الحب الحلال

الحب الحلال

الخميس، 29 أبريل 2010

طيف من الماضى



السلام عليكم ورحمة الله
تحيه طيبه معطره بذكر الله
إلى كل أحبائى وزملائى الأفاضل


ومن أخجل منه نسبة لأنه أكبر من أن يذكرنى
وهما؟؟؟

الأستاذ الكبير فاروق ابن النيل
الشاعر الفنان أحمد فتحى فؤاد
أخويا الجميل الأزهرى


***********
صدقونى ده مش هروب منى ولا إنهزام وزى ماتفضلتم ياما شوفنا
من الناس وياما مر علينا
ولكن سامحونى هناك حدود للأذى فلو تعداها البشر أصبحوا ممن
ندعى ربنا بأن يحفظنا من فسادهم
وانا أقدر محبتكم والله من قلبى

كتير عليا أحساسكم الرقيق وتشجيعكم ليا
وأنا مازالت أتابعكم وأرى مواضيعكم وما تخطه أيديكم دائما
عامة أود كلمه لبعض الناس وليس لأخوانى الأعزاء وأخواتى

بل لمن نسى الله فأنساهم أنفسهم لمن نسى لماذا نحن هنا على الدنيا
وماخلقت الجن والإنس إلا ليعبدون
صدق الله العظيم
نسوا أن الحياه أقدار

وكل منا خلق له قدره ونصيبه وحياته وأنه لايوجد شخص
على وجهه الأرض يستطيع ان يتحدى إرادة الله
ويجب أن أذكرهم بقول الله العظيم
(قل لن يصيبنا الا ما كتب الله لنا)
يجب عندما تتخطى الحدود ويتشوه الواقع
أن نعود لأنفسنا ونتفكر جيدآ
من نحن؟ لماذا نحن؟ هل نقوم بما خلقنا من أجله؟
لن أستطيع أن أقول أكثر فحتى الكلمات عجزت عن وصف هذه الفئه
نهاية الكلام شكرآ لكل من تذكرنى بخير وأعلموا إننى أراكم بقلبى وعينى
ولن يصح أن أنساكم ماحييت ولا أحد يعلم الغيب من الممكن أنه بعد أن تتخبط
سفينتى ويطرحنى الموج أن يرسينى الشاطىء لكم مره أخرى
تحياتى
إيناس

هناك 41 تعليقًا:

Ms Venus يقول...

ايناااس


اخيررا جيتى

قافلة التعليقات وانا مكنتش عارفة اوصلك ازاى

وسيبت تعليق عن استاذ فاروق قولت يمكن تشوفيه


فينك بس حبيبتى ومالك

حاسة بيكى اوى واد ايه انتى تعبانة

قولى ياارب

وربنا يريح بالك ياارب ويسعد قلبك حبيبتى

Ms Venus يقول...

اووووعى تستسلمى وتبعدى

خليكى

رغم انى مش فاهمة اوى اللى حصل

بس مهما كان

خليكى لان مادام معاكى الحق

ربنا دايما هيكون معاكى

الازهرى يقول...

أوووووووووووووووووووووووووووووووووول

الازهرى يقول...

وتعليق كمان

ولو مش عاجبك عندك لجنة حموم الإنسان

الازهرى يقول...

وكمان تعليق

الازهرى يقول...

ممممممممممممممم

ما علينا من الإشراف ده
حجة البليد زى ما بييقولوا

بس برضه هاحتل

الازهرى يقول...

والا اقولك

اتلككى بى وسيبى لتدوين

ما انا مفترى بقى

الازهرى يقول...

وعندى اقرتاح أحسن وأحسن



اقتلى الرئيس

الازهرى يقول...

وعندى اقتراح أحسن

انضمى لحزب الشر والأذى ضدى

يعنى هتيجى منك

بزياده

الازهرى يقول...

ورخامة تعليق كمان

الازهرى يقول...

وكمان تعليق على ما أجمع كلامى

الازهرى يقول...

بصراحة حاسس إنى عايز أول لك كلام كتير

بس مش عارف أبدأ منين

ســـهــــر يقول...

ايناس
مش هقولك الدنيا فيها وفيها لانة كلام مفهوم ومعروف ومفيش جدال فية
بس هقولك ريحى اعصابك شوية وريحى مخك كمان من التفكير واللى جرحك هو اللى خسرك وانتى الكسبانة
بالله عليكى تطمنينى عليكى وتخللى بالك من نفسك وتفضلى دايما ارق انوسة فى عالم التدوين كلة
بحبك فى الله

الازهرى يقول...

