى انا عمرى ما ندمت على اى انسان واطى ومش يستاهل
حسبى الله ونعمه الوكيل ربنا يسعدك يارب ومتشكره ليك
متاخدش فى بالك
حلمى البعيد
معاكى ياقمر هنا
متشكره ليكى وربنا يسعدك يارب
واحد من البلد دى
فعل كتير وكتير
معتش حد صادق وكله بيكدب على كله
وكله بيضحك على كله
قول يارب
مجرد فتاة
انتى منوره ياجميل
مجرد فتاه
القساواه بتولد مشاعر ياما
لكن بنقول الحمد لله على كل حال
الزهرة البريه
ربنا يخليكى حبيبتى ويكرمك خير يارب
اكيد كلنا بنمر بنفس المشاعر دى
ربنا يصلح الاحوال
حنين
انتى كمان وحشانى حبيبتى
ربنا يخليكى ليا يارب
الحب قيد
والتحرر منه
كالتحرر فعلا من السجون :)
ماأصعب الذكرى التي يصعب معها النسيــان ..
وماأصعب الذكرى في ظل العيش على كنف الذكريات الاليمة ..
تحياتى يا ارق ملاك
رعـد
كل عيد ربيع وانتى واسرتك بخير حبيبتى
نوسه النوسه كونوسه
وحشتينى وحمدالله على سلامتك ألف مليون بعد الشر عنك ياقمر
يارب تكونى بقيتى احسن
كلمات صعبه كله تحدى لمن باع قلب اشتراه بأرخص تمن
ولا يهمك سيبك اللى زى دا مش ينفع تبكى او تكتبى عنه
وزى ما قولتى فى البوست اللى فات
انه دا كلب وراح
ربنا يريح قلبك ويسعدك يارب
enas
وحشتينى ياقمرى اووى
حمدالله على سلامتك ويارب تكونى بخير
ويارب يطمنى عليكى وكرمك خير يارب
وكل عيد ربيع وانتى بخير
وياريت طمنينى عليكى كفايه القلق اللى فات يا بنوتايه انتى يا قلبى انا
وداعاً إلى الأبد دون لقاء
اكتب اليك أخر كلماتى
اكتب اليك أخر اهاتى
ولتعلمى أن هذه أخر بسماتى
راحل انا ألى عالم أخر بدونك
عالم تكون فيه أنت أخر ذكرياتى
وداعاً يامن كنت حبيبي
نعيش كالبحر و نموت و اعماقنا كأعماقه لا يراها إلا من يجيد الغوص فيها
ربنا يسعدك يا نوسه معلهش اياكى تندمى على اى شىء المهم انك عرفتى الناس على حقيقتها يا حبيبتى
ربنا يعوض صبرك خير يارب
حمدالله على السلامه بجد زعلت اووى لما عرفت من هيثم
الف سلامه عليكى يا غاليه ربنا يكمل شفائك على خير ويكرمك يارب
كلمات جميله رغم ما تحمليه من ألالم يا نوسى
ربنا يزيح عنك اى شر ويبعد عنك ولاد الحرام
هو كده دايمآ الناس الطيبه اللى زى حلاتك مالهمش حظ مع حد
المهم انك تتعلمى من اى خطأ حصل ليكى
وإياكى تأمنى لأى بنى ادام لانهم كلهم ذئاب فى صورة بشر
ربنا يعزك يارب
وخلى بالك من نفسك
بحاول اطمن عليكى
وتليفونتك كلها مقفوله
يارب تكونى بخير
الله عليكى يا ابداع احساس رائع يا قمراية
وحششششششششششانى يا ننوستى جدا
حلو كلامك اوى وصح جداااااااا انا معاكى اللى يبعنا ميستاهلش نفكر فيه اصلا
انوس يا قمر
كلامك وجعني اوي
بس على فكرة دي حال العصر ده دلوقتي الغش والخيانة والتمثيل
وانا من را]] اللي يبيعك دوسه وارميه من قلبك ونظرك وتفكيرك
لانك حد جميل ويستحق احسن حب واجمل واطيب قلب في الدنيا
تمنياتي ليكي انك تلاقي قلب يشتريكي ويحبك بجد ويحميكي ويصونك ويخاف عليكي
