الحب الحلال

الحب الحلال

الاثنين، 19 أبريل، 2010

غلطانه يا أمى

معلهش هرجع تانى مش تقلقواعليا
أحبكم فى الله
**************
غلطانه يا أمى فى يوم على الطيب ربتينى

بتحسبى ناسى مثل ناسك طيبين

قالتلى سامحى يا بنتى كل من غلط بحقك

الناس بتخطىء وهم عن القصد ساهين

مسكينه يا أمى من غير قصد ظلمتينى

مش عارفه يا امى أن الطيب وحده المسكين

هذا يا أمى واقع زمانى

نفسى اللى اليوم بيضحك

بكره يطعن بسكين

ღღღღღღღღღღ
كلمات عجبتنى من واقعنا المرير
معظمنا مارينا بها
/

\

/

\

الملاك الحزين

إيناس

هناك 73 تعليقًا:

الملاك الحزين يقول...

اول تعليق

لـــــــ



القلب المجروح

ღღღღღღღღღღ


الملاك الحزين
ايناس

bentelghrob يقول...

السلام عليكم ورحمه الله وبركاته
ازيك ياايناس
انا اسفه انى اتاخرت عليكى لكن والله لظروف خارجه عن ارادتى محدش يمر على مدونتك الا ويحب يقعد فيها على طول
تقريبا كده الطيب فى الزمن دى بيقولوا عليه ضعيف وميعرفوش انه باخلاقه عفيف
ربنا يسعد ايامك
بجد بوستاتك بتعبر عن مواقف بتحصل لكل واح فينا بس ساعه الالم مبنعرفش نعبر زيك
تعرفى ان الكلمه هيا اخطر مخلوقات الوجود بيدها امكانيه الهدم والبناء
كلمه تديكى بارقه ياس وتحول مودك وكلمه تانيهتديكى امل وتفاؤل
كلماتك بتوصل للقلب لانها لغة زماننا دلوقتى
خلى بالك من نفسك
وصدقينى لازم نتغير الحزن دى بيهد مبيبنيش
كانى بكلم حالى معاكى
احنا محتاجين ثورة تغير تفوقنا وتخلينا ناخد الامور ببساطه
ربنا يكتب لك السعاده فى كل احوالك ويعيننا على الزمن ده
تحياتى

دندنة قيثارة الوجد يقول...

كلمات حلوة صحيح .. لكن هي على حق بس الناس أغلبهم مش على حق.

تحية ود وتقدير لك غاليتي إيناس

ليله شتاء يقول...

السلام عليكم

أزيك ياأنوووس
الطيبه مش حاجه غلط نندم عليها بس لازم يكون فى حوار مع النفس لتقيم علاقتنا بلأخرين وتحديد من يستحق التقرب أليهم ونفيض عليهم حنانا وطيبه ومن نبتعد عنهم ولا يستحقون منا معرفتنا بهم


"يارب أن ضاقت قلوب الناس بيا فعفوك لا يضيق""

يارب يملأ أيامك بالخير والسعاده دائما


دمتى بخير

الملاك الحزين يقول...

bentelghrob


حمدالله على السلامه حبيبتى بجد وحشتينى اوووووووى

نورتى الدنيا كلها وان شاء الله مافيش غياب تانى وتفضلى معانا

معاكى حق ده حال كل حد فينا واكيد لو كتبت اى حاجه بكتبها من ظلم الناس واللى بشوفه قدامى بجد ماليش حظ مع حد وتعبت اووووووووى
وفعلا محتاجه اكون مع نفسى عشان اخد قرارات مهمه اوووى
ياريت تدعيلى حبيبتى

ربنا يريح بالك وقلبك الطيب يارب ويحفظك
نورتى

الملاك الحزين يقول...

دندنة قيثارة الوجد


معاكى حق فعلا احنا على حق
ومعظهم مش على حق
ربنا يهدى الجميع يارب ويحفظك يارب من كل شر حبيبتى

الملاك الحزين يقول...

ليله شتاء


"يارب أن ضاقت قلوب الناس بيا فعفوك لا يضيق""


فعلا حبيبتى اكيد كلنا محتاجين واقفه مع النفس عشان نراجع نفسنا ونلومها على اخطاء فى حق نفسها
ربنا يسعدك يارب حبيبتى
وحشتينى جامد

فشكووول يقول...