وعلى العموم يمكن لو قلت لك خليكى على طبيعتك دايما فى كتاباتك وانت تكسبى

صدقينى نصيحة من كجرب
مهما كان الكلام والتعليقات حذار تلبسى قناع وتعيشى بيه
فى النهايه هتخسرى

أتمنى أكون لخصت اللى فى دماغى

لــــ زهــــــراء ــــولا يقول...

ايناس

كان نفسى اقدر اوصل لكى بأى طريقه علشان اقولك ان طول ما احنا عايشين فى الدنيا احتمال نلاقى ايد تجرح فى نفس الوقت من المؤكد تلاقى عشرات الايادى تدواى الجراح
احتمال تقابلى اللى يغدر ويجرح لكن من المؤكد انك هتقابلى اللى يضحك فى وشك ويدعو لكى ويحبك فى الله
احنا عايشين فى الدنيا مش فى الجنه
مهما حصل ومهما كان من فضلك خليكى قويه واثقه من رحمة ربنا سبحانه وتعالى
يمكن مش تشرفت بمعرفتك بصفه شخصيه لكن عن جد اشعر انك حد غالى اوى على قلوبنا

انووووووووووس
ربنا سبحانه

يمهل ولا يهمل

على فكره التعليق ده ممكن مش يكون للنشر لانى ارسلت لانسانه جميله احبها فى الله وادعو لها بالتوفيق فى كل لحظه من لحظات حياته وادعو لها من قلبى بالسعاده

الله يعوض علينا باللى يفرح عينينا


زهراء

أنا - الريس يقول...

رغم ان دي زيارتي الأولي لمدونتك لا اتمني انها تكوني الاخيرة ، ولو خليتي حد يجبرك انه يطلعك من عالم التدوين اللهم الا حالات اسرية ،فتبقي غلطانة ، وخدي " مدونة شمس النهار مثال " بس رجعت اقوي من الأول وبتشجع الجميع ,, ربنا يكرمك ,, منتظر بوست جديد منك ومتزعلنيش ارجوكي

لاسع افندى يقول...

ارجو ان ترسى سفينتك على بر امان


تحياتى

جنّي يقول...

السلام عليكم

كيف حالك الآن لعلك بخير ...

انزعجت من قراءة عنوان البوست السابق ودخلت ووجدت التعليقات مغلقة في كل المدونة وليس لي وسيلة اخرى للاتصال عدا المدونة .. ولكني كنت واثق من عودتك .. فخيرا ما فعلت ..

لقد تحدثت معك من قبل في امر الناس وما يحدث منهم .. المهم أغيظيهم بتواجدك واستمرارك ..

أخر مرة .. ماشي ..

سلام

جنّي يقول...

السلام عليكم

معلش يا ايناس تصويب للآية القرآنية
فقد قدمتي الانس على الجن
ارجو تعديلها :

{وَمَا خَلَقْتُ الْجِنَّ وَالإِنسَ إِلا لِيَعْبُدُونِ }الذاريات56

وكذلك قل وليس كل :
{قُل لَّن يُصِيبَنَا إِلاَّ مَا كَتَبَ اللّهُ لَنَا هُوَ مَوْلاَنَا وَعَلَى اللّهِ فَلْيَتَوَكَّلِ الْمُؤْمِنُونَ }التوبة51

شكرا

well يقول...

هى الدنيا كدة ابيض واسود
ملاك وشيطان
حتى الاخرة جنة ونار
المسلم اللى يعيش وسط الناس ويتحمل ازاهم احسن من المسلم اللى يكون لوحده
اتمنى ان سفينتك توصل للشاطئ
ولو لقيتى اى حد بيغرق خدويه معاكى فى السفينة ..
تحياتى

أحــوال الهـوي يقول...

كثيرا ما نمر بلحظات ضعف تكون من اثر مصاحبة اصحاب الكابة و الياس فتاخذنا هذه السلبيات الي مناطق الحزن و الاحباط

عزيزتي هناك الكثيرون من الناس من يطغوا بثقل ظلهم علي نفسياتنا و التخلص منهم بداية درب السعادة و صفاء النفس و لكن ليس الحل الهروب من كل الناس


اختاري من تصادقي و من لا يتفهمك و يتبني طريق اخر فليمضي الي حيث يريد وحيدا مهملا



تحياتي

أحمد زاهر يقول...

حفظك الله من كل سوء وسلط على كل من أراد لكى سوء شياطين من فئتهم
ونحن أيضا لن ننساك أبدا

hana يقول...

ليه يا إيناس مهما كان في الم أو شيء مدايقك او حتى جرح كبييير
لازم تبئي اقوى منه
تقفي وتكملي
أنا اول مرة أكتب تعليق في مدونتك الجميلة
أتمنى ترجعي

حياه بلا عنوان يقول...