تحياتي
السلام عليكم
ازيك نوسة اخبارك ايه
انت رحتي تشتري شبشب لائيته غالي اتأخرتي كتير
المهم رجعتي بالسلامة حمدلله ع السلامة
ربنا يرزقك يا نوسة بالخير ديما مش شرط انه اول حبيب خان وباع نفضل نكتب عنه طول العمر هو ميستهلش انك تبالي به وعلاقته بك ارميه
اعلم ان الذكريات تتوج قلبك لذا اعطيه فرصة تانية واجعليه يحب بالخير ان شاء الله
دمتي بحب وسعادة
كلماتك راائعة وجامدة
ازيك يا احلى انووسة مالك بقيتي بتغييبي كتيرررر يارب تكوني بالف خير
كلماتك جميلة ومؤثرة جدا
ربنا يعوض صبرك خير
دمتي بالف خير
اموووووووووواه
بعد السلام عليكم
عرفت من خلال تعليق الاخت (مروة )
(أنه قد ألمت بك مله
فأسرعت ادعوا الشافى
أن يزهب عنك تلك الغمه
لتعودى للخل والخلان
ونصبح بعد الفرقة لمــه )
كلماتك جميله تفوح من معنيها احاسيس أجمل وأن كانت التجربة مريرة
فالعيش فى وهم الحب أمر
تحياتى ودعائى لك بدوام الصحه والعافية
ملحوظه :.
لماتشدى حيلك مستنى زيرتك لمدونى المتوضعه
مين قالك إذا هجرت قلبى
مش هاعرف أعيش
مين قالك إذا رميت قلبى
مش هاعرف تانى أحب
........................الظن هو اللى قالوه
تحياتى للكلمات اللى مكتوبه بقلب جامد
صعبه كلماتك بس يمكن عندك حق لا دا أكيد ماحدش بيعرف يوصف جرح حد
وأنا كمان بقول يا من كنت حبيبى انسانى
المرة اللي فاتت كان بالشبشب المرة ديه تقدمنا..بقت بالباليرينا ^_^
حسيتها اغنية..مع الني مش عارفة هتتغنى بأنهي تلحين..
شدتني جملة..مش عاوزاك تحبني
شكلها كانت شايلة اوووووي..بس العذاب مبيموتش بيشوه الروح بس..
تحياتي
رضوى
انا كتبت تعليق
بس ما ادري وين راح
احيانا
حينما يكون الحب حقيقيا
يغير حياتنا الى الافضل
ويساعدنا على النجاح
واحينا اخرى
حينما يكون الحب زائفا
يحول حياتنا الى جحيم
ويرمي بينا في هوة الفشل :)
انووووووووووووووش
بجد وحشانى
اية اخبارك
كلماتك ديما جميلة وحساسة
مساءك سكر
الف سلامه عليكى يا قمر
شفاكى الله وعافاكى
أكيد كلماتك توجع بس أكيد إلى يوجع أكتر إنك تزعلى على حد ما يستهلش
ربنا يفرح قلبك يا حبيبتى ويرزقك بإلى يسعد قلبك اللهم أمين
ازيك ايناس
احساس قوى وجامد
بس شكله يستاهل ههههههههه
ربنا يوفقك
تحياتى لك
أقصوصه
معاكى حق ياقمر
نورتينى وحمدالله على سلامتك حبيبتى
غير معروف
متشكره ليك مرورك يا رعد
نور العيون
الحمد لله حبيبتى بقيت احسن
وانتى كمان وحشانى يانورهان
نور العيون
وانتى طيبه ياقمر
نور العيون
ربنا يسعدك يا نورهان
ونحمد ربنا على كل حال
نداء
وحشتينى انتى كمان ياقلبى
وكل سنه وانتى بخير وبصحه
انا بقيت احسن مش تقلقى عليا
نداء
قد ايه الاحساس دا بيكون صعب اووى
يارب ما يكتبه على حد
ويكفى الظلم وربنا وحده منتقم جبار قادر على كل شىء
نداء
ربنا يسعدك ويريح بالك انتى كمان حبيبتى
أنت عمرى