يا ايننناس

الست الوالده مش غلطانه
الطيب طيب .. والخبيث خبيث
وامك رباتك على الطيب .. ودا الصح
واذا كان الزمن هو اللى خبيث .. اجرك حيكون عند ربنا واجر والدتك عن ربنا كبير
المفروض كلنا نكون طيبين
والخبث هو النشاز

الشاعر الفنان أحمد فتحى فؤاد يقول...

إيناس الملاك الجميل
أبدا ما غلطانة أمك
الغلط في الناس فينا إحنا اللي سمحنا للشر يكون صوته أعلي من صوت الخير
لكن الخير موجود
وكما قال رسولنا الكريم الخير في وفي أمتي إلي يوم الدين
كنت اتمني أشوف أمي ولو ليوم واحد عشان تقول كل اللي هي عايزاه لكن قضاء الله
دمتي بخير وحب و سعاده و ربنا يبعد عنك وعن كل الناس أي لحظة ألم
أمين يا رب العالمين

مصعب صلاح يقول...

السلام عليكم
الطيبة نعمة الام ربتها فيكي بس السذاجة هي اللي مرفوضه
---
اتمنى من حضرتك تجوبي ع التاج

نـــوارة يقول...

انووووووووسة

بالحضضضضن ياقمر

وحشاني مووووووت طبعا بس اعمل ايه المنتدى ماخد وقتي ومش بدخل التدوين هالفترة يمكن اخلص من الملل وارجعله تاني

المهم ازززززززيك ياقمراية

رجعتي تاني للحزن

معرفتكيش لما لقيت الملاك الحزين قلت مين دا هههههههههه

^ـ^

نـــوارة يقول...

الكلمات جاامدة موووت

مهما قالوا عالطيب اهبل او ضعيف انا راضية بالطيبة لانها الصفة الي اتربينا عليها

والغلط مش فينا الغلط بالناس الي بقت مش بتحب الخير لحد

ربنا يفرجها علينا

ربنا يسعد قلبك ياقمر ويبعد عنك كل المخادعين

امووووووووووووواه

موناليزا يقول...

أحييكِ على أمانة النقل وحسن الاختيار

ماتزعليش ياحبيبتى احنا لسه فى الدنيا يعنى توقعى اى حاجة

AhMeD RaDy يقول...

ايناس

السلام عليكم اولا

الرد المرة دى ييمكن يكون سخيف

لكن ليه بقى الانسان يولم على الام او الاب

يعنى لو كانوا ربو الانسان على الشر كان هينبسط ابدا برده كان هينتقدهم ..الانسان اللى بينتقد مامته هنا.. بينتقدها لانه انجرح او لان موقف سخيف حصل معه .. موز واشطاط لكن الانسان دا ما ساليش نفسه ليه دا حصل ..؟؟؟

فين العقل والتفكير ..الاب والام مش هيفضلوا واصين علينا .. ومهم كان .. فاعتقد ان تربيتهم ووضع الطيبة والمشاعر الرقية .. مش ذنب نحسابهم عليه

دا راى

سبايدرمان يقول...

كلمات حلوه و في محلها
^_^

Ms Venus يقول...

ايناس الجميلة


الكلام صح مع الاسف


لكن بردو لا يصح الا الصحيح دايمااا


وردة جميلة ورقيقة لعيونك يا قمراية

اقدم عاصمه فى الحب يقول...

السلام عليكم

؟؟؟؟؟؟؟؟؟؟
وانتى هتروحى فين اساسا
فكرى تانى يا ايناس
انتى مش ضعيفه
كله بيعدى وانتى مؤمنه
تمنياتى بالسعاده معانا او مع غيرنا
المهم انك تكونى سعيده وفرحانه يا اجمل مدونه فى الدنيا :)

beautiful mind يقول...

انوسه
ازيك
فعلا كلمات جميله ومرة في نفس الوقت
بس صدقيني الواقع امر من كدا بكتير
تسلم ايدك يا انوس
ويارب تكوني بخير

زهور الامل يقول...

الكلمات حلوة بس صعبة
انا ليا راي تاني خالص
ان كل اللي ظلمني اقول فيه حسبي الله ونعم الوكيل

وابقى افضل واحسن منه

تحياتي

Tarkieb يقول...