السلام عليكم ورحمه الله وبركاته
ازيك ياايناس عامله ايه
معلشى يدوب لسه عارفه ادخل المدونه عندك عنوان الموضوع جميل قووووى
طيف من الماضى وكمان الموضوع نفسه جميل قوى منتظرين المزيد
تحياتى

هوبتي يقول...

السلام عليكم ورحمة الله
اولا ازيك عامله ايه؟ يارب تكوني بخير
انا الحمد لله بالف خير

ثانيا انا عايزه اقولك ان انا بنسي الجمله دي

(قل لن يصيبنا الا ما كتب الله لنا)
بجد اوقات كتيره بنساها ومش عارفه ازاي انا بنساها يمكن لاني بكون وقتها ضعيفه جدا وشيطاني اقوي مني ؟
مش عارفه

كل الي اقدر اقوله الان اني ادعوا الله من كل قلبي ان يعني علي شيطان نفسي لان مافيش شيطان اوحش من شيطان النفس الي بيتسلط عليه .

وتقبلي مروري وتحياتي

ليله شتاء يقول...

السلام عليكم
أنا مبسوطة جداا أنك رجعتى تانى وعندك حق نحن لا نصنع الاقدار ولازم نتغلب وننتصر على من يحاول جاهدا هزيمتنا ألا أنتى القائلة
((إن لم تستطع أن تنظر أمامك لأن مستقبلك مظلم
ولم تستطع أن تنظر خلفك لأن ماضيك مؤلم
فأنظر إلى الأعلى
ستجد ربك تجاهك فإبتسم ))

مشهقولك الحياة كلها حلوة بس فيها الحلو والمر رسائل بين غدر وغفران كونى قوية وأيمانك بالله أكيد هقويكى أكتر

ربنا يبعد عنك كل شر

دمتى يارب فى سعادة دائما

موناليزا يقول...

كده يا نوسة
تبعدى من غير مقدمات ووتغلقى اى باب ممكن يوصلنا ليكى
حتى حسابك على الفيس بوك تلغيه
مش هسألك على اللى حصل وخلاكى تبعدى كده بس على الاقل هطلب منك انك ماتستسلميش للى انت فيه

ساره يقول...

تعرفي اني فرحت كثير لما شفت لك بوست جديد ... بجد كنت قلقانه عليكي ياقمر

اختك
ساره :)

الشاعر الفنان أحمد فتحى فؤاد يقول...

ايناس الملاك
أولا حمدالله علي السلامه
ثانيا نحن نحبك في الله اكثر مما حتي تعتقدي ولذلك لن نقبل بغيابك ابدا ولو أخر شي نفعله
ثالثا الحياة ابدا لا تخلو من الألم بل بالعكس كلما زاد الألم وعظم كلما زاد إحساسنا وفرحتنا بما دونه وكلما احسسنا اكثر بالسعاده
وكلما حمدنا ربنا اكثر واكثر
أبدا لاتحزني فاحيانا وبسبب أناس منا لا يفهمون يكون صوت الألم أعلي ولكنه ابدا لا ينتصر ولا يبقي
لا تيأسي ابدا نحن الي جوارك دائما
نحبك ونقدرك ونتشارك معك ومعنا كل اللحظات جميله كانت او مؤلمه
إنفضي عن نفسك غبار الحزن والألم ودعي ربنا العظيم حسبك وحسبنا يرد عنك لكل من تسبب في المك
نحن جوارك

الشاعر الفنان أحمد فتحى فؤاد يقول...

ايناس الملاك
أولا حمدالله علي السلامه
ثانيا نحن نحبك في الله اكثر مما حتي تعتقدي ولذلك لن نقبل بغيابك ابدا ولو أخر شي نفعله
ثالثا الحياة ابدا لا تخلو من الألم بل بالعكس كلما زاد الألم وعظم كلما زاد إحساسنا وفرحتنا بما دونه وكلما احسسنا اكثر بالسعاده
وكلما حمدنا ربنا اكثر واكثر
أبدا لاتحزني فاحيانا وبسبب أناس منا لا يفهمون يكون صوت الألم أعلي ولكنه ابدا لا ينتصر ولا يبقي
لا تيأسي ابدا نحن الي جوارك دائما
نحبك ونقدرك ونتشارك معك ومعنا كل اللحظات جميله كانت او مؤلمه
إنفضي عن نفسك غبار الحزن والألم ودعي ربنا العظيم حسبك وحسبنا يرد عنك لكل من تسبب في المك
نحن جوارك

Butterfly يقول...