سلامه الغالى
ربنا يخليك يارب
عارفه انك قلبك طيب
أنت عمرى
الحمد لله على كل حال
ومتشكره ليك مرورك الجميل اللى بيدينى انطباع خاص
مى
يويو حياتى
وانتى كمان وحشتينى جامد
واللى يسبنا يغور فى داهيه
موووووووووووووووواه
زهور الامل
ربنا يخليكى يا ارق زهره
يسلمك احساسك الجميل
بتمنالك حياه موفقه ياقمرتى
ذكرى رحيل قلم
وعليكم السلام حبيبتى
معاكى حق الشباشب تمنها اغلى من الناس اللى بتجرح فى خلق ربنا
ذكرى رحيل قلم
انا مش بكتب عشان انسان انتها انا اللى بيخرج من حياتى بدوس عليه بالجزمه
لانه مش يستاهل اى تفكير حتى
حسبى الله ونعمه الوكيل
نواره
حبيبتى
ربنا يخليكى ليا ولا اتحرم منك
انا كويسه اهون مش تقلقى
مووووووووووووووووواه
صباح الخير
ربنا يعزك يا فندم
ومتشكره لحضرتك دعائك الجميل دا اللى طالع بصدق من قلبك الطيب
ربنا يتقبل منك يارب
نورتنى واسعدتنى بمرورك الجميل
دمت بكل ود
ويل
ربنا يخليك يارب ويكرمك خير
نورتنى
بن الخطاب
اهلا بيك اخى الفاضل
متشكره ليك مرورك ومشاركتك الجميله
طالبه مقهوره
ههههههههههههههههههه
ماشى يا رضوى
ايه الجمال دا
البلرينا غاليه خساره فى الاشكال دى
المهم سيبك انتى اخبارك ايه
نورتينى وكده كده لاذم تعدى عليا على طول احسن ازعل منك حبيبتى
مووووووووووووووووووواه
أقصوصه
حبيبتى تعليقك موجود
بس احسن لانك جيتى مره تانيه
نورتينى ياقمر
إمرأة من تلج
بطوطه وحشانى ياقمرى
انا كويسه
ربنا يخليكى ليا يا قمر وخلى بالك من ريمان
مودتى
مرايتى
ربنا يسلم عمرك يارب من كل شر
تسلميلى يا غاليه
الحمد لله على كل حال
نورتينى اوووى
ذو الوجه المبتسم
ناجى الجميل
اهلا اهلا
انا كويسه ياقمر ومتشكره ليك مرورك
ويبقا التواصل
إبتسامة ملاك ...
أحييكى على كلامك القوى القاسى الصريح
المتناقض ( السهل الممتنع ) الذى يعبر عن:"القوة والضعف - الحب والكره- اللهفة والبعد - الحنين والجفاء - السعادة والشقاء - اللقاء والوداع- إتنين وواحد " .
معبرة بشكل صادق ياريتك تكمليها لأنها زىماتكون وصلتينا لقمة جبل وتركتينا نسقط سيبينا شوية نستمتع بالمناظر من فوق الجبل يابخيلة أرجوكى كملى القصيدة.farouksam.blogspot.com
السلام عليكم
حمدالله على سلامتك
ربنا يشفيكى يارب وتقوميلنا أحسن م الاول
بس ياريت ماننكرش ان اللي عشناه ف ايام الحب هنتندم على اننا ضيعناه
وهنحس بمرارة الحرمان بعد الامتلاك
لا تعطي قلبك الا لمن يستحقه يا انوسه
كلامك بجد جامد للي فعلا يقراه كويس
تحياتي ليكي
ويارب تكوني دايما بخير
tagskie
Michl your password to you beautiful happy time for you and a downright Hezwrk Norte
المفروس المتحزلق
اهلا اهلا بأستاذى الفاضل نورتنى للمره التانيه
والله يا فندم دا شرف ليا كلامك الجميل ومبسوطه اووى انها عجبتك
ربنا يبارك فى حضرتك
ومتشكره ليك
وان شاء الله اوعدك للاحسن
نورت يا فندم