كلام الام كان في زمن كان الهرم فيه معدول...دلوقتي صحيح مش ماشي بس اكيد حيجي يوم ويتعدل الهرم وح تعرفي انها كانت على حق...لو كل ام عملت كدة حتكون اليوتوبيا ع الارض...

لولا وزهراء يقول...

ايناس
انتى عارفه على طول اقل لماما انتى ربتينى غلط ياريتك خليتنى اتعلم ازعق واشخط واعلى صوتى واخد حقى من اللى يظملنى لكن للاسف علمتينى ان ربنا هو القادر ياخد حقى من اى حد علمتينى ان الادب فضوله عن العلم

انوووس ماما مش علمتك غلط بس والله كل اللى قالته هو اللى صح
بس للاسف نسيت تقولك ان الطيب فى الزمن ده مش له اى نصيب
ومش له نصيب مع البشر لكن انتظرى الخير من الله

فى جمله حلوه اوى بتقول الخير الذى تفعله اليوم ربما ينساه الناس غدا ومع ذلك افل الخير على اية حال

انووس اتمنى لكى السعاده الدائمه واحلى تحيه لماما اوعى تنسى تبلغيها سلامى

زهراء

م/محمود فوزى يقول...

السلام عليكم
ازيك يا ايناس
معلش انا مختلف معاكي
الطيبه شئ جميل ولازم تبقى موجوده فى الناس
من غير الطيبه الدنيا هاتكون صعبه ويمكن مستحيله

الطيب على فكره مهما اتعرض لمشاكل هايفضل برضه فى عيون الناس هواللى كويس
هايبقى كويس فى نظر الخبيث قبل الطيب

لكن برضه فيه حاجه ان الطيبه مش المفروض انها تبعدنا عن اننا ناخد حقنا
او اننا نسيب حد يضحك علينا
ممكن صحيح تحصل لنا مشاكل وده بيحصل للكل
لكن نتعلم من اخطائنا

ربنا يكرمك ويسعدك ويوفقك

ريمان يقول...

السلام عليكم


ازيك يا انوسه

عامله ايه حبيبتى

بجد وحشانى اوى

يا رب تكونى بخير يا قمر

ابقى طمنينى عليكى دايما


والله هى مش غلطانه بس هى فكرت اننا عايشين فى زمن مثالى كله طيبه وتسامح وخير


العيب بجد فى الناس والله بقت الطيبه عندهم سذاجه والتسامح عندهم بقى عبط



يلا معلش


كله عند ربنا مش بيضيع


اه والله


المهم خلى بالك من نفسك كتير

ويا رب دايما كده اشوفك كويسه وسعيده

نداء يقول...

ايناس

هتروحى فين
وهطمن ازاى طب فون وقلت ماشى
وميل وقلنا برده ماشى

طب ليه؟؟؟؟؟؟؟؟؟؟؟؟؟؟؟؟

نداء يقول...

لو هترتاحى مافيش مشكله بس اتمنا انك متكونيش زعلانه من حاجه يا ايناس
ياريت تخلى بالك من نفسك حبيبتى
وياريت لو فى فرصه اطمن عليكى

نداء يقول...

امك عمرها ما كانت غلطانه

لانك لو ماكنتيش طيبه ما كنتش حبيتك يا عمرى

انتى حبيبتى

العيب مش فيكى العيب فى الناس المزيفه اللى عماله تجرح فى خلق ربنا
واكيد مش هنقول غير حسبى الله ونعمه الوكيل حبيبتى

اياكى تندمى على اى طيب عملتيه يا ايناس يا قلبى
ربنا يهنيكى يارب ويسعدك ويطمنى عليكى يارب

غير معرف يقول...

انتى احسن من غيرك بكتير

ولو كنتى جاحده
ما كنتيش طلعتى الكلام الحلو ده

انا معاكى ان الواقع مرير وامر من كده

بس احمدى ربك انك طيبه يا طيبه

مودتى


رعد

نور العيون يقول...

وحشتينى

انا جايا عشان اقولك وحشتينى الاقيكى ماشيه

ليه بس

عامة ترجعى بالسلامه وانا كمان بحبك فى الله

ربنا يكرمك يارب ويوفقك

نور العيون يقول...