السلام عليكم
انا اول مره ادخل هنا وعرفت هنا من عند الأزهرى وحبيت أدخل مخصوص لما عرفت انك من المنصوره :)
انا حاسه بكل اللى انتى كاتباه ده عشان مريت بيه كتير وفى ناس كتير مرت بيه
كل اللى اقدر أقولهولك الدنيا مش بدوم على حال .. دوام الحال من المحال يعنى

حاولى متستسلميش للاحساس والوضع ده وقاومى على قد ماتقدرى وربنا قادر يفرج همك.

ريمان يقول...

انوسه حبيتبى

السلام عليكم

عامله ايه حبيبتى

والله حاسه بيكى اوى

معلش حبيبتى بس ارمى همومك على الله هو بايده يحصل كل مشاكلك ويحميكى لان هو اللى عالم بحالك


بس انتى بس روقى يا قمر

ومش تغيبى عننا ابدا ابدا

وخلى بالك من نفسك


واحنا هنا اخواتك ومعاكى وواقفين جمبك


امواااااااه ليكى انتى بس

روقى بقى عشان خاطرنا

غير معرف يقول...

السلام عليكم
ازيك يا ايناس
حمدا لله على السلامه من الغيبه دي
يارب تكونى كويسه دلوقتى

بصى
الانسان بيجيله امتحانات فى حياته
ولو صبر باذن الله هاينجح فى الامتحان
ولو مصبرش هاتبقى مشكلته هو
ورغم كده ربنا برضه رحيم بعباده دايما

مش انتى لوحدك اللى بتقابلى مشاكل
لو دورتى هاتقولى
اللى يشوف بلاوى الناس تهون عليه بلوته
ربنا يكرمك دايما ونسمع عنك كل خير

فاروق سحير ( فاروق بن النيل ) يقول...

أختى الفاضلة إيناس ....
أولا آسف على التأخير لأنى كنت بدور على بعض الأوراق وباكتب موضوع جديد بمدونتى : تجاربى وحكاياتى " والموضوع بإسم " خروج الجنى من الجسد "
وهى حكاية حقيقية حدثت لى وإنتهيت
ثانيا: مبروك على رجوعك لنا بالسلامة
ثالثا: هى دى إيناس اللى عرفتها من كتابتها ولازم ماتتغيرش أبدا مهما كان
رابعا: موش عارف أعبر لك عن إحترامى لك وإمتنانى أن ذكرتى إسمى ضمن من تعتزين بهم وهذا شرف لى أعتز به جدا
وشكرا على كلامك الرقيق ويالا يامعلم علق بقى إما أشوف حاتخاف من الجن ولا لأ

فاروق سحير ( فاروق بن النيل ) يقول...

إينــــــــــــــاس الملائكيـــــــة
نورتى المدونة وموش عايزك تضعفى تانى خليكى أقوى من الكل شوفى حبايبك كتروا إزاى إنسى بقى التانيين اللى فى بالك وماتخليهومش فى بالك على طول وشكرا لكى

فاروق سحير ( فاروق بن النيل ) يقول...

المــــــــــــــلاك إينـــــــــــاس
ياجامد أوى أوى
أيوه كده بس ورينى شطارتك وشوفى حاتخافى من قصتى " خروج الجنى من الجسد"
ولا قصة " الملحدون "
فى مدونتى " تجاربى وحكاياتى " وحمدالله على السلامه ياأنوس

sondok يقول...

ايناااااااااااااااس


اوعي تغيبي اني

بجد شوفي فعلا قد ايه هنا بيحبوكي

هاتعيشي حياة جديدة وهاتسعدي والله وهاتلاقي اللي يقدرك .. شوفي اللي بكلمك اصلا عايز المساعدة .. بس بجد ده الواقع والله فعلا

لازم في يوم هاتقابلي اللي يعطيكي وبزيادة ومش هاتقدري كمان توافيه

اوعي تسيبينا تاني

تحياتي
ياسر رشاد

جارة القمر يقول...

وحشتيييييييييييييييييييييني

جارة القمر يقول...

ليه الحزن مش راضي يسيبك ياحبيبتي هو دة قدرنا ودة حالنا

معلش خلينا نستحمل

مين عارف الخير فين

جارة القمر يقول...

طمنيني عليكي اخبارك ايه ياقمري
والله العظيم انا عارفة اني مقصرة معاكي بس اعذريني

والليلة بستناكي عشان نتلكم كتير


بحبك اوي

شوية قهوة يقول...

مهما الناس جرحوا في ناس تنيين بيحبوكي اوي
واكيد البيحبوكي اكتر
متبعديش عنا ومتخليش اي جاجة تزعلك ابدا
متخليش حد يبعدك عن العالم