مصعب صلاح
الله يسلمك يا مصعب ربنا يخليك
قد ايه فرحت لما شفت تعليقك
ربنا يديم الود والاخوه بينا ومش جديد عليك انك تدعيلى يا ابوقلب زى الورد
دمت بكل الخير
beautiful mind
ربنا يخليك ياقمر
متشكره ليك
انا كويسه الحمد لله
تحياتى
مش مهم هو سجين المهم انك حرة
انوووووووسة بجد بجد بجد وحشاني معلش علي تقصيري معاكي ومع ناس كتير
معلش بقي
المهم
مش بحب ادخل الاقيكي كاتبة حاجة حزينة
بس ع العموم اي حد جارح بيقابل الحب بجرح وبخيانة يبقي يستاهل كل اللي يحصله ولا زم يتنسي ويتمسح م الحياة كلها
يا رب حبيبتي تكوني بخير ديما
موووووووووووواه
سهاد
ازيك يا انوسه يا قمر
حلو الكلام بس كله حزن وجرح بس اكيد مش انتى اللى حزينه ولا جريحه اللى خسر وباع طبعا هوة المجروح والحزين
تحياتى يا قمر
ميرا
كثييييييييراً مانعطى قلبنا لمن لا يستحق
ولكن اسوا شىء ان نتمادى فى حبه ونحن نعلم جيدااا انه لا يستحق
بوسن جميل ياانوسه
دمتى بووووووود
إبتسامة ملاك
حبيبتى سلامتك الف سلامه
بعد الف الشر عنك
مش بقولك تاخدى بالك من نفسك ومن صحتك؟
معلش حبيبتى بس خدى بالك من نفسك بقى وخدى العلاج وانا هبقى اطمن عليكى
انا فى المنصوره الايام دى على فكره ومدخلتش نت الا الوقتى وشوفت تعليقك
بجد وحشانى اوى حبيبتى وبجد زعلتينى عليكى
ربنا يشفيكى يا رب وتبقى كويسه وتخفى بسرعه اوى
حبيبتى سلامتك الف سلامه
بعد الف الشر عنك
مش بقولك تاخدى بالك من نفسك ومن صحتك؟
معلش حبيبتى بس خدى بالك من نفسك بقى وخدى العلاج وانا هبقى اطمن عليكى
انا فى المنصوره الايام دى على فكره ومدخلتش نت الا الوقتى وشوفت تعليقك
بجد وحشانى اوى حبيبتى وبجد زعلتينى عليكى
ربنا يشفيكى يا رب وتبقى كويسه وتخفى بسرعه اوى
السلام عليكم
الف سلامة عليكي يا نوسة
شفاكي الله وعفاكي من كل داء وسقم
دمتي بخير وعلي خير اتركك دائما
ما اجمل كلماتك يا ايناس
سلمت يداكِ
تقبلي مروري
السلام عليكم
ازيك يا انوسه
يا رب تكونى بخير يا قمر
.
.
الجزاء من جنس العمل
اللى يجرح يستاهل التجاهل
ودى واحترامى :)
فاروق بن النيل ...
ملاك يعيش بكوكب آخر ...
إيناس ...
لماذا تتركى تعليقاتك بسرعة وتجرى دون أن تقرأى الموضوع فقد كتبته وحدث خطأ بالمسودة وهو موجود الآن أرجوكى إقرأيه وشكرا لكى لاتنسى تعليقك على باقى الموضوعات يامشغولة أوى
فاروق
العيسوى الصغير
نورت ياقمر
نهر الحب
وانتى كمان حبيبتى وحشانى اووى
ربنا يديم الود بينا يارب
ذكري رحيل قلم
الله يسلمك يارب من كل شر
ربنا يسعدك ويوفقك
ريمان
ربنا يخليكى ليا يارب ويحفظك من كل شر
ومتشكره ليكى على سؤالك
ومش تقلقى انا كويسه
خلى بالك من نفسك
اقدم عاصمة فى الحب
ربنا يخليك يارب ولا اتحرم من مرورك الطيب
محمد عبد الرحمن شحاته
متشكره ليك يا قمر
فاروق ابن النيل
اسفه والله
عامة حصل خير
دمت بكل الخير
إرسال تعليق