"غلطانه يا أمى"

طنط ام هيثم عمرها ما كنت غلطانه هى ست عظيمه انها جابت لينا ملاك على هيئة بشر

متزعليش يا نوسه مش لوحدك احنا كمان بنتألم من طيبتنا اللى تعبانه اووووووووووووى

بس احنا احسن من غيرنا بكتير على الاقل مش جاحدين ولا بنحس بالغير
بحبك يا اغلى نوسه بالدنيا كلهااااااااااا

ذكري رحيل قلم يقول...

السلام عليكم

عندك حق يا نوسة ناس ومن امهتنا غير ناس زمنا
بس برده هما ربونا علي الخير عشان قلبوبهم طيبة وستظل طيبة لا تعرف شيء عن الحبث والدهاء والمكر لناس انهارده ربنا يبعدهم عنا ويئربنا من الخير

دمتي جبيبتي بخير

فاروق بن النيل يقول...

إيناس الملاك الحزين اللى عايش معانا
ومؤانسنا .. آسف جدا على التأخير موش ذنبى اللاب توب مزرجن من الظهر عن النيت لا بيفتح ولا بيقولى أى حاجة وموش عايزنى أكتب تانى شعر والله كلامك غلط جدا عن أمك هى قالتك الصح لكن إنتى ياستى ماقابلتيش ناس صح ولا حتى بنى آدمين إنتى قابلتى ناس تانيين موش من كوكبنا صدقينى من زرع حصد يعنى اللى بيشيل قربة مقطوعة لازم وحتما تخر عليه والله كلامك زعلنى جدا وحساس وصعب اليأس يابنتى ده من كل الناس فيهم الحلو وفيهم الوحش وعلى رأى المثل " إعملى المعروف أو الخير وإرميه فى البحر " على الأقل يستفيد منه السمك
وعندما يصطاده الغلبان حايوصل هذا المعروف لواحديستحقه شوفى ماما كان قصدها إيه يعنى يمكن إبن الغبى ده يطلع أحسن من أبوه ويردلك المعروف الطاق طاقين روقتى بقى ولا لسه شكرا لك وعلى فكرة أضفت أربعة أبيات جديدة حاتعجبك للقصيدة" همه فين "

assafo anaroze يقول...

انوس العزيزة دوما رغم انك مبتساليش من فترة كبيرة
لن اقول لك كما تسمين نفسك الملاك الحزين بل الملاك السعيد جدا جدا باذن الله
لان الحزن عزيزتي و الفرح نسبيان و لا يدومان ابدا مرة فرح و مرة ترح
صحيح ان الدنيا دلوقتي الطيبين فيها قليلين بس لسه الطيبة موجودة واسالي قلبك الطيب راح يدلك
امك لم تغلط ابدا في حقك بل ادت ما كان يجب عليها ان تؤديه من واجب مفروض عليها انها تكبر و تعلم اولادها الفضيلة و الحنية و الطيبة و الاحساس الجميل بكل الناس
اظن لسه فاكرة حد اسمه اسافو ابقى اسالي يا بنتي راح تنالي الثواب الجزيل
مودتي

سجود يقول...

السلام عليكم
الطيبه مش عيب يا انوووووووسه
الشمكله في المجتمع حوالينا لما بيشوف واحد طيب مش بيصدق انه طيب فبيفكره خبيث وبيستعبط وبيعاملوه ع كده للاسف
لحد ما يبدا يتحول ويبقي شبه الناس
وحشااااااااااني يا انوسه

مرايتى يقول...

أنوسه

يمكن يكون ده مش زمن الطيبين بس صدقينى إنك تكونى طيبه وسط بشر قاسين مش ضعف
يكفيكى إحساسك إنك لسه بتمتلكى قلب ينبض بالحياه ليس فقط يعيش هذه الحياه
حتى وإن كان يعانى ولا يجد له فى وسط البشر مكان ولا ينعم بما يراه فى عيون من لا يمتلكون قلوب
ولكنك تمتلكين قلبا يعرف للحب عنوان ويعرف للأسى طعم ويعرف للحزن مكان
يعنى أبشرى أنك تتألمين لتشعرى بقيمة الفرح حين يأتى إليك وحتما سيأتى لأن موزع الأرزاق ومدبر الأكوان هو من شاء لهذا أن يصيبك

عمر الطيبه ما كانت غلطه رغم كل إلى بيشوفه الطيبين
قناعتى

ربنا يسعد قلبك يا حبيبتى ويبدلك خيرا

غير معرف يقول...

فعلا الطيب في هذا الزمان مسكين


كلمات راااااااااااائعه


روان

مروة يقول...

ممممممممممممم


ممكن اعرف هتغيبى ليه

وايه مزعلك


عامة هعرف

؟؟؟؟؟؟؟؟؟

خلى بالك من نفسك

سلام حبيبتى

مروة يقول...

الطيب باقي الى قيام الساعه ولاتندمين على طيبتك بالعكس استمري طيبه مثل ما انتي

لان الطيب هو الي ينتصر بالاخر .
هذه الكلمات الحلوه كلام من ذهب

دعاء العطار يقول...

ازيك يانوووووسه

هى مامتها مش غلطانه ولا هى غلطانه

كفايه انها انسانه عندها مبادىء حتى لو الزمن ده ماينفعش معاه كده

لان بعد كده كل حد هيتسال عن نفسه وعمله وبسسسسس لكن مالهوش دعوه بغيره

فده عزائها الوحييييييد فى الزمن ده

تحياتى ياانوسه

sweet angel يقول...

مش عارفه اقولك اية بصراحه

ربنا يرزقك السعاده
ويهون علينا كلنا الأيام دي

مصعب صلاح يقول...

على فكرة انا مستسلمتش
ولو هناك غتت فانا الغتت
ومستعد اني ااصر المدونة 24 ساعة وقواتي تحكم المنطقة كلها
والمدونات التانية كمان
بس انا مشغول ف الثانوية العامة
يعني هدنة قصيرة وراجع
وهكون اشرس
مع احترامي الشديد لمعاليكي
انتي مش قدي (انتي اكبر مني بكذا سنة)
وانا محتل غاصب
واستونونا ف الحلقة الجاية
مع تحيات الجنرال مصعب صلاح

محمد عبدالرحمن شحاته يقول...

كلمات في غاية الروعة والاحساس

تقبلي مروري

ومعذرة على عدم متابعتي في الفترة الماضيه

همس الاحساس يقول...

هاى يا نوسه


ازيك يا قمر وشو اخبارك

بجد الام غالية

احيانا تغلط بحقنا

لانها نفسها تشوفنا باحسن حاالى

يمكن اختلاف الجيل بيخلى فيه مشاكل وعدم توافق الاراء لكن بالاخر امـــــــى


ربنا يخليها ليكى يا قمر


شكرا على زيارتك التى جعلت الشمس تشرق من جديد بمدونتى


لكى كل احترامى

اختك

همس الاحساس

صيدلانيه طالعه نازله يقول...

للاسف ده فعلا اللى اهلنا طلعونا عليه
و نسيوا ان الزمن غير الزمن
و عشان كده بتتعبى و انا بتعب
بس خلاص يا نوسه مش حينفع نتغير

كيكى عوووووو يقول...

ممممممممممممممممممم
ايناس




ركزى معايا شوية






مركزة




اضحكى كدة



ايوة اضحكى

طب ابتسمى ابتسامة خفيفة كدة



ايه حاسه بايه


افررررررررررحى شوية
واضحكى حتى لو كنتى موجوعه وغيرتى اسمك ليه؟؟

حصان المرجيحة يقول...

تصدقي اني بحب اتكلم مع امي جدا
و انتي فكريتيني بنفسي
تسلم ايدك

أحــوال الهـوي يقول...

يا ايناس
ازيك ......
سؤال بيتكرر دايما عندي

دموع القمر الملاك الحزين

ليه دايما بتقرني اسمك بالمصطلحات دي

ممكن الملاك الجميل
او ضوء القمر



و عبري عن كل شئ بعد كده

خليكي متفائله

تحياتي

ليله شتاء يقول...

السلام عليكم
أزيك ياأنوس كنت عايزه أعرف رابط مدونتى عنك شغال ولا لأ يعنى لما بنزل حاجه جديده بيظهر عندك علشان عندى مشكله فى أضافات الرابط

بــــ الخطاب ــن يقول...

كلمات جميلة ومعبرة
بس انتى رايحه فين

شريهان يقول...

كلمات مؤلمة

بس حلوة
ايناس
قريت بحث من فترة بيقول ان السعادة

تيجى لنا لما نقرر نكون سعداء يعنى يا قمر لما تلبسى هدومك وتتشيكى كده وتقولى انزل اشم شوية هوا وانشالله اكون سعيدة حتلاقى نفسك بتحسى بده جربى مش تخسرى حاجة

طوبه فضه وطوبه دهب يقول...

هى ما غلطتش يا ايناس هى عملت اللى عليها ويسلم يارب اديها ويارب يكرمك وتربى انتى ولادك ذى ما ربت هى صحيح فى قيم ومعايير اتغيرت لكن هى ربت ذى ما اهلها ربوها مالهاش دعوه ايه اللى حصل للدنيا ولا ليها اللى هيحصل انتى اللى المفروض تتعلمى وتكتسبى المزيد من الخبرات عشان تثقلى بيها ولادك ودا بقى دورك اما دورها فهى اتمته على اكمل وجه ويارب يجعله فى ميزان حسناتها ويكفى انها ربت اطيب قلب مليان حب

صباح الخير يقول...

بعد السلام عليكم

الأخت العزيزة / ملاك ....فقط (الى أن تضعى الكلمة المناسبه مكان النقط)
الطيبه عمرها ماكنت غلطه نندم عليها
كما أنها ليست ضعف
أنظرى الى الطيب .1- ملك نفسه عندما اخطأ غيره فى حقه 2- غلب شيطانه الذى يوسوس له ليرد على من أخطأ بما هو أخطأ3- ملك القدرة على العفو مع القدرة على الرد
تفتكرى يكون بعد كده ضعيف

تحياتى وخالص تقديرى

انت تسال والكمبيوتر يجيب يقول...

ايناس
اولا هذا السم غالى على لأنه اسم بنتى الوحيده...ثانيا سعدنا بالمرور وتاثرنا بهذا الفيض من المشاعر الصادقه ولذلك يهمنا التواصل معك ونوجه لذلك لك هذه الدعوه
نحن اول برنامج أذاعى عن النت والمدونات ويذاع يوميا عدا الجمعه التاسعه وعشر دقائق صباحا على موجات الأذاعه الرئيسيه لمصر
نحن نطرح موضوعات الحلقات قبل اذاعتها فى مدونتنا لبعلق عليها اصحاب المدونات او غيرهم من الزائرين
ونذيع هذه الموضوعات مع التعليقات ومقتطفات من مدونات اصحابها اذا رغبوا
وبذلك نجمع لأول مره بين الأعلام التقليدى والنت
مدونتنا
http://netonradio.blogspot.com

الشـوكة الــنـاعـمـة يقول...

انتى عندك حق الدنيا دى اكبر كدابه وانا زيك بقولها غلطانه ياامى

gogo!sf يقول...

انوسه وحشتينى جدا جدا
اخبارك ايه يارب تكونى بخير دايما

تكتبين ماهو حقا بحياتنا

مش كل الناس يا ايناس على حق

وبردو مش الكل غلطان

افضل وسيله لحل المشكل هى عدم الاختلاط ببعض الناس

صوابعك مش زى بعضها يا بنتى

من البدايه افهمى وابعدى
او افهمى وفربى

تحياتى

عاشقه الاحزان

خواطر شابة يقول...

لا عزيزتي امك مش غلطانة وصدقيني عندنا مثل بيقول " النية كتغلب" وده فعلا صحيح اللي نيته صافية وما بيأذيش حد ربي بيسترها معاه دائما رغم كيد الكائدين
دمت بكل ود

new-one يقول...

الى متى سيظل الحزن يملأك عزيزتى؟؟

عصـــــــــــام الــــديــن يقول...

الملاك الحزين
ابتسامة ملاك
احزان ايناس
انوسه الرقيقه

اتمنى ان نستمتع جميعا بشعرك وفكرك بعيدا عن البكاء والندم ومعاقرة الماضى
هناك مساحات ابداع اجمل وارحب
ربما مللنا البكاء ولم يعد لناغيره فى الحياه
تحياتى ياصديقتى الغاليه

أحــوال الهـوي يقول...

كل لما اكتب تعليق
ما يظهرش في المدونه

في سبب معين

تحياتي

الشاعر الفنان أحمد فتحى فؤاد يقول...

إيناس الملاك
أين انتي؟
طولتي الغيبه
ده وعدك؟
عودي يا بنتي نوري مدونتك ومدونات اصحابك وحبايبك
وحشتينا جدا

نداء إلي إيناس الملاك القاطنة في قلوبنا ... من كل أصحابك وحبايبك عودي الغياب فيه سم قاتل
عودي عودي الغياب فيه سم قاتل
‏(‏ مع الإعتذار للفيلم )
أحمد

Nana يقول...

عندك حق يا ايناس كلنا بنقول لامهاتنا انك ربتينا زيادة عن اللزوم وده مش نافع فى الزمن اللى احنا فيه دلوقتى

ليله شتاء يقول...

السلام عليكم
لما عرفت أنك تعبانه قولت لازم أجى واطمن عليكي ياقمر
ألف سلامه عليكى تشرفينى فى أى وقت حبيبتى المهم أنك ترتاحى أوى ومتتعبيش نفسك خاااالص وترجعلنا بألف خير أن شاء الله
ألف سلامه ودمتى بألف خير
أحبك الله الذى أحببتني فيه

ســـهــــر يقول...

فعلا الطيب اليومين دول مبقاش لية مكان
بس الطيب هيفضل قلب نقى الكل يتمنى يمتلك قلب زى قلبة
صدقينى الطيب بالة مرتاح وضميرة صافى
ودة اهم شىء

سورى ع التأخير يا انوستى

well يقول...

ليه بس بتشيليها الغلط مش كفاية خوفها عليكى
الام اجمل نعمة ولازم نحمد ربنا عليها
رغم ان الليل كله اسود لكن بيكون فى نجمة صغيرة لكنها بتدى للناس امل لما بيتأملوها
انتى نجمة فى دنيا سودة وعشان احنا اتأملنا نورك اللى جواكى ...حبناكى فى الله

تحياتى ويارب تكونى بخير وترجعى اوام

رشيد يقول...

احساس حزين وصادق، حقيقة أثرت في كلماتك..
لك الود والإحترام.

فراشة يقول...

انوسة ازيك يا قمر عاملة ايه واخبارك ايه
يارب تكونى بخير

الكلمات فعلا جميلة قوى يا نوسه
بس لو تعمقنا فى المعنى حنلاقيه صعب قوى
يعنى لو كانت امنا ماربتناش على الطيب كان حيجى اليوم اللى احنا نجرح ونألم فيه اللى اتربوا على الطيب

وبقينا احنا اللى بنجنى عليهم زى ماهما بيعملوا دلوقتى
يا بنتى لما نكون مظلومين احسن مانكون ظلمه

الحمد لله على كل شىء
وخليكى متاكده ان فرج ربنا قريب
بس لازم نتحركله

بنضعف ونتعب ونرجع تانى نفوق ونعلى وهكذا حنقول ايه هى دى الحياة

المفروض انك تكونى مبسوطة بقلبك الطيب
بس الاهم انك توظفى طيبتك صح يعنى تفصليها عن الغفلة
وكل مرة لازم تتعلمى حاجة من الحياة
ياااااااااه ده احنا كل يوم بنتعلم حاجات
واكيد احنا الكسبانين فى الاخر

سلام يا قمر يا نوسه
بجد يا ايناس انتى جميلة قوى

واحد من البلد دى يقول...

السلام عليكم

ايه كل القتوم ده يا بنتى

البوست ده و اللى قبله..

ربنا يكرمك و يعفو عنك ويزيل أسباب الكرب عن نفسك و يهدى قلبك و ينور طريقك و يحسن رفاقك فى الدنيا و الآخرة

ما احبش أشوف الحزن ده فى كتاباتك يا أخت إيناس...وإسمحيلى أن أعتبر حضرتك أخت لى....
تأثرت جدا بالبوست و لكن الغلطة مش فى الأم لأنها لا تعلم الغيب يا إيناس و لا تعلم أن البشر سيتحولون ذئابا فى الوقت الذى ستبقى فيه إبنتها ملاكا يعيش بكوكب آخر..

ربنا يكرمك ويوفقك..

إضحكى بقى ههههههه

دمتى فى حفظ الله

ســـهــــر يقول...

افتحى التعليقات يا ايناس مش عارفة اوصلك الميل عندى مش شغال
فى اية يا بنتى م طظ فى كل حاجة واى حاجة افتحى التعليقات بجد

sondok يقول...

كلام جميل اوي يا ايناس

بس أرجوكي ماتحرميناش من كلامك الحلو ده

أنا مش عارف أوصلك ازي وأقولك ان بجد مافيش حد يستاهل حاجة
عيشي زمنك وماتحرميش اصحابك منك علشان حد مايستاهلش

أتمنالك كل خير
تقبلي مروري

كلمات من نور يقول...

عن العباس بن عبد المطلب رضي الله تعالى عنه أنه سمع رسول الله صلى الله عليه وسلم يقول: ذَاقَ طَعْمَ الإيمَانِ مَنْ رَضِيَ بِالله رَبّا وَ باْلإِسْلاَمِ دِيناً و بِمُحَمّدٍ رسولا .


وهذا كغيره، أو مثل الحديث الذي قبله -يدل على أن للإيمان طَعْمًا. الطعم عادة إنما يكون باللسان، طعم العسل، وطعم التمر مثلا وحلاوة الطعام اللذيذ. ولكن للإيمان أيضا طعم، ليس خاصا باللسان ولا بالفم، ولكن بالبدن كله، يكون أثر الإيمان في البدن كله، يجد نشوة وحلاوة في بدنه كُلِّهِ؛ في رأسه، وفي قدميه، وفي يديه، وفي بطنه، وفي ظهره، يجد للإيمان طعما.
يقول: ذاق طعم الإيمان من رضي بالله ربا، وبالإسلام دينا، و بمحمد نبيا كان عمر رضي الله عنه يكرر ذلك ويقول: رضينا بالله ربا، وبمحمد نبيا وبالإسلام دينا. ولا شك أن الرضا يستدعي الانبساط إلى ذلك الذي رضي به، فإن من رضي بشيء فإنه يحبه ويقدمه على كل شيء. فإذا رضيت بالله ربا فإنك تعبده وتطيعه، وإذا رضيت بالإسلام دينا فإنك تطبقه وتعمل به.
وإذا رضيت بنبوة محمد به نبيا، فإنك تتبعه وتطيعه وتسير على نهجه، وتجعله أسوتك وقدوتك. وإذا ظهر منك خلاف ذلك فذلك نقص في الرضا. إذا ظهر من الإنسان نقص في الاتباع، أو الطواعية، أو في التأسي، أو في العبادة -دل ذلك على نقصه في هذا الرضا، أنه لم يكن رضاه رضا كاملا، بل رضا ناقص.

فاروق بن النيل يقول...

إيناس ..السلام عليكم ورحمة الله وبركاته
عندى موضوع بإسمك بمدونتى رجاء أن تقرأيه وشكرا لكى . أخوكى فى الله /
فاروق عبد الحفيظ محمد سحير

فاروق بن النيل يقول...

إيناس ...
أرجوكى أدخلى عندى بالمدونة عندى موضوع بإسمك عيزط تقرأيه ضرورى جدا وشكرا لك . فاروق

salma mohamed يقول...

السلام عليكم
نوسة ليه ده كله،مش انتي بس اللي بتتألمي من أفعال الناس ولا انتي الوحيدة اللي المجروحة،كل من عاش في زماننا نوع من اتنين لظالم لمظلوم،
واللي يعيّش نفسه بالشكل ده ويستسلم ظالم هو كمان،بيظلم نفسه اول حاجه وهيتسأل عليها قدام ربنا،
وبيظلم ناس تانيه نفسهم يشوفوه سعيد،وهو كأنه بيقولهم انتوا كلكوا ولا حاجه،
اللي بعمل الخير لو مالقهوش في الدنيا هيلاقيه في الاخره والعكس.

طهر فؤادك يقول...

السلام عليكم ورحمة الله وبركاتة

كلماتك مأثرة جداااا ياايناس

وربنا يكرمك يارب ويبعد عن كل سوءء

ومنتظرينك ان شاء الله